JEREMIA 20:3 - Ombibeli Iyapuki

³ Ndelenee mefiku la shikula Pashur okwa kufa mo Jeremia meti. Opo nee Jeremia okwe mu lombwela ta ti: Omwene ite ku ifana edina loye Pashur, ndelenee Etilohaluko-keembinga-adishe!

JEREMIA 20:3 ပူးပေါင်းရင်းမြစ်များ

GENESIS 17:15

Kalunga okwa lombwela vali Abraham ta ti: “Sarai, omwalikadi woye, ino mu ifana vali Sarai, ndele edina laye nali ninge Sara.

GENESIS 17:5

Onghee hano ito ifanwa vali Abram, ndelenee Abraham, osheshi Ame ohandi ku ningi xe yoiwana ihapu.

GENESIS 32:28

Opo nee winya ta ti: “Ove ito ka ifanwa vali Jakob, ndelenee Israel. Osheshi ove wa kondja naKalunga novanhu, ndele wa dula.”

OMAPSALOME 31:13

Heeno, ondi udite, vahapu tava ambaamba nge, oixuna keembinga adishe, mokungudumana kwavo otava diladilile nge efyo.

JESAJA 8:3

Ndele ame nda ya komwalikadi wange omuxunganeki, ndele ye okwa ninga oufimba, ndele ta dala okamati. NOmwene okwa lombwela nge, ndele ta ti: “Edina lako li luka Maher-Saalal-Has-Bas.

JEREMIA 19:2

ndele inda mefilu laBen-Hinnom li li pOshivelo shoikangwa, ove u va lombwele eendjovo odo handi ke di ku lombwela.

JEREMIA 19:6

Onghee hano, tala, omafiku otae uya, Omwene osho ta ti, onhele tuu ei itai ifanwa vali Tofet naBen-Hinnom, ndelenee: Edipaelofilu.

JEREMIA 20:10

Osheshi ame onda uda omalundilo avahapu, omatilifo keembinga adishe! Mu hololeni! Natu mu holole! Nookaume kange aveshe tava kala nokunangela nge, ndi punduke. Vo otava ti: Kashiimba tashi dulika a tulwe moulai, nena hatu mu dulu eenghono ndele hatu polifile muye ehandu letu.

JEREMIA 29:29

Ndele onhumwafo ei oya leshelwa momatwi omuxunganeki Jeremia komupristeli Sefania.

JEREMIA 46:5

Omolwashike nda mona kutya va haluka ndele va shuna konima? Heeno, ovaladi vavo va dengwa ndele tava i onhapo, ndele itava tale vali konima. Ehaluko keembinga adishe, Omwene osho ta ti.”

JEREMIA 6:25

Ino ya nande okokule moixwa, ove ino enda momalila, osheshi eongamukonda lomutondadi oli li ko, oixuna yongaho keembinga adishe!

JEREMIA 7:32

Onghee taleni hano, omafiku otae uya, Omwene osho ta ti, itapa tumbulwa vali nande Tofet ile olufilu laBen-Hinnom, ndelenee otapa tiwa edipaelofilu, ndele muTofet omo tamu pakwa oimhu, osheshi kape nonhele pamwe.

OMAIMBILOKEMO 2:22

Ovatilifi vange we va shivila nge keembinga adishe ngaashi efiku loshivilo. Nefiku olo lehandu lOmwene kapa li nande umwe a ya onhapo, ile e lixupifa. Ava nde va tekula nonde va kulifa, omutondadi wange okwe va mana po.

HESEKIEL 13:9

Ndele eke lange tali ka lwifa ovaxunganeki ava hava mono omamoniko oumbudi ndele ohava xunganeke oipupulu: Vo itava ka kala meongalo loshiwana shange, noitava ka shangwa membo lepata laIsrael, noitave ke uya moshilongo shaIsrael. Ndele vo otava ka shiiva nokutya, Aame Omwene Kalunga.

OILONGA YOVAYAPOSTOLI 16:30

e va pitifa mo ndele ta ti: “Oovene vange, ondi nokuninga ngahelipi ndi xupifwe?”