JEREMIA 40:7 - Ombibeli Iyapuki

⁷ Opo nee omalenga omatanga ovakwaita aa a kala meefuka novanhu vavo, eshi va uda ohamba yaBabilon ya nangeka Gedalja yaAhikam a ninge omupangeli woshilongo nokwe mu pa ovalumenhu novakainhu nounona neehepele vomoshilongo, ava inava twalwa kuBabilon,

JEREMIA 40:7 ပူးပေါင်းရင်းမြစ်များ

2 EEHAMBA 25:12

Ndelenee ovakwanaluhepo vomoshilongo, omukulunhu wovanangeli a efa, va fyaale po, va ninga ovalongi voikokola yomiviinyu novalongi vomapya.

2 EEHAMBA 25:4

oshilando sha puminwa, novakwaita aveshe va ya onhapo oufiku, va pita moshivelo pokati keehotekuma mbali di li poshikunino shohamba, fimbo Ovakaldea va dingilila oshilando. Nohamba ya ya nondjila yokoluhaela.

JEREMIA 39:10

Ndelenee eehepele odo da li dihe na sha, da fiwa po kuNebusaradan, elenga lakula lovanangeli, medu laJuda, ndele okwe di pa oikokola yomiviinyu nomapya mefimbo tuu olo.

JEREMIA 39:14

ova tuma Jeremia a ka talwe moluumbo lodolongo, ndele ve mu yandja kuGedalja yaAhikam yaSafan, ye e mu twale keumbo laye. Osho ngaha a fyaala a kale mokati koshiwana.

JEREMIA 39:4

Ndele Sedekia, ohamba yaJuda, novakwaita vaye aveshe, eshi ve va mona ova faduka po, va dja mo moshilando oufiku nove shi fiya po, va ya nondjila yoshikunino shohamba, va pita moshivelo shopokati komakumahote avali. Ndele ye okwa ya nondjila tai twala komahenene.

JEREMIA 39:9

Naava va li va fyaala moshilando naava va li va faduka po ve liyandja kuye novanhu vakwao va xupa, Nebusaradan, elenga lakula lovanangeli vohamba okwe va twala kuBabilon.

JEREMIA 41:1

Ndelenee mohani onhiheyali Ismael yaNetanja yaElisama, womepata leehamba nelenga lomomalenga ohamba e uya pamwe novalumenhu omulongo kuGedalja yaAhikam kuMispa. Ndele muMispa ova lile pamwe naye.

JEREMIA 41:10

Ndele Ismael okwa twala oixupe aishe yoshiwana eenghwate oyo ya hangika muMispa novana oukadona vohamba novanhu aveshe ava va xupa muMispa, ovo Nebusaradan, elenga lakula lovanangeli, e va yandja kuGedalja yaAhikam, ovovo Ismael yaNetanja e va twala eenghwate, ndele a ya koshilongo shovana vaAmmoni.

JEREMIA 41:11

Opo nee Johanan yaKarea novakulunhu vovakwaita va li puye, eshi va uda owii aushe ou Ismael yaNetanja e u ninga,

JEREMIA 43:6

ovalumenhu novakainhu nounona novana oukadona vohamba novanhu aveshe Nebusaradan, elenga lakula lovanangeli le va fiya poGedalja yaAhikam yaSafan, nomuxunganeki Jeremia yo naBaruk yaNeria.

JEREMIA 52:16

Ndelenee ombinga yeehepele domoshilongo, Nebusaradan okwa fiya po vamwe va ninge ovalongi voikunino yomiviinyu novomapya.

HESEKIEL 45:16

Ovanhu aveshe vomoshilongo ve nokweetela ohamba yaIsrael omayambo aa.