JEREMIA 4:7 - Ombibeli Iyapuki

⁷ Onghoshi otai shituluka momufitu wayo, nomuhanauni woiwana okwa fikama, a dja konhele yaye yokukala, a teye po oshilongo shoye shi ninge ombuwa. Oilando yoye otai ka ninga omaputu, itamu kala vali ovanhu.

JEREMIA 4:7 ပူးပေါင်းရင်းမြစ်များ

2 EEHAMBA 24:1

Pomafiku aJehoiakim, Nebukadnesar, ohamba yaBabilon, ya fikama i lwe, ndele Jehoiakim okwa ninga omupiya wayo omido nhatu. Eshi da pita, ye okwe i liteeka.

2 EEHAMBA 25:1

Ndele momudo omutimugoi wepangelo laye, mohani onhimulongo, mefiku etimulongo lohani, Nebukadnesar, ohamba yaBabilon, ye uya nomatanga aeshe ayo ovakwaita, va homone Jerusalem. Ndele va onga onhanda ndele va tunga ekumaledu la dingilila oshilando.

JESAJA 1:7

Oshilongo sheni osha ninga omaputu, noilando yeni oya xwikwa po, omapya eni otaa teywa po kovanailongo moipafi yeni; sha ninga omaputu, ngaashi naanaa sha hanaunwa po kovanailongo.

JESAJA 5:9

Omwene womatanga ovakwaita osho a popya momatwi ange: Oshili, omaumbo mahapu otaa ka shituka omaputu, nao manene a wapala otaa kala ehe na oovene.

JESAJA 6:11

Opo nda tya: “Fiyo onaini Omwene?” Ye okwa nyamukula, ndele ta ti: “Fiyo oilando tai ningi omaputu muhe na ovanhu, nomaumbo muhe novanhu, nedu tali ka ninga ofuka;

JEREMIA 2:15

Eenghoshi eenyasha ode mu kumbila, da ndundumika ondaka yado, ya kuwaana. Nedu laye ove li ninga ombuwa, noilando yavo oya xwikwa po, kai novanhu.

JEREMIA 22:6

“Osheshi Omwene mokupopya ongulu youhamba wohamba yaJuda ota ti ngaha: Oove Gilead kwaame, oove oxulo yaLibanon. Oshili, Ame ohandi ke ku ninga ombuwa noilando kai novanhu.

JEREMIA 22:7

Ndele ovahanauni voye handi ve ku yapulile, keshe umwe noilwifo yaye. Omiti doye omisederi omihoololwa tadi kewa po kuvo ndele tadi ekelwa momundilo.

JEREMIA 25:38

Oye okwa shituluka moshixwa ngaashi onghoshi yonyasha; oshilongo shavo osha ninga ombuwa okeongamukonda li neenghono nokexwamo lehandu laye.

JEREMIA 25:9

onghee ohandi ifana ko nohandi ka eta ko oiwana aishe yokoumbangalanhu, Omwene ta ti, nomupiya wange Nebukadnesar, ohamba yaBabilon, ndele handi ke va pumifila moshilongo eshi noonakukalamo, noiwana aishe yomoushiinda. Ndele handi ke va yandja kokufingwa ndele tava ningi oshitilifa shongaho noiyolifa nonduba yomakulukuma fiyo alushe.

JEREMIA 26:9

Omolwashike we tu xunganekela medina lOmwene, ndele to ti: ‘Otembeli ei oi nokuningwa ngaashi Silo, noshilando eshi oshi nokuninga omakulukuma kashi novanhu’?” Novanhu aveshe va ongalela Jeremia motembeli yOmwene.

JEREMIA 27:8

“ ‘ “Nakeshe oshiwana nouhamba tashi anye oku mu longela, oye tuu ou Nebukadnesar, ohamba yaBabilon, ndele tashi anye okutula ofingo yasho mondjoko yohamba yaBabilon, oshilongo tuu osho ohandi shi dengifa eongamukonda nondjala noudu wolutapo, Omwene osho ta ti, fiyo ohandi shi manifa po sheke keke laye.

JEREMIA 33:10

Omwene ota ti: Monhele tuu ei tamu i popi, tamu ti: “Oya ninga eputu longaho, muhe novanhu noimuna,” omoilando yaJuda nomomapandavanda aJerusalem, mu li hamungaho, muhe novanhu, muhe novakalimo, muhe noimuna,

JEREMIA 34:22

Taleni, Omwene osho ta ti: Ame ohandi va lombwele nohandi ke va alulila koshilando eshi, ve shi lwife noku shi nangala ndele ve shi xwike po nomundilo, noilando yomuJuda ohandi i fefa ofuka ihe novanhu.”

JEREMIA 4:29

Oshilando ashishe otashi faduka po keweelelo lovalondi veenghambe nolovakwaita ve nomauta. Oonakukala moshilando va ka hondama moixwa ndele tava londo keemhunda domamanya. Oshilando ashishe sha efiwa. Kape na nande omunhu a kala mo.

JEREMIA 44:2

Omwene womatanga ovakwaita, Kalunga kaIsrael ota ti ngaha: “Oiponga inya aishe nde i undulila Jerusalem noilando yaJuda aishe, onye vene omwe i mona. Ndele tala, nena oyo omakulukuma, omo muhe novanhu,

JEREMIA 46:18

Oshili, ngaashi ndi nomwenyo, ohamba tai ti, edina layo Omwene womatanga ovakwaita: ngaashi omhunda Tabor nongaashi Karmel pefuta osho ye te uya.

JEREMIA 49:19

Tala, ngaashi onghoshi tai shituluka momufitu waJordan ndele tai uya koulifilo muwa, osho yo Ame ohandi ke va ta mo divadiva, naau a hoololwa, handi mu nangeke mo omufita. Osheshi olyelye a e fa nge, nolyelye ta dulu okuhokololifa nge? Olyelye omufita ou ta dulu okukala koshipala shange?

JEREMIA 5:6

Onghee hano onghoshi yomofuka otai va nyanyaula, ombidi yomombuwa otai va hanauna po; ongwe tai hondjaunine oilando yavo. Keshe umwe ta di mo, ota ka pombaulwa, osheshi omanyonauno avo omahapu nokuliteeka kwavo okuhapu.

JEREMIA 50:17

Israel ya fa odi ya fadukifwa po keenghoshi. Tete ohamba yaAsiria e i lya po nokwa shikulwa kuNebukadnesar, ohamba yaBabilon, a kunya omakipa ayo.

JEREMIA 50:44

Tala, ngaashi onghoshi tai shituluka momufitu waJordan, ndele tai uya koulifilo muwa, osho yo Ame ohandi ke va ta mo divadiva. Ndele handi ka nangeka mo ou a hoololwa. Osheshi olyelye a fa nge, nolyelye ta dulu okuhokololifa nge? Nopeni mbela pe nomufita ta dulu okukala ofika koshipala shange?

JEREMIA 8:16

MuDan omo tamu udika epembaano leenghambe daye, nekwenauko leenghambe daye deemhedi tali kakameke oshilongo ashishe. Otave uya ndele tava li po oshilongo ashishe naashi shi li mo, noshilando noonakukala musho.

JEREMIA 9:11

Ndele Jerusalem ohandi shi ningi onduba yomamanya shi ninge onhele yeembadje, noilando yaJuda ohandi i ningi omaputu.

HESEKIEL 12:20

Noilando ei i novanhu, otai ka hanaunwa po, noshilongo otashi ka ninga ofuka. Ndele nye otamu ka shiiva nokutya, Aame Omwene.”

HESEKIEL 21:31

Ndele Ame ohandi ka tilashi ehandu lange kombada yoye. Ndele Ame ohandi ke ku pepela nomundilo woupyuhandu wange, ndele handi ku efele momake ovanhu vakukutu, ovanhu ve nomaoko okunyonauna.

HESEKIEL 32:2

“Kaana komunhu, imbila Farao, ohamba yaEgipiti, eimbilokemo u tye kuye: Oove onghoshi onyasha mokati koiwana, wa kana! Ndele ove wa li ngaashi ongadu momeva manene, ove wa tukulukifa omeva nomilonga doye, ndele wa lyataulifa omeva omakasha oye, nomeva ao wa dundakanifa.

DANIEL 5:19

Ndele molweenghono odo, Ye e di mu pele, oiwana aishe nomapata aeshe nomalaka aeshe okwa kakama nokwa tila koshipala shaye. Ndele ye okwa dipaa ou a hala, nokwa xupifa ou a hala, ndele okwa lenga ou a hala nokwa xutula ou a hala.

DANIEL 7:4

Ndele shotete osha li sha fonghoshi ya li i nomavava onhwa. Fimbo ame handi shi tale, omavava asho okwa dudwa mo, ndele osha kufwa pedu, ndele sha kalekwa ofika komaulu avali ngaashi omunhu, ndele osha pewa omutima womunhu.

LEVITIKUS 26:31

Noilando yeni Ame ohandi ke i ninga eenduba doikulukuma, neetembeli deni handi ke di tokeka ndele itandi hokwa edimba loitwiminifo yeni.

LEVITIKUS 26:33

Ndele Ame ohandi ke mu halakanifila mokati koiwana noku mu taataa neongamukonda. Noshilongo sheni tashi ka ninga omuulu noilando yeni tai ka ninga eenduba doikulukuma.