JEREMIA 38:4 - Ombibeli Iyapuki

⁴ Opo nee ovakulunhu va lombwela ohamba tava ti: “Omulumenhu ou na dipawe, osheshi ota fifa ovakwaita ounye, ava va xupa moshilando ndele ta tyololokifa ovanhu aveshe, eshi te va lombwele eendjovo da tya ngaha. Osheshi omulumenhu ou ita kongo ombili yovanhu ava, ndelenee omupya.”

JEREMIA 38:4 ပူးပေါင်းရင်းမြစ်များ

1 EEHAMBA 21:20

Opo nee Ahab ta ti kuElia: “Omutondadi wange ove, wa hanga nge nokuli mboli?” Ye okwa nyamukula: “Heeno, onde ku hanga nokuli. Osheshi ove we lilandifa po u ninge osho inashi yuka momesho Omwene!

2 OMAFIMBO 24:21

Opo nee ve mu hangakena ndele tave mu dipaa nomamanya kelombwelo lohamba molupale lokomesho yongulu yOmwene.

ESRA 4:12

“Ohamba tai shiivifilwa nokutya, Ovajuda, ovo va dja kwoove, ve uya kufye, ova fika kuJerusalem. Vo otava tungulula oshilando shii noshi nondubo. Otava tungulula eehotekuma ndele tava vandeke ekanghameno.

NEHEMIA 6:9

Osheshi vo aveshe va li va hala oku tu mbadapaleka ndele va diladila: “Omake avo taa ka tyololoka okulonga, sho shiha ningwe.” Pameka hano omake ange!

EXODUS 5:4

Ndelenee ohamba yaEgipiti ye va nyamukula, tai ti: “Moses naAron, omolwashike tamu kelele ovanhu va longe oilonga yavo? Indeni mu ka longe!

JEREMIA 11:21

Onghee hano Omwene ota popi ngaha ovalumenhu vomuAnatot ava hava nangele omwenyo woye, eshi hava ti: Ino xunganeka medina lOmwene, opo uha fye komake etu,

JEREMIA 18:23

Ndelenee Omwene, oto shiiva omadiladilo avo, va dipae nge. Enyono lavo ino li kufa po netimba lavo ino li dima po koshipala shoye, nava wile po koshipala shoye. Va twifa eemhata mefimbo lehandu loye.

JEREMIA 26:11

Opo nee ovapristeli novaxunganeki ova lombwela ovakulunhu novanhu aveshe, ndele tava ti ngaha: “Omulumenhu ou okwa tula etimba lokudipawa, osheshi oye ota xunganekele nokutwa ondubo oshilando eshi, ngaashi nye vene mwe shi uda nomatwi eni.”

JEREMIA 29:7

Ndele oshilando osho nde mu twala eenghwate, shi haleleni ouwa nye mu shi ilikanene kOmwene, osheshi ombili yasho oyo ombili yeni yo.

JEREMIA 38:16

Opo nee ohamba Sedekia okwa anena Jeremia meholeko ndele ta ti: “Oshili, ngaashi Omwene e nomwenyo nokwe tu shitila omwenyo ou, itandi ku dipaa noitandi ke ku yandja momake ovalumenhu ava tava kongo omwenyo woye.”

JEREMIA 38:25

Ndele ovakulunhu ngeenge tava udu eenghundafana detu naave, notave uya kwoove ndele tava ti: Tu lombwela eshi mwa kundafana nohamba, naashi ye e ku lombwela, ino shi tu holeka, fye ohatu ku dipaa?

JEREMIA 43:3

Ndelenee Baruk yaNeria, oye ote ku twifa ondubo nafye, opo tu yandjwe momake Ovakaldea vo va shiive oku tu dipaa nokutwala eenghwate kuBabilon.

HESEKIEL 22:27

Eehamba domusho odi li ngaashi omambungu taa nyanyaula oshikwatomwa: do otadi tileshi ohonde, tadi kanifa eemwenyo, opo ve lilikolele eliko loulunde.

AMOS 7:10

Opo Amasia, omupristeli womuBetel a shiivifila Jerobeam, ohamba yaIsrael, ta ti: “Amos okwe ku hangakena noku ku twifila ondubo meumbo laIsrael. Oshilongo itashi kala sha pama molweendjovo daye adishe.

LUKAS 23:2

Ndele vo ova hovela oku mu pa omatimba tava ti: “Ou otwe mu mona ta twifa ovanhu ondubo ndele ta kelele okuyandja efendelo komukesari, ndele Ye mwene ota ti Oye Kristus, ohamba.”

OILONGA YOVAYAPOSTOLI 16:20

nokovatokoli, ndele tava ti: “Ovanhu ava otava piyaanifa oshilando shetu. Ovo Ovajuda

OILONGA YOVAYAPOSTOLI 17:6

Ndele vo eshi va nyengwa oku va mona, ova kokolola mo Jason novamwatate vamwe, nove va twala kovatokoli voshilando, ndele tava popi mokule, tava ti: “Ovapiyaaneki ava vounyuni aushe ve uya naamu yo;

OILONGA YOVAYAPOSTOLI 24:5

Omulumenhu ou otwe mu koneka, oye a fa oudu wolutapo nomupiyaaneki mokati kOvajuda aveshe mounyuni aushe, nomwene woshimhanga shOvanasareti.

OILONGA YOVAYAPOSTOLI 28:22

Ndele fye otwa hala okuuda tu shiive eshi to shi diladila, osheshi fye otwa uda oshimhanga eshi hashi tuwa eemhata akushe.”