JEREMIA 37:1 - Ombibeli Iyapuki

¹ Ndele Sedekia yaJosia okwa ninga ohamba ponhele yaKonja yaJehoiakim, ngaashi Nebukadnesar, ohamba yaBabilon, e mu nangeka mouhamba woshilongo shaJuda.

JEREMIA 37:1 ပူးပေါင်းရင်းမြစ်များ

2 EEHAMBA 24:12

Jehoiakin, ohamba yaJuda, okwa pita mo. Okwa ya kohamba yaBabilon, ye, naina novapiya novakulunhu vaye nomalenga aye. Nohamba yaBabilon ye mu kwata onghwate momudo omutihetatu wepangelo laye.

2 EEHAMBA 24:17

Nohamba yaBabilon ya ninga Mattanja, xekulu yaJehoiakin, ohamba ponhele yaJehoiakin, ndele ya lundulula edina laye: Sedekia.

JEREMIA 21:1

Ondjovo ya dja kOmwene ya hanga Jeremia, ohamba Sedekia eshi a tuma kuye Pashur yaMalkia naSefania yaMaasea, omupristeli, ndele ta ti:

JEREMIA 22:24

“Oshili, ngaashi Ame ndi nomwenyo, Omwene ta ti. Konja yaJehoiakim, ohamba yaJuda, nande na kale okalinga koshihako meke lange lokolulyo namulo ohandi ke mu xukula ko.

JEREMIA 22:28

Omulumenhu ou Konja okwa kala mbela a dinika ngaashi oshitoo sha tatuka, ile ngaashi oshinima inashi halika kovanhu? Oshike hano ye mwene noludalo laye va ekelwashi nova kupulwa moshilongo vehe shi shii.

JEREMIA 24:1

Omwene okwa talifa nge oimbale ivali i neenghwiyu ya tulwa moluvanda lotembeli yOmwene, Nebukadnesar, ohamba yaBabilon eshi a kufa Jekonia yaJehoiakim, ohamba yaJuda muJerusalem nokwe mu twala kuBabilon, pamwe novakulunhu vomuJuda novahambwidi novahambuli voiidilifo.

JEREMIA 34:2

“Omwene Kalunga kaIsrael ota ti ngaha: Inda u ka lombwele Sedekia, ohamba yaJuda u tye: ‘Omwene ota ti: Tala, oshilando eshi ohandi shi yandje momake ohamba yaBabilon, ndele tai shi xwike po.

JEREMIA 52:31

Nomudo omutimilongo nhatu nomutiheyali womoupika waJehoiakin, ohamba yaJuda, efiku etimilongo mbali nanhano lohani onhimulongo nambali, Evil-Merodak, ohamba yaBabilon, okwa fila Jehoiakin, ohamba yaJuda onghenda nokwe mu pitifa mo modolongo, omudo ou a nangala oshilongo.