JEREMIA 3:4 - Ombibeli Iyapuki

⁴ Ndele nande ngaha, ove oto ifana nge paife ndele to ti: ‘Tate! Oove kaume kounyasha wange!

JEREMIA 3:4 ပူးပေါင်းရင်းမြစ်များ

OMAPSALOME 119:9

Ondjila ilipipo i nokweendwa komumati, a kale omukoshoki? Ongeenge te liyandje meulikilo londjovo yoye.

OMAPSALOME 48:14

nokutya: “Kalunga ou, Oye tuu Kalunga ketu alushe fiyo alushe; note tu endifa fiyo omokufya.”

OMAPSALOME 71:17

Akutu Kalunga, Oove, wa longa nge okudja mounona wange fiyo onena, nofiyo onena tuu eli onda hepaulula oikumwifa yoye,

OMAPSALOME 71:5

Osheshi Oove elineekelo lange, Omwene, Kalunga kange, Oove omulineekelwa wange, nghee nda dja mounona wange.

OMAYELETUMBULO 1:4

nokweetela ovashima eshiivo nomunyasha okushiiva nokunongela.

OMAYELETUMBULO 2:17

ou a efa kaume komounyasha waye, ndele ta dimbwa ehangano laKalunga kaye.

JEREMIA 2:2

Inda u ka udifile momatwi aJerusalem u tye: Omwene ota ti ngaha: “Ame onda dimbulukwa ouwa wounyasha woye, nohole yoye, fimbo wa li omufuko omupe, eshi wa shikula nge mombuwa ihamu mene nande sha.

JEREMIA 2:27

eshi tava lombwele oshiti: ‘Oove tate,’ ndele tava lombwele emanya: ‘Ove wa dala nge.’ Osheshi vo ova pa nge ombuda, hashipala. Ndelenee ngeenge tava hangika koshiponga, opo nee otava ifana nge tava ti: ‘Fikama, u tu kwafe!’

JEREMIA 3:19

“ ‘Ame onda li nda diladila: “Akutu, onda hala oku ku nangeka mokati koludalo lange, ndi ku pe edu liwa linyenye li ninge efyuululo la wapala, li dule oilongo aishe mokati koiwana aishe.” Ndele onda diladila yo: “Oto kala nokwiifana nge: Tate! Ndele ito ka efa okushikula nge.”

JEREMIA 31:22

Fiyo onaini to elaela ngaha, oove okakadona omuliteeki? Tala, Omwene ota shiti oshinima shipe kombada yedu, omukainhu ota kondeke omulumenhu?”

JEREMIA 31:9

Otava aluka nokulila. Ndele Ame handi va endifa, eshi hava ende nokwiilikana. Ohandi va twala komakungulukilo omeva nondjila oyo ya yelakana, itava punduka nande. Osheshi Aame Xe yaIsrael, naEfraim oye oshiveli shange.

HOSEA 2:15

Okudja oko ohandi ke mu pa oikokola yomiviinyu daye, nefilu laAkor li ninge oshivilo sheteelelo, ndele ye ota ka dulika ngaashi nale pomafiku ounyasha waye nongaashi mefiku linya a dja medu laEgipiti.

MALAKIA 1:6

Omona ta fimaneke xe, nomupiya omwene waye! Aame ngeenge oxo, efimaneko lange oli li peni? Naame ngeenge Omwene, etilo lokutila nge oli li peni? Omwene womatanga ovakwaita ta ti kunye ovapristeli, ohamu dini edina lange! Ndelenee nye tamu ti: Edina loye otwe li nyateka ngahelipi?

MALAKIA 2:14

Ndele nye otamu pula: Omolwashike? Omolwaashi Omwene Ye ondobwedi pokati keni nomwalikadi womounyasha woye, ou we mu tekuka, nande ye omukainhu woye nomwalikadi womohombo.