JEREMIA 38:18 - Ombibeli Iyapuki

¹⁸ Ndelenee ngeenge ito liyandje momake omalenga omakulunhu ohamba yaBabilon, oshilando eshi otashi ka yandjwa momake Ovakaldea ndele tave shi xwike po nomundilo, naave mwene yo ito ka xupifwa momake avo.”

JEREMIA 38:18 ပူးပေါင်းရင်းမြစ်များ

2 EEHAMBA 24:12

Jehoiakin, ohamba yaJuda, okwa pita mo. Okwa ya kohamba yaBabilon, ye, naina novapiya novakulunhu vaye nomalenga aye. Nohamba yaBabilon ye mu kwata onghwate momudo omutihetatu wepangelo laye.

JEREMIA 21:10

Osheshi oshipala shange onde shi yelulila oshilando eshi oshiponga, hauwa, Omwene osho ta ti. Oshilando eshi otashi ka yandjwa momake ohamba yaBabilon, ye ote shi xwike po nomundilo.”

JEREMIA 27:8

“ ‘ “Nakeshe oshiwana nouhamba tashi anye oku mu longela, oye tuu ou Nebukadnesar, ohamba yaBabilon, ndele tashi anye okutula ofingo yasho mondjoko yohamba yaBabilon, oshilongo tuu osho ohandi shi dengifa eongamukonda nondjala noudu wolutapo, Omwene osho ta ti, fiyo ohandi shi manifa po sheke keke laye.

JEREMIA 37:8

nOvakaldea otava ka aluka ndele tava te oshilando eshi ndele tave shi xwike po nomundilo.

JEREMIA 38:23

“Ovakainhu voye aveshe novana voye otava twalwa kOvakaldea. Naave mwene yo ito dulu okuyonhapo u dje momake avo. Ndelenee ove oto ka kwatwa keke lohamba yaBabilon, noshilando eshi otashi ka xwikwa po komundilo.”

JEREMIA 38:3

Omwene ota ti ngaha: Oshili oshilando eshi otashi ka yandjwa momake ongudu yovakwaita vohamba yaBabilon, notave ke shi nangala.”

JEREMIA 39:3

opo nee omalenga manene aeshe aBabilon e uya nokwa kala omutumba moshivelo shopokati, nokutya: Nergal-Shareser, Samgar-Nebo, Sarsekim elenga lakula lokomalimba, Nergal-Shareser elenga lakula leendudu nomalenga makwao manene ohamba yaBabilon.

JEREMIA 39:8

Ndele Ovakaldea ova xwika po nomundilo ouhamba nomaumbo ovanhu ndele va ngumauna po eehotekuma daJerusalem.

HESEKIEL 12:13

Ndele Ame ohandi ka yala eendjadja kombada yaye, ndele ye ota ka kwatwa kelulo lange, ndele Ame ohandi ke mu twala kuBabilon, edu lOvakaldea. Ndelenee ye ite ke li mona, ndele oko ta ka fila.

HESEKIEL 17:15

Ndelenee ye okwe mu twila ondubo, eshi a tuma ovatumwa kuEgipiti, opo vo ve mu pe eenghambe novakwaita vahapu. Ye ota ka kala tuu nawa? Ou ta ningi oinima ya tya ngaha, ota dulu okuya onhapo. Ou ta teya ehangano, ota xupu tuu?