JEREMIA 3:2 - Ombibeli Iyapuki

² Lyaamena koikulundudu ove u tale. Openi ino nangalelwa ko? Owe va kalela omutumba peendjila ngaashi Omuarabi mombuwa, noshilongo osha nyatekwa koipala nokoulunde woye.

JEREMIA 3:2 ပူးပေါင်းရင်းမြစ်များ

GENESIS 38:14

Opo nee ye okwe lidula oikutu youfiyekadi waye nokwe liuvikila oshiuvikifo nokwe lidingila nasho. Ndele ye okwa ya a ka kale omutumba poshivelo shaEnaim, shi li pondjila yaTimna. Osheshi ye okwa mona nokutya Shela okwa kula, ndelenee ye ine mu pewa omwalikadi waye.

1 EEHAMBA 11:3

Ndele ye okwa li e novalikadi omafele aheyali veehamba novakainhu vopomunghulo omafele atatu, onghee ovalikadi vaye va hongaula omutima waye.

2 EEHAMBA 23:13

Nohamba ya nyatekifa oikulundu yokoushilo wokuJerusalem, koumbuwanhu wOmhunda yEnyonauko, oyo ya tungwa kuSalomo, ohamba yaIsrael, okufimanekifa Astarte, oixuna yOvasidoni, naKemosh, oixuna yOvamoab, naMilkom, oixuna yovana vaAmmoni.

OMAPSALOME 106:38

ndele va tilashi ohonde ihe netimba yovamati noyoukadona vavo, ava ve va fiyawilila oikalunga yaKaanan, nedu ola nyatekelwe komatimba.

OMAYELETUMBULO 23:28

Ye ota nangala ndele ta holamene ngaashi omulunga ndele ta hapupalifa ovaliteeki mokati kovanhu.

OMAYELETUMBULO 7:11

Ye ehe netulumuko nelilongelelo, eemhadi itadi dulu okukala meumbo laye;

JEREMIA 12:12

Ovahanauni ve uya va dile koikulundudu aishe yokombuwa, osheshi eongamukonda lOmwene tali li oshilongo komunghulo fiyo okomunghulo mukwao; ndele kape na nande ombelela i nombili.

JEREMIA 2:20

Osheshi ove owa teya ondjoko yoye mefimbo lonale, ndele wa tokola eestropa doye. Ndele wa tya: ‘Ame inandi hala okuyakula.’ Osheshi ngaashi ombwada ove wa nangala koikulundudu aishe ile nokoshi yoshixwa keshe shitalala.

JEREMIA 2:23

Ove oto dulu ngahelipi okupopya to ti: ‘Ame inandi linyateka, nosho inandi shikula Baal?’ Litala eenghedi doye nhumbi wa kala mefilu, lipulapula nomwenyo woye, oilonga yoye, ove ongamelo yonghadi i nonhapo ihapu, nai tondauke nokutelaana.

JEREMIA 2:7

Ndele Ame onde mu eta medu eli loikunino mu lye oiimati nounyenye wayo. Ndelenee nye eshi mwe uya mo mwa nyateka edu lange nefyuululo lange mwe li ninga oixuna.

JEREMIA 3:1

“Okwa tiwa, omulumenhu ngeenge ta henge po omukainhu waye, ndele ta di po puye, ndele omukainhu ta hombolwa komulumenhu umwe, omulumenhu ota dulu tuu okushuna vali kuye? Oshilongo itashi nyatekwa mbela koshinima shi fike apa? Ndele oove, nande wa haelwa kookaume voye vahapu, alukila kwaame, Omwene osho ta ti!

JEREMIA 3:13

Shimwe ashike, kala wa koneka oulunde woye nokutya, ove owe liteeka Omwene Kalunga koye, ndele wa lotokela kombinga nombinga kovanailongo, koshi yomiti adishe ditalala, ndelenee ino pwilikina ondaka yange, Omwene osho ta ti.

JEREMIA 3:21

Okoikulundudu yomamanya onakuhadiinina okwa udika ekweno neilikano lovana vaIsrael, osheshi ova puka mondjila yavo ndele va dimbwa Omwene Kalunga kavo:

JEREMIA 3:9

Noshilongo okwe shi nyatekifa kokuhaelwa kwaye itaku kwafa sha, a haelwa nokemanya nokoshiti.

JEREMIA 7:29

Kulula ko eexwiki doye dokomutwe, Jerusalem, u di ekeleshi ove u ka lile eenghali keemhunda, osheshi Omwene okwa ekelashi nokwa kandula po epupi la hangika kehandu laye.

HESEKIEL 16:16

Ove wa kufa oikutu yoye ndele we li ningila oikulundu yondomo ndele wa haelwa kombada yayo. Sha tya ngaha inashi ningwa nale noitashi ka ningwa.

HESEKIEL 20:28

Ame eshi nde va eta moshilongo, molwaasho Ame nda yelulile eke lange ndi shi va pe, vo ova taalela koikulundudu aishe ile nokomiti adishe ditalala, oko va tomena omayambo avo ndele va yamba omayambo a nyonyodolifa ndele oko va eta edimba liwa lomatwimino noko va tilashi oikunwayambo.

HOSEA 2:5

Osheshi ina yavo a kala ta haelwa nonaku va dala okwe lififa ohoni, osheshi ye a tile: “Nda hala okulambalala ovaholike vange ava, tava pe nge omungome wange nomeva ange, nolududi leedi nomundele wange nomaadi ange noikunwa yange.”

LUKAS 16:23

Ndele mokukala mouyehame moshovafi, eshi sha yelula omesho asho, osha mona Abraham kokule naLasarus mekolo laye.

DEUTERONOMION 12:2

Mu nokuhanauna po eenhele adishe omo oiwana ei tamu ka taataa ya longela oikalunga yayo, keemhunda dile nokoikulundudu nomomuti keshe mutalala.