JEREMIA 17:7 - Ombibeli Iyapuki

⁷ Omulumenhu omunangekwa noupuna oye ou te lineekele Omwene, naau a ninga Omwene eameno laye.

JEREMIA 17:7 ပူးပေါင်းရင်းမြစ်များ

OMAPSALOME 125:1

Ovalineekeli vOmwene ove li ngaashi omhunda yaSion, ei itai tengauka, tai kala po ya pama fiyo alushe.

OMAPSALOME 146:5

Omunelao ou, ekwafo laye ngeenge olo Kalunga kaJakob, nelineekelo laye ngeenge te li tula mOmwene, Kalunga kaye,

OMAPSALOME 2:12

Xupiteni Omona komilungu, opo ehe mu handukile ndele tamu nyonauka mondjila yeni; osheshi ehandu laye kali kwete kufuluka. Ovanelao ovava aveshe have mu lineekele.

OMAPSALOME 20:8

Vo kave na apa tava kwatelele, ndele tava natwa po, ndelenee fye otu li ofika, itatu tengauka vali.

OMAPSALOME 34:8

Makeleni, nye mu tale ouwa wOmwene apa u fike; keshe tuu ou te mu lineekele, oye e nelao.

OMAPSALOME 40:4

Omulumenhu omunelao ou, ta tula elineekelo laye mOmwene, noite liameke kovalinenepeki nokwaava tava pukile oipupulu.

OMAPSALOME 71:5

Osheshi Oove elineekelo lange, Omwene, Kalunga kange, Oove omulineekelwa wange, nghee nda dja mounona wange.

OMAPSALOME 84:12

Omunelao omunhu ou te ku lineekele, Oove Omwene weengudu dovakwaita!

OMAYELETUMBULO 16:20

Ou ta diinine ondjovo, ote ke limonena ouwa. Naau te lineekele Omwene, ye omunelao.

JESAJA 30:18

Ndele Omwene ota teelele a shiive oku mu fila onghenda, opo nee ota fikama e mu file olukeno, osheshi Omwene Oye Kalunga kouyuki. Ovanelao aveshe ava have mu teelele!

JESAJA 61:3

okudika komutwe woonakunyika oluhodi vaSion, embale loulenga ponhele yomute, nomuvavo wehafo ponhele yoluhodi, oshikutu shehambelelo ponhele yomhepo ya djuupala; opo vo va ifanwe omiti domiterebinti douyuki, oshikunino shOmwene shoku mu fimanekifa.

JEREMIA 39:18

Osheshi ohandi ke ku xupifa, ito dipawa keongamukonda, ndelenee omwenyo woye oto u hakana, osheshi ove wa kala nokulineekela nge, Omwene osho ta ti.”

DANIEL 3:28

Opo nee Nebukadnesar a popya, ta ti: “Kalunga kaSadrak, kaMesak nokaAbednego na hambelelwe, ou a tuma omweengeli waye ndele a xupifa ovapiya vaye, ve mu lineekela, vo va tauluka oshipango shohamba, ndelenee vo ove liyandja omalutu avo vaha fimaneke ile vaha ilikane kalunga kamwe, ndelenee Kalunga kavo aeke.

SEFANIA 3:12

Ndelenee Ame ohandi ka fiya mo mokati koye oshiwana sha xupa nosha nghundipala tashi lineekele edina lOmwene.

OVAEFESO 1:12

opo tu kale ehambelelo lefimano laye, fye ava twa tula etimaumbwile muKristus.