JEREMIA 26:2 - Ombibeli Iyapuki

² “Omwene ota ti ngaha: Inda u ka kale ofika moluumbo lotembeli yOmwene, ove u popye nokupa oilando aishe yomuJuda oushima; ovo tave uya motembeli yOmwene okulinyongamena, va lombwela eendjovo adishe nde di ku lombwela u di tonge kuvo. Ino efa po nande ondjovo imwe.

JEREMIA 26:2 ပူးပေါင်းရင်းမြစ်များ

JEREMIA 1:17

Ove hano limangeleka moshiya shoye, fikama u tonge kuvo adishe handi di ku lombwele. Ino va tila, opo Ame ndihe ku halukife moipafi yavo.

JEREMIA 1:7

Ndelenee Omwene okwa lombwela nge, ta ti: “Ino tya: ‘Aame omunyasha,’ osheshi keshe apa handi ku tumu ou nokuya po, nakeshe eshi handi shi ku lombwele ou noku shi popya.

JEREMIA 19:14

Opo nee Jeremia a aluka kuTofet, oko Omwene e mu tuma a ka xunganeke, ndele ye e uya moluumbo longulu yaKalunga, ndele ta lombwele ovanhu aveshe ta ti:

JEREMIA 23:28

Omuxunganeki ou a nangala ondjodi, na hepaulule ondjodi yaye, ndelenee ou e kwete ondjovo yange, na hepaulule ondjovo yange moshili. Oihati oi na shike noilya, Omwene osho ta ti.

JEREMIA 25:2

omuxunganeki Jeremia okwe i tonga mokutamaneka oshiwana ashishe shaJuda noonakukalamo aveshe muJerusalem, ta ti:

JEREMIA 28:5

Ndelenee omuxunganeki Jeremia okwa nyamukula omuxunganeki Hanania moipafi yovapristeli nomoipafi yovanhu aveshe va li ofika motembeli yOmwene,

JEREMIA 36:10

Ndele Baruk okwa lesha omushangwatonywa, eendjovo daJeremia, omotembeli yOmwene, medimo laGemarja yaSafan, omushangi moluumbo lokombada, poshivelo shipe shotembeli yOmwene, e di leshela momatwi ovanhu aveshe.

JEREMIA 42:4

Ndele omuxunganeki Jeremia okwe va nyamukula ndele ta ti: “Onda uda ko. Tala, ame ohandi ka indila kOmwene Kalunga keni paendjovo deni. Nakeshe eshi Omwene te mu nyamukula, ame ohandi ke mu hololela. Ame ihandi ke mu holeka nande ondjovo imwe.”

JEREMIA 7:2

“Inda u ka kale ofika poshivelo shotembeli yOmwene, ove u ka udife ko ondjovo ei, u tye: Udeni ondjovo yOmwene, onye amushe vomuJuda, hamu uya mo moivelo ei okwiilikana Omwene.”

JEREMIA 7:27

Ove nge to va lombwele eendjovo odo adishe, vo itave ke ku uda. Ndele ove nge to va ifana mokule, ndelenee itava itavele;

HESEKIEL 3:10

Ye okwa lombwela nge natango, ta ti: “Kaana komunhu, eendjovo adishe edi handi ku lombwele, di tambula momutima woye, di uda nomatwi oye.

HESEKIEL 33:7

“Ndele oove, kaana komunhu, ove nde ku tula po u ninge omunangeli weumbo laIsrael; ndele ngeenge to udu ondjovo mokanya kange u noku va londola kombinga yange.

HESEKIEL 40:4

Ndele omulumenhu okwa lombwela nge: “Kaana komunhu, tala nomesho oye, u ude nomatwi oye u tongolole oinima aishe ame handi ke ku ulikila Osheshi ove wa etwa po apa opo oinima ei i ku ulikilwe. Eumbo laIsrael li udifila aishe ei ove to i mono.”

MATEUS 28:20

noku va longa okudiinina aishe ei nde i mu lombwela. Ndele tala, Ame ondi li pamwe nanye omafiku aeshe, fiyo okexulilo lefimbo lounyuni.”

LUKAS 19:47

Ndele Ye okwa li he va longo omafiku aeshe motembeli, ndele ovapristeli ovakulunhu novanongo vomishangwa ove mu konga ve mu dipae, nosho tuu ovakulunhu voshilongo,

JOHANNES 18:20

Jesus okwe mu nyamukula: “Nda tonga moipafi younyuni. Alushe onda longa ovanhu meeshinagoga nomotembeli, omo hamu ongala Ovajuda aveshe, ndele inandi tonga sha meholeko.

JOHANNES 8:2

Ndele ongula inene okwa ya vali motembeli, ndele ovanhu vahapu ve uya kuye. Ndele Ye a kala omutumba ndele te va longo.

OILONGA YOVAYAPOSTOLI 20:20

nonhumbi nda li inandi fya ounye oku mu lombwela keshe tuu osho sha wapala noku mu longa povanhu nomomaumbo

OILONGA YOVAYAPOSTOLI 20:27

Osheshi ame inandi fiya po sha, ndelenee onde mu udifila omhangela aishe yexupifo laKalunga.

OILONGA YOVAYAPOSTOLI 5:25

Ndele mwe uya umwe ndele ta ti kuvo: “Taleni, ovalumenhu venya mwa idilila modolongo, ove li motembeli ndele tava longo ovanhu.”

OILONGA YOVAYAPOSTOLI 5:42

Ndele vo inava efa okulonga omafiku aeshe motembeli nomomaumbo nova udifa evaengeli laKristus Jesus.

DEUTERONOMION 12:32

“Ashishe eshi ame handi mu lombwele, sho omu noku shi diinina shili. Ino weda ko sha, ndele ino dima mo sha.

DEUTERONOMION 12:5

Ndelenee monhele tuu oyo Omwene Kalunga keni ta ka hoolola mulimwe lomomapata eni aeshe, a nangekele edina laye onhele, oyo mu nokukonga nomu nokuya ko.

DEUTERONOMION 4:2

Kondjovo ei ame handi mu lombwele, inamu weda ko sha, nye inamu kufa ko sha. Opo mu shiive okudiinina oipango yOmwene Kalunga keni, ei ame handi mu lombwele.

JOSUA 8:35

Meendjovo odo da tongwa kuMoses inamu kala nande imwe Josua ine i leshela oshiongalele ashishe shaIsrael, pamwe novalikadi nounona novanailongo ava va enda pamwe navo.

EHOLOLO 22:19

Ndele ngeenge ope na ou ta dimi mo sha meendjovo douxunganeki domomushangwa ou, Kalunga ote mu kufa oshipewa shaye shomomuti womwenyo noshomoshilando shinya shiyapuki, ngaashi sha shangelwa momushangwa ou.