JEREMIA 48:14 - Ombibeli Iyapuki

¹⁴ Nye otamu dulu ngahelipi okupopya tamu ti: Fye ovaladi ovalumenhwelela mokulwa?

JEREMIA 48:14 ပူးပေါင်းရင်းမြစ်များ

OMAPSALOME 33:16

Ohamba itai xupifwa molwounenengudu wayo, nofule itai likwafa keenghono dayo.

JESAJA 10:16

Onghee hano Omwene, Omwene womatanga ovakwaita, ota tumine movakwaita vaye va ondoka omukifi wokunangatela, nokoshi yoshinge shaye otaku ka pya ngaashi omundilo wa xwama tau xwike.

JESAJA 10:13

Osheshi ye ota popi, ta ti: “Onde shi ninga keenghono domake ange mwene, nokeendunge dange mwene, osheshi ame ondi nomayele. Neengaba dopokati koilongo noilongo ame onde di lundulula, noituvikilwa yavo onde i tinha; novakali omutumba komalukalwapangelo onde va tuwa ko ngaashi omhedi.

SEFANIA 2:10

Osho otave shi ningilwa omolwelinenepeko lavo, osheshi ova sheka nova kala tava shishimana ovanhu vOmwene womatanga ovakwaita.

HESEKIEL 30:6

Omwene ta ti ngaha: “Heeno, vo ava hava yambidida Egipiti tava ka wila po, nepangelonghono lasho lelinenepeko tali ka xutulwa. Okudja kuMigdol fiyo okuSiene vo otava ka wila po musho keongamukonda, Omwene Kalunga osho ta ti.

JEREMIA 49:16

Okutilika kwoye nelinenepeko lomutima woye ole ku kotokela, ove ou ho kala momakololo eemhunda, ove ou oho likwatelele koxulo yomhunda! Ndele nande u litungile oshihadi shoye pombadambada ngaashi onhwa, Ame ohandi ku undulile poshi, Omwene osho ta ti.

JEREMIA 9:23

Omwene osho ta ti: Omunaendunge ine litangela eendunge daye, omunaenghono ine litangela eenghono daye, oshipuna shiha kale nokulitangela oupuna washo,

JEREMIA 8:8

Otamu dulu ngahelipi okutonga mu tye: ‘Fye ovanaendunge, nomhango yaKalunga otu i kwete’? Heeno shili, tala oshishangifo shovanongo vomishangwa shoipupulu osha shanga oipupulu.

JESAJA 16:6

Fye otwa uda okuholounhwa kwaMoab, heeno, ye omulinenepeki unene, nelitumbo laye nounhwa waye noupyuhandu waye nokulombaula kwaye.

OMUUDIFI 9:11

Natango nda mona koshi yetango nokutya, okutondoka shanamutete kaku li mepangelo laau e nonhapo, haita mepangelo lovakwanyati, hamungome mepangelo lovanaendunge, haupuna mepangelo lovanamayele, hahokwe mepangelo lovanongo, ndelenee efimbo nesheyelo tali pangele aishe.

OMAPSALOME 11:1

MOmwene onda tula mo elineekelo lange; otamu ti hano ngahelipi kwaame: “Tukeni keemhunda ngaashi odila!