JEREMIA 42:6 - Ombibeli Iyapuki

⁶ Ngeenge oiwa ile oii, ohatu ka dulika kondaka yOmwene Kalunga ketu, ou hatu ku tumu kuye, opo tu kale nawa, eshi hatu dulika kondaka yOmwene Kalunga ketu.”

JEREMIA 42:6 ပူးပေါင်းရင်းမြစ်များ

OMAPSALOME 128:2

Eshi we lilongela nomake oye, osho oshikongwa shoye shili, ou nelao, to kala nawa.

OMAPSALOME 78:36

Ndelenee efufyo alike la li momakanya avo, ndele tave mu popile oipupulu nomalaka avo;

EXODUS 24:7

Ndele okwa kufa ko oramata yehangano ndele e i leshela momatwi ovanhu. Ndele vo ova tya: “Ashishe eshi Omwene e shi tonga, ohatu ke shi wanifa nokudulika kusho.”

JESAJA 3:10

Tongeni omuyuki nokutya, oye ota ka kala nawa, shaashi vo otava ka lya oiimati yoilonga yavo.

JEREMIA 22:15

Ou shii, oove ohamba, osheshi wa hokwa omiti omisederi! Xo ina lya, ye ina nwa vati nokwa li ha tokola pauyuki nokudiinina eshi sha yuka. Onghee ye a mona elao.

JEREMIA 43:4

Osho hano Johanan yaKarea nomalenga aeshe omatanga ovakwaita pamwe novanhu aveshe inava dulika kondaka yOmwene, va kale moshilongo shaJuda.

JEREMIA 7:23

ndelenee onde va lombwela nda tya: Dulikeni kondaka yange, opo nee handi ka kala Kalunga keni, ndele nye otamu ka ninga ovanhu vange. Kaleni nokweenda shili nondjila ei handi i mu lombwele, opo mu kale nawa.

OVAROMA 7:13

Hano eshi shiwa osha etela nge efyo mbela? Nandenande. Ndelenee oulunde, opo u holoke oo oulunde wa etela nge efyo kwaashi shiwa, opo oulunde u ninge shili oulundelela okoshipango.

OVAROMA 7:7

Paife ohatu ti shike hano? Omhango oyo oulunde? Nandenande. Osheshi ngeno hamhango ya li po, ngeno inandi shiiva oulunde; osheshi omhango ngeno inai tya: “Ino haluka”, ngeno inandi shiiva okahalu.

OVAROMA 8:7

osheshi ombelela ohai diladila olwoodi naKalunga, shaashi ihai dulika komhango yaKalunga, ngaashi itai shi dulu.

DEUTERONOMION 5:27

Ove inda ko, u ka ude adishe odo Omwene Kalunga ketu ta ka tya, opo nee ove to dulu oku tu shiivifila Omwene Kalunga ketu eshi te ku lombwele, ndele fye ohatu shi udu noku shi ninga.’

DEUTERONOMION 5:29

Akutu, ngeno va kale ve nomutima wa tya ngaha, va kale nokutila nge nokudiinina alushe oipango yange aishe, opo voovene novana vavo va mone elao fiyo alushe.

DEUTERONOMION 5:33

Endeni neendjila odo Omwene Kalunga keni e di mu lombwela, opo mu shiive okukala nomwenyo ndele mu kale yo nelao, opo mu shiive okuhapupalifa omafiku medu olo nye mu noku ke li nangala.

JOSUA 24:24

Opo nee ovanhu va lombwela Josua: “Fye ohatu ka longela Omwene Kalunga ketu nokupwilikina ondaka yaye.”