JEREMIA 15:6 - Ombibeli Iyapuki

⁶ Ove owa ekelashi nge, Omwene osho ta ti, ove owa shuna monima. Onghee Ame nda twala eke lange kwoove nohandi ku hanauna po. Ame onda loloka oku ku fila onghenda vali.

JEREMIA 15:6 ပူးပေါင်းရင်းမြစ်များ

JESAJA 1:4

Woo, oshiwana shovalunde, ovanhu vomatimba mahapu, noludalo laava ihava udu ko, ounona ovanyoni. Ova efa Omwene, va dina Omuyapuki waIsrael ndele ve mu pilamena.

JESAJA 28:13

Opo nee ondjovo yOmwene otai ka kala kuvo: Oshipango okoshipango, oshipango okoshipango, onghedi okonghedi ikwao, onghedi okonghedi ikwao, oku kanini, kwinya kanini, opo mokweenda va punduke ongali ndele va teke, opo va yulwe kongodi, vo va kwatwe.

JESAJA 31:3

Heeno, Ovaegipiti ovanhu, kave shii Kalunga, neenghambe davo ombelela, hamhepo; Omwene, ngeenge ta twala okwooko kwaye, omukwafi ota punduka nomukwafwa ota wile po; ndele aveshe vavali otava nyonauka po mumwe.

JEREMIA 1:16

Ndele Ame onda hala oku va hololela omatokolo ange molwowii wavo aushe, eshi ve liteeka nge, ndele va twimina oikalunga imwe ndele ve linyongamena koilonga yomake avo vene.

JEREMIA 13:14

Ndele Ame ohandi ke va nyanyaulifafana nooxe novana mumwe, Omwene osho ta ti, itandi kenukile, itandi xupifa, itandi fi onghenda, ndi va efe ngeno itandi va nyono po.”

JEREMIA 2:13

Osheshi ovanhu vange ova nyona pavali: Ove liteeka nge nande Aame ofifiya yomeva omwenyo, ndele vo ve lixupila omifima da tenda omifya, dihe shii okukala omeva.

JEREMIA 2:17

Haave mwene we shi likongela, eshi wa efa Omwene Kalunga koye, omafiku enya eshi e ku endifa nondjila yaye?

JEREMIA 2:19

Owii woye mwene otau ku denge, nokuliteeka kwoye kudjuu otaku ku handukile. Hano, kala u shi shii nokumona oululu woshiponga shoye apa u fike, eshi wa efa Omwene Kalunga koye, ndele ino kala nokutila nge. Omwene osho ta ti, Omwene womatanga ovakwaita.

JEREMIA 20:9

Ndelenee eshi nda tya: Ame inandi hala vali oku mu diladila noinandi hala vali okupopya medina laye, opo nee momutima wange omwa fa mwa xwama omundilo tau xwike wa kwatelelwa momakipa ange. Ame onda hetekela oku u lididimikila fiyo nda loloka, ndelenee nda nyengwa.

JEREMIA 44:22

Opo Omwene ina dula vali oku li lididimikila owii woilonga yeni nomolwoixuna mwe i longa, onghee oshilongo sheni osha ninga omakulukuma nomaputu nondjovo yefingano shihe novanhu, ngaashi shi li nena eli.

JEREMIA 6:11

Opo nee ame onda yada oupyuhandu wOmwene, itandi dulu oku u kelela. U tila hano kombada younona vomomapandavanda nokombada yeengudu dovanyasha, kombada yaaveshe, osheshi omulumenhu nomukainhu ove nokukwatwa, nomunyeumbo pamwe nomukulunhu weenghwakutoka.

JEREMIA 6:12

Omaumbo avo otaa ningi ovanhu vamwe, omapya novakainhu vavo yo, osheshi Ame ohandi aneke eke lange nokuhanyena oonakukalamo moshilongo, Omwene osho ta ti.

JEREMIA 6:19

Edu pwilikina! Tala, ovanhu ava ohandi va umbu omupya, owo oshiimati shomadiladilo avo, osheshi vo inava pwilikina eendjovo dange nomhango yange ve i ekelashi!

JEREMIA 7:16

Ndelenee oove, ino ilikanena ovanhu ava oku va tumbulila omaindilo, u fininike nge, osheshi Ame itandi ku udu.

JEREMIA 7:24

Ndelenee inava uda vo inava ameka omatwi avo kwaame, ndelenee ova enda pamhangela yavo vene nomoukukutu womitima davo dii; va pa nge ombuda, hashipala shavo.

JEREMIA 8:5

Ovanhu ava, Ovajerusalem, omolwashike hano hava pilamene ko nokushuna monima alushe? Ohava dame mekonda ndele hava anye okwaaluka mo.

JEREMIA 8:9

Ovanongo otava fifwa ohoni, tava haluka ndele tava kwatwa. Tala, ova ekelashi ondjovo yOmwene, ounongo washike ngeno ve u kwete?

HESEKIEL 14:9

Nongeenge omuxunganeki te lipukififa a popye ondjovo, Ame Omwene nda pukifa omuxunganeki ou, ndele Ame ohandi ka yelula eke lange moku mu lwifa, ndele handi mu kombo momoshiwana shange Israel.

HESEKIEL 25:7

Onghee hano tala, Ame ohandi mu yelulile eke lange ndele handi mu yandje koiwana ngaashi oshihakanwa, ndele ohandi ke mu komba mo moiwana noku mu mana mo moilongo. Ame ohandi ke mu nyona po sheke, ndele nye otamu ka shiiva nokutya, Aame Omwene.”

HESEKIEL 35:3

u tye kuyo: Omwene Kalunga ta ti ngaha: Tala, Ame ohandi ku vele eembedi, ove omhunda yaSeir ndele Ame ohandi ka nana eke lange kwoove noku ku ninga omuulu noku ku tokeka.

HOSEA 11:7

Osheshi oshiwana shange osha loloka okwaalukila kwaame nonge tashi ifanwa shi tale pombada, kaku na ou ta fikama.

HOSEA 13:14

Ohandi ke va mangulula meenghono dokoufi, ohandi ke va kulila mefyo. Efyo, oudu woye u nolutapo u li peni? Oshovafi, ekanifo loye oli li peni? Elivelo lombedi tali kala la holekwa momesho ange.

HOSEA 4:16

Osheshi Israel sha pota, ngaashi odidi ya pota. Paife nee Omwene ote ke va lifa ngaashi odjona moulifilo wa andjuka.

SEFANIA 1:4

“Ndele handi ka anekela Juda noonakukalamo vomuJerusalem okwooko kwange. Ame ohandi ka dima mo yo monhele ei oixupe yaBaal, nomadina ovalongeli voikalunga pamwe novapristeli,

SAKARIA 7:11

Ndelenee ova anya okupwilikina nomokwaanya va pilamena ko, ndele va fitika omatwi avo, vaha ude ko.