JEREMIA 47:3 - Ombibeli Iyapuki

³ omolwomapulukuto omakondo eenghambe daye nomolwomakolokoto omatemba aye nondaka yomaulu omatemba aye. Ooxe itava pilukile vali kovana vavo, ve va kwafe, osheshi omake avo a loloka,

JEREMIA 47:3 ပူးပေါင်းရင်းမြစ်များ

JESAJA 5:28

Oikuti yavo oya honga nomauta avo okwa lukilwa. Omakondo eenghambe davo ngaashi emanya likukutu, nomaulu omatemba avo ngaashi okafudaela.

JEREMIA 46:9

“Tondokeni nye eenghambe, maneni mo nye omatemba! Ovaladi nava tondoke! Onye vomuEtiopia novomuPut, ava ve noikelelifo naava vomuLud, ovo ve nomauta novalukili vomauta.

JEREMIA 50:42

Ove nomauta nomaonga, vo ovadudu vehe nonghenda. Oshihomo shavo ngaashi engungumo lefuta, ndele hava londo eenghambe, va djala oiti ngaashi omukwaita, ve ku lidengife, ove omona okakadona Babilon.

JEREMIA 8:16

MuDan omo tamu udika epembaano leenghambe daye, nekwenauko leenghambe daye deemhedi tali kakameke oshilongo ashishe. Otave uya ndele tava li po oshilongo ashishe naashi shi li mo, noshilando noonakukala musho.

HESEKIEL 23:24

Ndele vo otave ke uya kwoove nongudu yomatemba oita noutemba nongudu inene yomoiwana. Vo otave ku dingilile noshikelelifo shinene noshikelelifo shinini nembale loshivela. Ndele Ame ohandi ke va pa ehandukilotokolo loye, ndele vo otave ku tokola pauyuki wavo.

NAHUM 2:4

Omatemba oita taa mashauka neendjila, taa tondoka moluhaela. Okuholoka kwavo ngaashi eenyika da xwama, ngaashi omaluvadi taa shela kombinga nombinga.

NAHUM 2:8

Ndele Ninive osha kala ngaashi etale lomeva momafiku asho aeshe. Ndelenee vo otava i onhapo! “Kanghameni! Kanghameni!” Ndelenee kape na ou ta piluka.

EHOLOLO 9:9

Ndele osha li shi noipakotolwa ya fa yoivela, noshihomo shomavava asho osha fa ekolokoto lomatemba oita, neenghambe tadi tondoka oita.

OVATOKOLIPANGELI 5:22

Opo nee omakondo eenghambe a mbulukuta nokutondoka, ovaladi eshi ve di londa nokutondoka.