JEREMIA 26:9 - Ombibeli Iyapuki

⁹ Omolwashike we tu xunganekela medina lOmwene, ndele to ti: ‘Otembeli ei oi nokuningwa ngaashi Silo, noshilando eshi oshi nokuninga omakulukuma kashi novanhu’?” Novanhu aveshe va ongalela Jeremia motembeli yOmwene.

JEREMIA 26:9 ပူးပေါင်းရင်းမြစ်များ

2 OMAFIMBO 25:16

Ndele fimbo ta popi naye, Amasia ta ti kuye: “Fye otwe ku tula po mbela, u ninge omupukululi wohamba? Mwena, oshike wa hala u dipawe?” Opo nee omuxunganeki a mwena ndele ta ti: “Ame ohandi dimbulukwa nokutya, Kalunga a hala oku ku nyonauna po, shaashi we shi ninga, ndelenee ino pwilikina epukululo lange.”

JESAJA 29:21

ovo mokupopya kwavo ohava pe oushima ou ehe noushima, ndele tava tele omupopili wouyuki omwiyo poshivelo, ndele tava endameke ouyuki wovayuki neendjovo dongaho.

JEREMIA 32:3

Ohamba yaJuda, Sedekia, okwe mu idilila mo, ndele ta ti: “Oshike hano to xunganeke ndele to ti: ‘Omwene ota ti: tala, oshilando eshi ohandi shi yandje momake ohamba yaBabilon, ndele ye ote ke shi nangala?

JEREMIA 33:10

Omwene ota ti: Monhele tuu ei tamu i popi, tamu ti: “Oya ninga eputu longaho, muhe novanhu noimuna,” omoilando yaJuda nomomapandavanda aJerusalem, mu li hamungaho, muhe novanhu, muhe novakalimo, muhe noimuna,

JEREMIA 36:29

Ndele mokupopya Jehoiakim, ohamba yaJuda, u nokutya: Omwene ota ti ngaha: “Owa xwika omushangwatonywa ou nokutonga: omolwashike wa shangela mo ngaha kutya, ohamba yaBabilon otai uya shili ndele tai hanauna po oshilongo eshi novanhu noimuna ote i mane po sheke?

JEREMIA 9:11

Ndele Jerusalem ohandi shi ningi onduba yomamanya shi ninge onhele yeembadje, noilando yaJuda ohandi i ningi omaputu.

OMAIMBILOKEMO 4:13

Oshe va hanga omolwoulunde wovaxunganeki vasho nomolwoilonga ii yovapristeli vasho, molwaava va tilashi ohonde yovayuki meni lasho.

AMOS 5:10

Vo ohava tondo omulumenhu ou ha popile ouyuki poshivelo, ndele vo hava fifimana ou ha popi oshili.

MIKA 2:6

Ovaxunganeki ovanaipupulu tava ti: “Inamu udifa! Oinima ei kai shi okuudifwa. Okufifa ohoni itaku ka xula po mbela?”

MATEUS 21:23

Opo nee eshi a ya motembeli, ovapristeli ovakulunhu novakulunhu voshiwana ve uya kuye fimbo ta longo ovanhu, ndele tava ti: “Okeenghono dilipipo ho longo ei? Olyelye e ku pa epangelo eli?”

MATEUS 27:20

Ndelenee ovapristeli ovakulunhu novakulunhu ove shi hekela ovanhu okwiindila Barabas, nokudipaifa Jesus.

MARKUS 15:11

Ndele ovapristeli ovakulunhu ova shushumika ovanhu va indile kutya, ne va mangululile Barabas.

JOHANNES 8:20

Eendjovo edi Jesus okwe di popya poshikefa shoiyandjiwa yotembeli, eshi a longa ovanhu motembeli; ndele kapa li nande omunhu e mu kwata, osheshi efimbo laye la li inali fika manga.

JOHANNES 8:59

Opo vo ova toola omamanya ve mu kupule, ndelenee Jesus okwa hondama ndele ta di mo motembeli, ta ende mokati kavo, ta i.

OILONGA YOVAYAPOSTOLI 13:50

Ndele Ovajuda ova hongaula ovakainhu ovanamadina ovatilikalunga novalumenhu ovafimanekwa moshilando, va pendulila Paulus naBarnabas ehaulo, ndele tave va te mo moikandjo aishe yavo.

OILONGA YOVAYAPOSTOLI 21:30

Oshilando ashishe osha hovela okukulukuta, ovanhu ova tondokela ko ndele va kwata Paulus, ndele tave mu kokolola mo motembeli, opo nee oivelo oya idilwa po.

OILONGA YOVAYAPOSTOLI 22:22

Fiyo okondjovo ei ove mu pwilikina, ndele va ingida pombada, ndele tava ti: “Ou a tya ngaha na dje ko kombada yedu, osheshi inashi wapala a kale e nomwenyo.”

OILONGA YOVAYAPOSTOLI 3:11

Ndele ye eshi a li pamwe naPetrus naJohannes, ovanhu aveshe ova kwatwa konghumwe inene, nova endelela okwoongalela puvo molukala olo la lukwa laSalomo.

OILONGA YOVAYAPOSTOLI 5:12

Ndele komake ovayapostoli okwa ningwa oilongadidiliko noikumwifa ihapu mokati kovanhu, ndele vo aveshe va li ve nediladilo limwe, ndele va diinina okwoongalela molukala laSalomo.

OILONGA YOVAYAPOSTOLI 5:28

ta ti: “Fye otwe mu shilika shili, onye muha longe vali ovanhu edina eli, ndele taleni, Jerusalem ashishe omwe shi yadifa nelongo leni, nomwa hala mu twike ohonde yomulumenhu winya kombada yetu.”

OILONGA YOVAYAPOSTOLI 6:14

osheshi fye otwe mu uda eshi ta ti: Jesus ou Omunasareti, ota hanauna po onhele ei, neenghedi odo twe di pelwe kuMoses ote di lundulula.”

JOSUA 18:1

Ndele eongalo alishe lovana vaIsrael la ongala muSilo, ndele oko va dika etwali leongalo, vo eshi va nangala edu.