JEREMIA 15:5 - Ombibeli Iyapuki

⁵ Osheshi olyelye ou te ku file onghenda Jerusalem, olyelye te ku nyikile oufiye nolyelye te uya oku ku pendulila po?

JEREMIA 15:5 ပူးပေါင်းရင်းမြစ်များ

JOB 19:21

Filei nge onghenda, nye ookaume kange, filei nge onghenda, shaashi eke laKalunga la kuma nge.

OMAPSALOME 69:20

Odino yange oya teya omutima wange, nda ninga oshingone, onda li kuteelela onghenda, ndele inandi i mona, onda li kuteelela ovahekeleki, ndele inava holoka.

EXODUS 18:7

Opo nee Moses okwa fikama po a ka shakeneke xemweno, ndele ye okwe linyongamena nokwe mu fipa komilungu. Ndele vo ova kundafana nhumbi ve li ndele va ya mofaila.

JESAJA 51:19

Oinima ei ivali oye ku hanga; olyelye te ku kenukile? Ehanauno neteyaulo, ondjala neongamukonda; ohandi dulu ngahelipi oku ku hekeleka?

JEREMIA 13:14

Ndele Ame ohandi ke va nyanyaulifafana nooxe novana mumwe, Omwene osho ta ti, itandi kenukile, itandi xupifa, itandi fi onghenda, ndi va efe ngeno itandi va nyono po.”

JEREMIA 16:5

Osheshi Omwene osho ta ti: Ino ya mo moshiumbo u lile eenghali, ove u va pendulile po, osheshi Ame onda kufa po ombili yange nouwanghenda wange nefilonghenda lange kovanhu ava, Omwene ta ti.

JEREMIA 21:7

Ndele konima yoinima ei, Omwene osho ta ti, Ame ohandi ka yandja Sedekia, ohamba yaJuda, pamwe novapiya vaye noshiwana naava va xupa mo moshilando eshi, va xupa koudu wolutapo nokeongamukonda nokondjala, ohandi ke va yandja meke lohamba yaBabilon, Nebukadnesar, nomeke lovatondadi vavo nomeke laava hava nangele eemwenyo davo. Ndele oye ote ke va dipaifa eongamukonda. Ye ite ke va udila olukeno ile oku va xupifa ngaashi ite ke va fila onghenda.”

OMAIMBILOKEMO 1:17

Sion ta yelulile ko omake aye, ye ke nomuhekeleki. Omwene okwa shivila Jakob ovatondi vaye keembinga adishe. Jerusalem osha ninga oixuna yongaho mokati kovanamwenyo.

NAHUM 3:7

opo keshe ou te ku tale, ote ku i onhapo ndele ta ti: “Ninive sha hanaunwa! Olyelye te shi lilile? Ohandi ke mu monena peni ovahekeleki?”

OVATOKOLIPANGELI 18:15

Vo ova tengunuka ndele ve uya keumbo lomulumenhu omunyasha, Omulevi, kongulu yaMika, ndele tave mu kundu.

1 SAMUEL 10:4

Ndele vo otave ke ku pula nhumbi u li ndele tave ku pe omingome mbali. U noku di tambula momake avo.

1 SAMUEL 17:22

Opo nee David a yandja omutengi waye komunangeli womatemba nokwa tondokela nokweendelela konhele yolwoodi. Ye eshi e uya ko, a pula ovamwaxe nhumbi ve li.

1 SAMUEL 25:5

a tuma ovamati omulongo, ndele David ta ti kovamati: “Indeni kuKarmel, ndele indeni kuNabal, ndele mu puleni medina lange nhumbi e li.