JEREMIA 4:1 - Ombibeli Iyapuki

¹ Israel ngeenge to aluka, Omwene ta ti, aluka u uye kwaame. Nongeenge to kombo po oixuna yoye koshipala shange, opo nee ito pumbwa okweelaela vali.

JEREMIA 4:1 ပူးပေါင်းရင်းမြစ်များ

GENESIS 35:2

Jakob okwa lombwela eumbo laye naaveshe ava va li pamwe naye ndele ta ti: “Ekeleishi oihongwakalunga yokoilongo, ei mu kwete mokati keni, lifeteni nye mu djale oikutu imwe.

2 EEHAMBA 23:13

Nohamba ya nyatekifa oikulundu yokoushilo wokuJerusalem, koumbuwanhu wOmhunda yEnyonauko, oyo ya tungwa kuSalomo, ohamba yaIsrael, okufimanekifa Astarte, oixuna yOvasidoni, naKemosh, oixuna yOvamoab, naMilkom, oixuna yovana vaAmmoni.

2 EEHAMBA 23:24

Josia okwa komba po ovaifani veemhepo dovafi novamonikokule noihongwakalunga yomeumbo noikalunga noififahoni aishe oyo ya li moshilongo shaJuda nomuJerusalem, opo a pameke eendjovo domhango, odo da shangelwa membo, omupristeli Hilkia e li mona mongulu yOmwene.

2 OMAFIMBO 15:8

Ndele Asa eshi a uda eendjovo edi nexunganeko laAsaria yaOded, ye e di popya, okwe liladipaleka nokwa hanauna po oitondifa yomoshilongo ashishe shaJuda noshaBenjamin nomoilando oyo yokeemhunda daEfraim, ye e i nangala. Noaltari yOmwene oyo ya li komesho yolupale, okwe i tungulula.

2 OMAFIMBO 33:8

Ndele ihandi ka kandula vali omhadi yaIsrael medu olo, Ame nde li sheyela ooxe, vo ngeenge hava diinine shili ashishe osho nde shi va lombwela pamhango aishe nopaenghedimhango nopamalombwelo, Ame nda pa Moses.”

2 OMAFIMBO 34:33

Ndele Josia okwa hanauna po oixuna aishe yomomikunda adishe dovana vaIsrael, naaveshe ovo va monika muIsrael ye okwe va fininika okulongela Omwene Kalunga kavo. Pomafiku aeshe aye, vo inava kanduka mOmwene Kalunga kooxe.

JESAJA 31:6

Alukeni, onye Ovaisraeli, nye mu uye kuye ou mwe mu liteeka nai.

JEREMIA 15:19

Onghee Omwene ota ti ngaha: “Ove ngeenge to lialuluka, Ame ohandi ke ku alula ndele ove to itavelwa okukala ofika koshipala shange. Nongeenge to eta osho shiwa hasho shii, opo nee ove oto ka kala okanya kange. Ovo naave uye kwoove, ndele ino shuna kuvo.

JEREMIA 15:4

Ame onda hala ndi va ninge oshihalukifo shoixuna koilongo aishe yomounyuni, omolwaManasse yaHiskia, ohamba yaJuda, molwaasho ashishe ye e shi ningila muJerusalem.

JEREMIA 18:11

Hano paife lombwela ovalumenhu vomuJuda noonakukalamo muJerusalem u tye: Omwene ota ti ngaha: ‘Oshili, Ame ohandi ke mu tumina oshiponga nohandi mu diladilile owii. Alukeni keshe umwe kondjila yaye ii, wapalekeni eendjila deni noilonga yeni!’

JEREMIA 24:9

Ndele Ame ohandi ke va ninga noshitilifa nomupya koilongo aishe kombada yedu nokudinwa nokupopiwa nokuyeelwa nokufingwa meenhele adishe omo handi ke va tela mo.

JEREMIA 25:5

Vo eshi ve mu lombwela: Alukeni, keshe umwe kondjila yaye inai yuka nokowii woilonga yeni, ndele nye otamu kala medu leni, olo mwe li pewa kOmwene, onye nooxokulu mu kale mo alushelushe.

JEREMIA 3:1

“Okwa tiwa, omulumenhu ngeenge ta henge po omukainhu waye, ndele ta di po puye, ndele omukainhu ta hombolwa komulumenhu umwe, omulumenhu ota dulu tuu okushuna vali kuye? Oshilongo itashi nyatekwa mbela koshinima shi fike apa? Ndele oove, nande wa haelwa kookaume voye vahapu, alukila kwaame, Omwene osho ta ti!

JEREMIA 3:12

Eendjovo edi inda u ke di ingidile lwokoumbangalanhu ove u tye: ‘Aluka! Akutu oove nakuliteeka nge, Israel, Omwene ta ti; Ame itandi ke mu didivala vali, osheshi Aame omunanghenda, Omwene osho ta ti; Ame itandi ka kala nda handuka fiyo alushe.

JEREMIA 3:14

“ ‘Alukeni! Akutu nye, ovana oonakuliteeka nge, Omwene osho ta ti, osheshi Ame nde mu tambula. Ndele Ame ohandi mu ile umwe moshilando shimwe noovavali mepata limwe, nohandi ke mu twala kuSion.

JEREMIA 3:22

“Alukeni, akutu nye ounona oonakuliteeka nge, Ame ohandi velula okuliteeka kweni.” Ndele nye tamu ti: “Tala, ohatu uya kwoove, osheshi Oove Omwene Kalunga ketu.

JEREMIA 35:15

Ndele Ame inandi fya ounye oku mu tumina ovapiya vange ovaxunganeki efimbo alishe, vo va tye: Lialulukeni, keshe umwe kondjila yaye ii, nye mu wapaleke oilonga yeni, ndele inamu shikula oikalunga, mu i longele, opo nee nye tamu ka kala medu leni nde li mu pa, onye nooxokulu. Ndelenee nye inamu pwilikina nomatwi eni inamu ameka kwaame.

JEREMIA 36:3

Kashiimba epata laJuda tali ka uda omupya oo aushe nde u li diladilila notali lialuluka keshe umwe kondjila yaye ii, opo ndi va dimine po oilonga yavo ii nomatimba avo.

JEREMIA 4:4

Lipitifileni Omwene etanda nye mu ekeleshi onyata yokomutima, onye ovalumenhu Ovajuda nOvajerusalem, oupyuhandu wange opo uha xwame ngaashi omundilo wa xwama, uhe shi kudimwa, omolwowii woilonga yeni.

JEREMIA 7:3

Omwene womatanga ovakwaita, Kalunga kaIsrael ota ti ngaha: Wapekeni eendjila deni noilonga yeni, opo nee Ame ohandi mu pe onhele okukala apa.

JEREMIA 7:5

Ndelenee ngeenge tamu wapaleke eendjila deni neenghedi deni, nongeenge tamu kala nokudiinina etokolo liyuki mokukalafana kweni

JEREMIA 7:7

opo nee Ame ohandi mu itavelele okukala monhele ei, medu eli nde li pa ooxokulu fiyo alushe.

HESEKIEL 11:18

Ndele vo otave ke uya ko, ndele tava ka kufa mo oixuna aishe noififahoni aishe

HESEKIEL 18:13

oikolo ote i kwatifa eliko ndele ta tambula oshishoshela, ye ota ka kala tuu nomwenyo? Ye ita ka kala nomwenyo. Oixuna aishe ei ye e i ninga. Ye e nokuhandukilwa nefyo. Etimba laye lohonde li li kombada yaye.

HESEKIEL 43:9

Paife otava ka twala kokule naame okuhaela kwavo noimhu yeehamba davo, ndele Ame ohandi ka kala mokati kavo fiyo alushe.

HOSEA 14:1

Israel, alukila kOmwene Kalunga koye, osheshi wa pundukifwa komanyonauno oye.

HOSEA 2:2

Tweni eemhata nanyoko, heeno, tweni eemhata. Osheshi ye ke fi omwalikadi wange, naame yo nghi fi omulumenhu waye. Ye na fete koshipala shaye ohole yoipala nomavele aye koluhaelo,

HOSEA 7:16

Ova pilamena nge, ndee tava taalele koikalunga ihe na eenghono dasha. Ove li ngaashi outa wa yululuka. Ovanenenhu vavo otava ka fila keongamukonda omolweendjovo delaka lavo desheko. Onghee tava ka shekelwa medu laEgipiti.

JOEL 2:12

Ndelenee natango tuu Omwene ta ti: “Alukeni kwaame nomutima weni aushe nokulidilika nokulila nokunyika oufiye.

SAKARIA 1:4

Inamu kala ngaashi ooxokulu ovo va udifilwa kovaxunganeki vonale eshi va tya: Omwene womatanga ovakwaita osho ta ti: Lidilululeni nye mu aluke keendjila deni dii nokoilonga yeni ii. Ndelenee vo inava uda noinava pwilikina nge, Omwene ta ti.

DEUTERONOMION 27:15

“ ‘Omulumenhu ou ta ningi oshihongwafano ile oshitelekwafano, oixuna kOmwene, oshilonga shomake omunongo, ndele te shi kaleke ofika meholeko, na tulwe omutima.’ Novanhu aveshe nava nyamukule nava tye: ‘Amen!’

DEUTERONOMION 4:30

Nye ngeenge mu li momafininiko noinima aishe ei tai mu hange pexulilo lomafiku, nye otamu ka alukila Omwene Kalunga keni nokupwilikina ondaka yaye.

JOSUA 24:14

“Tileni hano paife Omwene noku mu longela mouyuki nomoshili ndele ekeleishi oikalunga ei ooxo va longela kombada yaEufrat nomuEgipiti, ndele longeleni Omwene.

OVATOKOLIPANGELI 10:16

Ndele vo ova kandula po oikalunga yokoilongo mokati kavo, ndele va longela Omwene. Opo nee Ye ine shi lididimikila vali Israel shi hepekwe.

1 SAMUEL 7:3

Ndelenee Samuel okwa popya neumbo alishe laIsrael ndele ta ti: “Nye ngeenge tamu alukile kOmwene nomutima weni aushe, efeni hano oikalunga yokoilongo nooAstarot mokati keni, nomitima deni di kanyatelifeni kOmwene, ndele Oye aeke mu longeleni. Opo nee Ye ote ke mu xupifa momake Ovafilisti.”