JEREMIA 38:10 - Ombibeli Iyapuki

¹⁰ Ohamba oya lombwela Ebed-Melek Omuetiopia tai ti: “Kufa ovalumenhu omilongo nhatu, mu ye mu ka shile mo omuxunganeki Jeremia fimbo ina fya.”

JEREMIA 38:10 ပူးပေါင်းရင်းမြစ်များ

ESTER 5:2

Ndele ohamba eshi ya mona omumbada Ester ta kala ofika mehale, ye a filwa onghenda kuyo. Nohamba ya ulika Ester nepangelodibo loshingoldo olo la li meke layo. Ndele Ester okwa ehena ko nokwa kuma omutwe wepangelodibo.

ESTER 8:7

Opo nee ohamba Ahasveros tai ti komumbada Ester nokOmujuda Mordekai: “Tala, eumbo laHaman nde li yandja kuEster, ndele a endjelelifwa komuti wokumangeleka mo, shaashi a nanena eke laye okukwata Ovajuda.

OMAPSALOME 75:10

Omaluvinga aeshe ovalundakani, nda hala oku a tetaula po, neembinga dovayuki ohandi di tumbu pombada.

OMAYELETUMBULO 21:1

Omutima wohamba u li meke lOmwene ngaashi omakungulukilo omeva. Ye ote u endifa keshe apa a hala.

JEREMIA 38:11

Opo nee Ebed-Melek okwa kufa ovalumenhu, ndele ta i navo mouhamba, ta i monhele i li koshi yelimba lokutuvikila ndele ta kufa mo omalapi a nyanyauka a kulupa, nokwe a kulukifile nongodi kuJeremia mondungu.

JEREMIA 38:7

Ndele Ebed-Melek Omuetiopia, elenga la li mouhamba, okwa uda Jeremia a ekelwa mondungu, ndelenee ohamba oya hangikile moshivelo shaBenjamin.

JEREMIA 38:9

“Omwene wange, ohamba. Ovalumenhu venya ova nyona mwaashishe eshi ve shi ningila omuxunganeki Jeremia, eshi ve mu ekela mo mondungu. Ota file mo ondjala, osheshi moshilando kamu na vali omungome.”