JEREMIA 38:2 - Ombibeli Iyapuki

² Omwene ota ti ngaha: “Keshe ou ta kala moshilando eshi ota fi keongamukonda nokondjala nokoudu wolutapo, ndelenee keshe ou ta i kOvakaldea, ota ka kala e nomwenyo note lilikolele omwenyo waye, ndele ta kala e nomwenyo.

JEREMIA 38:2 ပူးပေါင်းရင်းမြစ်များ

JEREMIA 21:4

Omwene Kalunga kaIsrael ota ti ngaha: “Taleni, oilwifo ei i li momake eni ndele tamu kala noku i lwifa ovakondekeli veni, ohamba yaBabilon nOvakaldea pondje yohotekuma, ohandi ke i ongela meni loshilando.

JEREMIA 24:8

Ndelenee ngaashi eenghwiyu dinya dii dihe shii kuliwa omolwowii wado, Omwene ta ti, osho Ame ohandi ka ninga Sedekia, ohamba yaJuda nomalenga aye naava va xupa muJerusalem, va fyaala mo moshilongo eshi naavo va kala medu laEgipiti.

JEREMIA 27:11

Ndelenee oshiwana tashi eta ofingo yasho mondjoko yohamba yaBabilon, ndele tashi mu longele, ohandi shi efele medu lasho, Omwene ta ti. Eshi otashi itavelwa okukala mo noku li longa.” ’ ”

JEREMIA 27:13

Omolwashike ngeno nye mwa hala okufya, ove novanhu voye, keongamukonda nokondjala nokoudu wolutapo, ngaashi Omwene a lombwela ovanhu venya inava hala okulongela ohamba yaBabilon?

JEREMIA 29:16

opo nee Omwene ta ti ngaha mokupopya ohamba i li omutumba kolukalwapangelo laDavid novanhu aveshe ve li moshilongo eshi, ovamwaxo ovo inava ya pamwe nanye moukwatwa;

JEREMIA 29:18

Ndele Ame ohandi ke va shikulifa eongamukonda nondjala noudu wolutapo, nohandi ke va ninga etilifohaluko momauhamba aeshe kombada yedu, notava ningi efingo noixuna nesheko noiyolifa mokati koiwana aishe oko handi va tumine ko,

JEREMIA 34:17

Onghee hano Omwene ota ti ngaha: Nye omwa kala inamu uda nge ndele inamu ingidila keshe umwe komumwaina nokomukwao emangululo. Tala, ohandi mu ingidile emanguluko. Omwene osho ta ti, mu yandjelwe eongamukonda noudu wolutapo nondjala, nohandi mu ningi oshitilifa shomoilongo aishe yokombada yedu.

JEREMIA 39:18

Osheshi ohandi ke ku xupifa, ito dipawa keongamukonda, ndelenee omwenyo woye oto u hakana, osheshi ove wa kala nokulineekela nge, Omwene osho ta ti.”

JEREMIA 42:17

Heeno, ovalumenhu aveshe tava pungulukile oipala yavo kuEgipiti, va ka kale ko ovanailongo, otava ka fya keongamukonda nokondjala nokoudu wolutapo, ndele kape nomunhu ta dulu oku lixupifa koshiponga ile okuya onhapo omupya ou handi u va tumine.’

JEREMIA 42:22

Paife hano kaleni mu shi shii shili, nye otamu ka fya keongamukonda nokondjala nokoudu wolutapo okonhele oko mwa hala okuya ko, mu kale ovanailongo.”

JEREMIA 44:13

Ndele Ame ohandi ka handukila ava ve li muEgipiti, ngaashi nda handukila Jerusalem neongamukonda nondjala noudu wolutapo.

JEREMIA 45:5

Ndele ove oto lihalele oinima inene? Ino i lihalela. Osheshi tala, ombelela keshe Ame ohandi i etele omupya, Omwene osho ta ti. Ndelenee ove ohandi ku pe omwenyo woye oshihakanwa, keshe apa to i.”

HESEKIEL 14:21

Osheshi Omwene Kalunga ta ti ngaha: “Ongahelipi hano, Ame ngeenge handi tumine Jerusalem omatokolo ange ane, nokutya: Eongamukonda nondjala noilyani noudu u nolutapo, ndi mane mo musho ovanhu noimuna!

HESEKIEL 6:11

Omwene Kalunga ota ti ngaha: “Woo, denga omake kumwe ove u tule omufindo nomhadi poshi, u tye: Woo, molwoixuna aishe ei inene yeumbo laIsrael yaavo tava ungulwa keongamukonda, nokondjala, nokoudu wolutapo!

HESEKIEL 7:15

“Eongamukonda oli li pondje noudu wolutapo nondjala i li meni. Ou a hangika moixwa, ta ka fya keongamukonda; ndele ou a hangika moshilongo ta ka nyonwa po kondjala nokoudu u nolutapo.