JEREMIA 48:3 - Ombibeli Iyapuki

³ Pwilikina! MuHoronaim tamu kuwa onghuwo: “Ehanauno nedipao lidjuu!”

JEREMIA 48:3 ပူးပေါင်းရင်းမြစ်များ

JESAJA 15:2

Otava i kuBait nokuDibon, keemhunda diyapuki, va ka lile. Moab ota lili pombada muNebo nomuMedeba; komitwe davo adishe ope na omapalu, neendjedi adishe oda kululwa ko.

JESAJA 15:5

Omutima wange otau ingida omolwaMoab, noonakufaduka po vavo ova ya fiyo okuSoar, fiyo okuEglat-Selisija. Noikulundudu yaLuhit otave i londo nokukwenauka, heeno, mondjila yaHoronaim otava kuu onghuwo omolwehanauno.

JESAJA 15:8

Eenghuwo oda kuwanena keengaba daMoab, muEglaim omwa udika ekweno laye, nofiyo Beer-Elim elilaano laye.

JESAJA 22:4

Opo nee ohandi ti: Taleni pamwe pe lili, hakwaame, opo ndi shiive okulila nokuli lilila; inamu uya okuhekeleka nge molwehanauno lomona okakadona koshiwana shange.

JEREMIA 20:16

Heeno, omulumenhu ou na ningwe ngaashi oilando inya ya hanaunwa po kOmwene ehe nonghenda. Na ude onghuwo mefimbo longula neweelelo loita omutenya,

JEREMIA 47:2

Omwene osho ta ti: “Tala, omeva taa fuluka okoumbangalanhu ndee taa ka ninga ekunguluko lefundja. Ndele taa tuvike edu noinima aishe yalo noshilando noonakukalamo musho. Ndele ovanhu otava ka lilaana noonakukalamo aveshe moshilongo otava ka kema,

JEREMIA 48:34

Onghuwo ei yomuHesbon otai udika fiyo okuEleale nofiyo okuJahas. Otava yelula ondaka yavo tai udika muSoar fiyo okuHoronaim, fiyo okuEglat-Selisija, osheshi nomeva enya omuNimrim otaa shituka ombuwa.

JEREMIA 48:4

Moab osha hanaunwa po. Elilaano lounona otali udika.

JEREMIA 48:5

Osheshi omalila aLuhit taa londwa nokuli, osheshi kolwamhati lomhunda yaHoronaim taku udika elilaano lomadipaelo.

JEREMIA 51:54

Pwilikina, onghuwo tai kuu muBabilon! Eweelelo linene lomahanauno moshilongo shOvakaldea!