JEREMIA 22:9 - Ombibeli Iyapuki

⁹ Ndele tapa ka nyamukulwa: ‘Osheshi vo ova nyonauna ehangano lOmwene, Kalunga kavo, nove linyongamena koikalunga noku i longela.’ ”

JEREMIA 22:9 ပူးပေါင်းရင်းမြစ်များ

1 EEHAMBA 9:8

Nongulu ei otai hanaunwa, po ndelenee keshe umwe ta ende po puyo, ota ka haluka shili nokushika omwiilwa, ndelenee tava ka pula: ‘Omolwashike Omwene a ningila ngaha edu eli notembeli ei?’

2 EEHAMBA 22:17

Shaashi ve liteeka nge ndele va twimina oikalunga imwe, va handukifa nge noilonga aishe yomake avo. Onghee hano oupyuhandu wange tau ka xwamena onhele ei, ndele itau ka dima.

2 OMAFIMBO 34:25

Osheshi mwe liteeka nge ndele mwa twiminina oikalunga imwe, mu handukife nge noilonga yeni aishe yomake eni, onghee hano oupyuhandu wange tau ka tilwashi kombada yonhele ei, ndele itau ka dimwa po.

JEREMIA 11:10

Vo ova shunina momanyonauno ooxekulu votete, venya va li va anya okudulika keendjovo dange, ndele va shikula oikalunga noku i longela. Eumbo laIsrael neumbo laJuda okwa teya po ehangano nde li ningilile nooxekulu vavo.

JEREMIA 11:3

va lombweleni: Omwene Kalunga kaIsrael osho ta ti: ‘Omulumenhu ou ita dulika keendjovo dehangano eli, na fingwe,

JEREMIA 16:11

Opo nee va lombwela u tye: Osheshi ooxokulu ove liteeka nge, Omwene osho ta ti, nova shikula oikalunga nove i fimaneka nokulinyongamena kuyo, ndelenee va ekelashi nge, ndele inava diinina omhango yange.

JEREMIA 50:7

Aveshe ava ve va hanga, ve va lya po. Ndele ovatondadi vavo ova tya: “Fye itatu pewa oushima, osheshi vo ova nyona kOmwene, onhele youyuki, kOmwene ou a kala eteelelo looxekulu vavo.”

JEREMIA 9:13

Ndele Omwene okwa tya: Osheshi va ekelashi omhango yange, nde i va pele, vo inava pwilikina ondaka yange, ve i shikule,

HESEKIEL 12:16

Ndelenee muvo Ame ohandi ka xupifa mo okangudu kanini kaha hangike keongamukonda, nokondjala nokoudu u nolutapo, opo va shiive okuhepaulula mokati koiwana, oko tava i ko, oixuna yavo aishe, ndele vo otava ka shiiva nokutya, Aame Omwene.”

HESEKIEL 14:23

Heeno, vo otave ke mu hekeleka, nye eshi tamu mono eendjila davo noilonga yavo; ndele nye otamu ka shiiva nokutya, hapwanga nda ningile aishe ei nde i ningila musho, Omwene Kalunga ta ti.”

HESEKIEL 39:23

Noiwana tai ka shiiva nokutya, eumbo laIsrael la twalwa moupika omolwoulunde walo, shaashi ve liteeka nge, ndele Ame nda holeka oshipala shange kuvo ndele nde va yandja momake ovatondi vavo, opo vo aveshe va fya keongamukonda.

HESEKIEL 5:15

Ndele eshi tashi ka kala esheko nodino, nelondwelo noshinima shetilifo mokati koiwana yovapaani ye ku dingilila, Ame eshi handi wanifa omatokolo mwoove mehandu nomoupyuhandu nomomahandukilo manene. Ame, Omwene, onde shi tya.

DEUTERONOMION 29:24

Noiwana aishe tai ka tya: ‘Omolwashike Omwene a ningila ngaha oshilongo eshi? Ehanyo lehandu linene li fike opo, olashike?’