JEREMIA 2:6 - Ombibeli Iyapuki

⁶ Ndele vo inava tya: Omwene oku li peni, ou e tu tembula muEgipiti nokwe tu endifa mombuwa, medu la mbwalangadja nolomakololo, medu lomanota nolomudidimbe wefyo, edu ihali endwa nande okomunhu, ndele kape na nomunhu ta kala mo?

JEREMIA 2:6 ပူးပေါင်းရင်းမြစ်များ

DEUTERONOMION 32:10

“Ye okwe mu mona mombuwa, mofuka ya tilika i yadi okukwena. Ye okwe mu tambula meameno laye nokwe mu kalela noshisho, nokwe mu amena ngaashi omuni yeisho laye.

HOSEA 13:4

Ndelenee Aame Omwene Kalunga koye okudja kedu laEgipiti. No ino shiiva Kalunga kamwe ke lili ponho yange, ndele kape nomukwafi umwe, ame tuu andike.

MATEUS 4:16

Ndele oshiwana osho sha li omutumba momilaulu, osha mona ouyelele uhapu, naavenya va li va kala omutumba moshilongo nomomudidimbe wefyo, ouyelele we va yelela.”

HOSEA 12:13

Ndelenee Omwene okwa pitifa Israel neke lomuxunganeki medu laEgipiti, nomuxunganeki e shi lifa.

JEREMIA 5:2

Ndele nande vo aveshe tava ti: Oshili, ngaashi Omwene e nomwenyo, otava ane oipupulu.

JEREMIA 2:8

Ovapristeli inava pula: Omwene oku li peni? Novayukifi vomhango inava shiiva nge; novafita ove liteeka nge, novaxunganeki ova xunganeka edina laBaal, ndele va shikula oinima kai na nande ekwafo.

JEREMIA 2:2

Inda u ka udifile momatwi aJerusalem u tye: Omwene ota ti ngaha: “Ame onda dimbulukwa ouwa wounyasha woye, nohole yoye, fimbo wa li omufuko omupe, eshi wa shikula nge mombuwa ihamu mene nande sha.

JESAJA 64:7

Ndele inapa kala nande umwe ou a ifana edina loye, ou a penduka okukanyatela kwoove, osheshi owe tu holeka oshipala shoye, ndele we tu efela tu notelwe koulunde wetu.

JESAJA 63:9

Momaluhepo avo aeshe okwe va nyikila oluhodi nomweengeli wokoshipala shaye okwe va xupifa. Okwe va kulila molwohole yaye nomolwolukeno laye. Ndele okwe va toola nokwe va humbata momafiku enya aeshe onale.

OMAPSALOME 77:5

Ohandi shipulula omafiku onale, omido edi da pita donalenale;

OMAPSALOME 23:4

Nande ondi ende molufilu lomudile wefyo, itandi tila owii, osheshi Ove u li pwaame; odibo yoye nonhaili yoye, oyo ehekeleko lange.

JOB 35:10

Ndelenee nande umwe ta ti: ‘Kalunga, Omushiti wange, oku li peni, ou ha yandje omahambeleloimbilo oufiku?

JOB 3:5

Nau kwetiwe komilaulu nokomudidimbe wefyo. Oshilemo shilaula nashi ke li uvike. Aishe oyo tai laulike efiku, nai li tilife.

2 EEHAMBA 2:14

Nokwa kufa elwakani laElia le mu wa, ndele ta denge nalo omeva ndele ta ti: “Omwene Kalunga kaElia oku li peni?” Ye eshi a denga momeva, oo a tukuka kombinga nombinga, ndele Elisa okwa tauluka.

OVATOKOLIPANGELI 6:13

Opo nee Gideon te mu pula: “Akutu, Omwene wange, Omwene ngeenge e li pamwe nafye, omolwashike hano oinima aishe ei ye tu wila? Noikumwifalonga yaye, oyo ootate ve tu hepaululila, oi li peni? Venya eshi va tile: Omwene haye e tu pitifa mo muEgipiti? Ndelenee paife Omwene e tu ekelashi ndele e tu yandja meke lOvamidian.”

EXODUS 20:2

“Aame Omwene Kalunga koye, ou nde ku pitifa mo medu laEgipiti, meumbo loupika.

DEUTERONOMION 1:19

“Opo nee fye twa fikama kuHoreb, ndele twa tauluka ombuwa aishe oyo inene noya tilika, oyo mwe i mona moweenda weni nondjila yeni yokeemhunda dOvaamori, Omwene Kalunga ketu ngaashi e tu lombwela. Ndele fye otwa fika kuKades-Barnea.

JEREMIA 13:16

Fimanekeni Omwene, Kalunga keni fimbo inaku laula nofimbo eemhadi deni inadi koyauka keemhunda momilaulu. Opo nee nye otamu kala nokuteelela ouyelele, ndelenee Ye ote u lundulula tau ningi omudidimbe wefyo, note u ningi omilaulu fokofoko.

JEREMIA 51:43

Oilando yasho ya ninga ofuka, ya ninga edu la kukuta, ya ninga omuulu, edu omu muhe novanhu, ndele itapa endwa komona womunhu nande umwe.

DEUTERONOMION 8:2

Ndele ove u nokudimbulukwa ondjila aishe oyo Omwene Kalunga koye e ku endifa mombuwa efimbo li fike pomido omilongo nhee e ku ninipike noku ku tala, opo a shiive eshi shi li mo momutima woye, ove ngeenge to ka diinina tuu oipango yaye ile ahowe.

JEREMIA 5:12

Ove lidimbika Omwene ndele va tya: Haye, nokape noshiponga tashi ke tu hanga. Neongamukonda nondjala itatu ke i mona!

AMOS 2:10

Nosho yo nde mu kufa medu laEgipiti ndele nde mu endifa omido omilongo ine mombuwa, opo mu nangale edu lOvaamori.