JEREMIA 15:3 - Ombibeli Iyapuki

³ Ndele Ame ohandi va undulile oiponga yopane, Omwene osho ta ti: eongamukonda lokudipaa po, eembwa dokukokolola po needila dokeulu noifitukuti yokombada yedu yokulyana nokuhanauna po.

JEREMIA 15:3 ပူးပေါင်းရင်းမြစ်များ

OMAPSALOME 68:23

Oove, u koshe eemhadi doye mohonde, nomalaka eembwa doye a mone po shao movatondi voye.”

JESAJA 18:6

Onduba yayo aishe otai fiilwa eedila doilyani dokeemhunda noifitukuti yopedu; eedila doilyani oko tadi ka kala efimbo alishe lokulombo noifitukuti aishe yedu oko tai ka panga ko efimbo lokufu.”

JEREMIA 12:9

Efyuululo lange inali ninga tuu odila yomavala, ya kondekwa keenhwa? Fikameni ka shiveni oifitukuti aishe nai uye keendja.

JEREMIA 14:12

Nande hava kala nokulidilika, itandi udu onghuwo yavo nonande have yambe omaxwikiloyambo neendjayambo, Ame itandi va hokwa ndelenee Ame ohandi va mane po neongamukonda nondjala noudu wolutapo.”

JEREMIA 14:16

Noshiwana osho sha xunganekelwa kuvo otashi ka nangala momapandavanda aJerusalem, sha fya kondjala nokeongamukonda, nopehe na ou te va pake, voovene novalikadi vavo novana vavo ovamati noukadona. Osho ngaha owii wavo vene ohandi u tile kombada yavo.

JEREMIA 16:4

Otava ka fila momaudu okufya, itava lilwa eenghali noitava pakwa. Otava ningi oushosho womedu. Otava ka pwa po keongamukonda nokondjala, noimhu yavo otai ningi eendja deedila dokeulu nodoifitukuti.

JEREMIA 7:33

Ndele oimhu yovanhu ava otai ningi yeedila dokeulu noyoifitukuti yedu; nokape nomunhu te i te po.

OMAIMBILOKEMO 3:11

Oye okwa kandula po eendjila dange nokwa pombaula nge nokwa tokeka nge.

HESEKIEL 14:21

Osheshi Omwene Kalunga ta ti ngaha: “Ongahelipi hano, Ame ngeenge handi tumine Jerusalem omatokolo ange ane, nokutya: Eongamukonda nondjala noilyani noudu u nolutapo, ndi mane mo musho ovanhu noimuna!

HESEKIEL 33:27

Ove u noku va lombwela ngaha: Omwene Kalunga ta ti ngaha: oshili, ngaashi ndi nomwenyo, ava hava kala momakulukuma, oshilielela, vo otava ka fya keongamukonda. Naau a hangika moluhaela Ame ohandi mu yandje koilyani, a liwe po. Ndele ava ve li meehotengulu nomomahondameno otava ka fya koudu u nolutapo.

LEVITIKUS 26:16

opo nee naame yo handi mu ningile eshi, nokutya: Ame ohandi ke mu tumina omahaluhalu, oidinda nolwiidi nomesho taa ka twikifwa nomwenyo tau liekelele. Nye otamu ka kuna yo oshimha ombuto yeni, osheshi ovatondadi veni tave ke i lya po.

LEVITIKUS 26:22

Noilyani yomoixwa Ame ohandi ke mu tumina, ndele yo tai mu nyeka ovana veni nokumana po oimuna yeni, ndele handi xupipike omuvalu weni, opo eendjila itadi endwa vali.

LEVITIKUS 26:25

Ndele Ame ohandi mu tumine eongamukonda. Lo otali ka wanifa ehandu lange molweteyo lehangano, ndele nye ngeenge tamu shuna moilando yeni, Ame ohandi ka tuma oudu wolutapo mokati keni, ndele nye tamu ka yandjwa momake ovatondadi veni.

AMOS 5:19

Ngaashi umwe ou ta i onhapo onghoshi, ndelenee ta shakeneke emwangha, ile te uya keumbo, ndele ta kolelele kekuma, ndele ta lika keyoka!

DEUTERONOMION 28:26

Noimhu yeni tai ka ninga eendja deedila adishe dokeulu nodoinamwenyo kombada yedu, itapa kala ou te i te po.

DEUTERONOMION 32:24

Vo otava ka nooka kondjala nokuxula po koupyu tau lungwinike nokomaudu taa dipaa. Ame ohandi ke va tumina omayoo oilyani noudiyo waai tai alangata mondwi yedu.

EHOLOLO 6:8

Ndele nda mona, ndele tala, opa li onghambe ombashe nomulondi wayo edina laye Efyo, oshovafi oshe mu shikula. Ndele va pewa mepangelo lavo oshitine shedu okudipaa neongamukonda nonondjala nonomukifi wolutapo nonoilyani yokedu.