JEREMIA 39:1 - Ombibeli Iyapuki

¹ Jerusalem eshi sha nangalwa momudo omutimugoi wohamba yaJuda, Sedekia, mohani onhimulongo, ohamba yaBabilon Nebukadnesar okwe uya noita yaye aishe kuJerusalem e shi kondeke,

JEREMIA 39:1 ပူးပေါင်းရင်းမြစ်များ

SAKARIA 8:19

“Omwene womatanga ovakwaita osho ta ti: Efiku lelidiliko lohani onhine nefiku lelidiliko lohani onhinhano nefiku lelidiliko lohani onhiheyali nefiku lelidiliko lohani onhimulongo li nokuninga keumbo laJuda ehafo nenyakuko nomafimbo oivilo i holike. Ndelenee kaleni mu hole oshili nombili.”

DEUTERONOMION 28:36

Omwene te ku twala nohamba yeni, ei mwe lihoololela, koshiwana inashi shiivika kooxo. Ndele oko oto ka longela oikalunga imwe, oshiti nemanya.

JEREMIA 32:1

Ondjovo ei oya dja kOmwene ya hanga Jeremia momudo omutimulongo wepangelo laSedekia, ohamba yaJuda, oo tuu oo omudo omutimulongo nomutihetatu waNebukadnesar.

JEREMIA 34:1

Nebukadnesar, ohamba yaBabilon eshi ya homona Jerusalem noilando ikwao aishe, ye mwene nomatanga aye aeshe noilongo aishe yomedu olo tali pangelwa kuye noiwana aishe, ondjovo ei yOmwene oya hanga Jeremia, tai ti:

JEREMIA 34:22

Taleni, Omwene osho ta ti: Ame ohandi va lombwele nohandi ke va alulila koshilando eshi, ve shi lwife noku shi nangala ndele ve shi xwike po nomundilo, noilando yomuJuda ohandi i fefa ofuka ihe novanhu.”

JEREMIA 42:18

“Osheshi Omwene womatanga ovakwaita, Kalunga kaIsrael ota ti ngaha: ‘Ngaashi ehandu lange noupyuhandu wange wa tililwa kombada yoonakukalamo muJerusalem, osho yo oupyuhandu wange otau ka tililwa kombada yeni, ngeenge tamu i kuEgipiti. Ndele nye otamu ka ninga efingo noshitondifa nondjovo yefingano nelengaifo, ndele itamu ka mona vali onhele ei.’

HESEKIEL 4:3

Natango, kufa opana yoshivela, ndele i tula pokati keni noshilando i ninge ekuma loshivela. Noshipala shoye nashi shi taalele, shi kale sha kondekelwa, heeno ove u noku shi kondekela. Eshi osho edidiliko keumbo laIsrael.

HESEKIEL 5:2

oshititatu shimwe shado shi xwika nomundilo meni loshilando omafiku ekondekelo eshi a pita. Opo nee kufa oshititatu shimwe ndele shi tetaula neongamukonda pondje yoshilando; ndele oshititatu shimwe shi halakanifila momhepo. Ndele Ame ohandi ke shi shikula neongamukonda la pweywa mo.

HESEKIEL 33:21

Ndele momudo omutimulongo nambali woupika wetu, mohani onhimulongo mefiku etitano lohani, umwe ou a dja onhapo kuJerusalem e uya kwaame neendjovo edi: Oshilando osha teka!

HESEKIEL 40:1

Momudo omutimilongo mbali nanhano domoupika wetu, pehovelo lomudo, mefiku etimulongo lohani yotete, momudo omutimulongo netine konima eshi oshilando sha tewa po, mefiku tuu olo eke lOmwene la li kombada yange ndele Ye okwa twala nge ko.

2 OMAFIMBO 36:17

Onghee hano Ye okwa fikamifa ohamba yOvakaldea i va homone, ndele yo oya dipaa neongamukonda ovalumenhu ovanyasha mongulu yotembeli yavo, ndele inai uditila nande omunyasha omumati ile okakadona, ovakulunhu ile ovakulupe olukeno: Ye okwa yandja aveshe meke layo.

JEREMIA 6:6

Osheshi Omwene womatanga ovakwaita ota ti ngaha: Ka keni omiti nye mu umbe ongubu ya dingilila Jerusalem! Oshilando osho tuu osho oshi nokuhandukilwa, sho shi yadi oukolokoshi meni lasho.

JEREMIA 52:1

Sedekia okwa li e nomido omilongo mbali naumwe eshi a ninga ohamba, nokwa pangela muJerusalem omido omulongo naumwe. Edina laina Hamutal, omona waJeremia, a dalelwa muLibna.