JEREMIA 27:9 - Ombibeli Iyapuki

⁹ Hano nye, inamu pwilikina ovaxunganeki veni neendudu deni neendjodi deni neemhule deni, ava tave mu lombwele tava ti: Ahowe, nye kamu na apa tamu longela ohamba yaBabilon.

JEREMIA 27:9 ပူးပေါင်းရင်းမြစ်များ

EXODUS 22:18

“Ondudu yomukainhu ino i efa i kale nomwenyo.

EXODUS 7:11

Opo nee Farao okwa ifana ovanongo neemhule. Ndele vo, eemhule dOvaegipiti ode shi ninga yo noupule wavo:

OMAYELETUMBULO 19:27

Omumwange, ngeenge to efa okupwilikina outekuduliko, opo nee to puka mo meendjovo deshiivo!

JESAJA 8:19

Nongeenge tamu lombwelwa kutya, puleni eemhepo doonakufya neemhule hadi sheketa nohadi ngungutula mokanya, oshiwana itashi pula ngeno Kalunga kasho? Ovanamwenyo otava pulilwa sha mbela koonakufya?

JEREMIA 14:14

Ndelenee Omwene okwa lombwela nge, ta ti: Ovaxunganeki otava xunganeke oipupulu medina lange; Ame inandi va tuma nongaashi inandi va lombwela noinandi va popifa. Otave mu xunganekele omamoniko oipupulu nomaxunganeko oipupulu nomakoto omitima davo vene.

JEREMIA 23:16

Omwene womatanga ovakwaita ota ti ngaha: “Inamu pwilikina eendjovo dovaxunganeki ava, tave mu xunganekele. Otave mu yadifa nomateelelo ongaho. Omamoniko omitima davo vene tave a udifa, ndelenee hasheshi tashi di mokanya kOmwene.

JEREMIA 23:25

Ame onda uda osho ovaxunganeki ovo tave shi tongo, ava hava xunganeke oipupulu medina lange ndele tava ti: Ame onda nangala ondjodi, onda nangala ondjodi!

JEREMIA 23:32

Tala, Ame onda hala okuhanga ava tava xunganeke eendjodi davo doipupulu, Omwene ta ti, vo otave di hepaulula notava pukifa ovanhu vange noipupulu yavo nonokulitanga kwavo, nande Ame inandi va tuma, Ame inandi va lombwela, nongaashi kave na eshi tava kwafa ovanhu vange. Omwene osho ta ti.

JEREMIA 29:8

Osheshi Omwene womatanga ovakwaita, Kalunga kaIsrael, ota ti: ‘Taleni, muha kotokelwe kovaxunganeki ava hava kala mokati keni nokeemhule deni, nye inamu lineekela eendjodi davo.

HESEKIEL 21:29

ove nande wa xunganekelwa oipupulu nowa nyanekelelwa ekengelelo, vati, u lyate pofingo nakulinyateka noyovahenakalunga, efiku lavo lokuhandukilwa le uya, osheshi ouhapu woulunde wa fika pouyadi.

DANIEL 4:7

Ndele ovanongo, eendudu, Ovakaldea novakoneki veenyofi ve uya, ndele ame onde va hepaululila ondjodi ei, ndelenee vo ova nyengwa oku i tomonena nge.

MIKA 3:7

Ndele ovamonikokule otava ka kala nohoni, noipala yovaxunganeki tai ka pemba. Ndele vo aveshe otava ka futika eendjedi, osheshi kape na nande enyamukulo laKalunga.

SAKARIA 10:2

Osheshi oiketi hai popi eendjovo doipupulu, novanongo hava mono oipupulu, ndele hava udifa eendjodi dongaho nomahekeleko avo ongaho. Onghee va ya ngaashi oufita weedi, hava fi oluhepo, osheshi vehe nomufita.

MALAKIA 3:5

Ndele Ame ohandi ka ehena kunye ndi ninge etokolo, ndele Ame handi endelele okuninga ondobwedi ndi tokole eendudu novatei vohombo naava va ana moipupulu nohava fininike omulongeli wondjabi mokufuta, novafiyekadi neefiye. Naava hava ngolyola eendjovo domunailongo ndele itava tila nge. Omwene womatanga ovakwaita ta ti.

OILONGA YOVAYAPOSTOLI 8:11

Ndele vo ove liameka kuye, osheshi ye e va kumwifa efimbo lile noumhulile waye.

OVAEFESO 5:6

Paha kale ou te mu pukifa neendjovo dongaho, osheshi omolwaai ehandu laKalunga otali hange ovana vokuhadulika;

DEUTERONOMION 13:2

nedidiliko ile oshikumwifalonga eshi ye e shi ku udanekela ndele ta ti kwoove: Natu shikuleni oikalunga imwe noku i longela, yo ino i shiiva nande,

DEUTERONOMION 18:14

“Osheshi ovanhu ovo ove to va taataa mo moshilongo shavo, ohava pwilikine ovaxunganeki hava xunganeke omadidiliko novanyanekeli. Ndelenee Omwene Kalunga koye okwe ku shilika oinima ya tya ngaha.

JOSUA 13:22

Pamwe naava va dipawa, ovana vaIsrael va dipaa yo neongamukonda Bileam yaBeor, omumonikokule.

EHOLOLO 18:23

Nomutemo wolamba itau minikile vali mwoove, mwoove itamu udika vali ondaka yonghalu yomuhomboli noyomuhombolwa; osheshi ovashingifi voipindi yoye ova li ovakulunhu vedu, osheshi oiwana aishe ya hongaulwa koupule woye,

EHOLOLO 21:8

Ndelenee ovambadanhu naava vehe na eitavelo novalinyateki novadipai novahaeli novakomeni voudiyo novafimaneki voikalunga novanaipupulu aveshe, oshipewa shavo otashi kala mombwili ya xwama omundilo nosulfuri, olo efyo etivali.”

EHOLOLO 22:15

Ndelenee pondje tapa kala eembwa novakomeni voudiyo novahaeli novadipai novafimaneki voikalunga naaveshe ava ve hole oipupulu noku i wanifa.

EHOLOLO 9:21

Vo inave lidilulula, va efe omadipao avo noupule wavo noluhaelo lavo noulunga wavo.