JEREMIA 4:9 - Ombibeli Iyapuki

⁹ Ndele mefiku tuu olo, Omwene osho ta ti, ohamba nomalenga aye otava ka kala va limbililwa vehe nouladi, ovapristeli tava ka kala va haluka novaxunganeki tava kala nokumwena.

JEREMIA 4:9 ပူးပေါင်းရင်းမြစ်များ

2 EEHAMBA 25:4

oshilando sha puminwa, novakwaita aveshe va ya onhapo oufiku, va pita moshivelo pokati keehotekuma mbali di li poshikunino shohamba, fimbo Ovakaldea va dingilila oshilando. Nohamba ya ya nondjila yokoluhaela.

OMAPSALOME 102:4

omutima wange owa kata nowa kukuta ngaashi omwiidi; osha dimbwifa nge okulya omungome.

JESAJA 19:16

Mefiku tuu olo Egipiti otashi ka kala ngaashi ovalikadi, otashi kala nokutila nokukakama eyedelo leke lOmwene womatanga ovakwaita, ngeenge te va yedele.

JESAJA 19:3

Omhepo yOvaegipiti otai ka laipala monhulo yavo, neemhangela davo ohandi ke di halakanifa; opo nee vo otava ka ama koikalunga nokeemhule deemhepo nokeemhepo doonakufya nokeemhepo dokumonakokule.

JESAJA 28:19

Shamha tuu tali tondoka, nye tali mu kwata, shaashi otali tondoka ongula nongula, tali uya oufiku nomutenya. Ndele oshili, elongo leudifo eli tali eta ehaluko.

JEREMIA 2:26

Ngaashi omulunga a kwatwa, ta fi ohoni, nosho yo eumbo laIsrael pamwe neehamba dalo nomalenga avo omakulunhu novapristeli novaxunganeki otava ka fifwa ohoni,

JEREMIA 25:34

Akutu, lileni onye ovafita, liameneni kombada nye mu lidedaule momute, onye ovanaenghono voshiwana! Osheshi efimbo leni ola fika, mu dipawe; ndelenee tamu hanauka ndele tamu ke lidenga poshi ngaashi oshitoo sha wapala shi nondilo.

JEREMIA 37:19

Ndele ovaxunganeki veni ove mu xunganekela va tya: ‘Ohamba yaBabilon itai uya kunye nokoshilongo sheni,’ ove li peni?

JEREMIA 48:41

Oilando oya tewa nomapopilongulu a nangalwa, nomitima dovaladi vaMoab otadi ka kala mefiku tuu olo ngaashi omutima womwalikadi ta fetelwa okudala.

JEREMIA 5:31

Ovaxunganeki otava xunganeke oipupulu, ovapristeli ohava pangele pahalo laavenya; novanhu vange osho ve hole osho. Ndelenee hauxuuninwa otamu ka ninga ngahelipi?

JEREMIA 52:7

oshilando osha nangalwa novakwaita aveshe ova faduka po ndele va fiya po oshilando oufiku; va pita moshivelo shopokati keehotekuma mbali poshikunino shohamba, fimbo Ovakaldea va li va dingilila oshilando. Ndele ova ya nondjila yokombuwa.

OILONGA YOVAYAPOSTOLI 13:41

‘Taleni onye ovadini, mu kumwe, nye mu nyonauke po, osheshi ame ohandi longo oshilonga shimwe momafiku aa eni, heeno, oshilonga eshi, ngeno mu shi lombwelwe, itamu shi itavele.’ ”