JEREMIA 14:3 - Ombibeli Iyapuki

³ Oidale yavo ohai tumu ovapiya vavo okuteka omeva. Vo otave uya komifima, ndelenee itava hange ko omeva, ndele tava shuna noitoo yavo ihe na sha. Ova lengaifwa nova fya ohoni, va tuvika oipala yavo.

JEREMIA 14:3 ပူးပေါင်းရင်းမြစ်များ

2 SAMUEL 15:30

Ndele David okwa londa kOmhunda yEemono fimbo ta ende nokulila efimbo alishe. Nomutwe waye wa uvikwa ndele a enda ehe neenghaku. Novanhu aveshe ovo va kale puye, keshe umwe, a uvika omutwe waye tava londo komhunda ndele tava lili efimbo alishe.

2 SAMUEL 19:4

Ndelenee ohamba ya uvika oshipala shayo ndele tai ingida pombada tai ti: “Omumwange Absalom! Absalom, omumwange, omumwange!”

1 EEHAMBA 17:7

Ndelenee eshi pa pita efimbo, okamulonga ka pwinina, osheshi odula inai loka moshilongo.

2 EEHAMBA 18:31

Inamu pwilikina Hiskia. Osheshi ohamba yaAsiria tai ti ngaha: ‘Tu ningeni oukaume, fye nanye, nye mu liyandje, nye mu kale, keshe umwe ota li komuviinyu waye mwene nokomukwiyu waye mwene, ndele keshe umwe ta nu momufima waye.

ESTER 6:12

Opo nee Mordekai a shuna koshivelo shohamba, ndelenee Haman okwa endelela nokuya keumbo laye e noluhodi nomutwe wa uvikwa.

JOB 6:20

Ova fifwa ohoni mokulineekela kwavo; va fika ko, ndelenee va limbililwa.

OMAPSALOME 109:29

Ovatondi vange nava dikwe elengwa, ve liuvike odino ngaashi oshidjalomwa.

OMAPSALOME 40:14

Aveshe ava tava nangele omwenyo wange, ve u nyonaune po, nava fifwe ohoni, i va pembife oshipala; ava va halela nge omupya, nava shunifwe shanimanima, va lengaifwe.

JEREMIA 14:4

Omolwomapya a tenda omifya, osheshi edu inali lokwa, ovanamapya ova haluka ashike ndele tave lituvike koipala yavo.

JEREMIA 15:18

Omolwashike ouyehame wange tau kalele nge alushe? Noshipute shange sha handuka, tashi anye okuveluka? Ove u li kwaame ngaashi ekungulukilo lomeva tali pwinine, ngaashi omeva itaa kalelele.

JEREMIA 2:13

Osheshi ovanhu vange ova nyona pavali: Ove liteeka nge nande Aame ofifiya yomeva omwenyo, ndele vo ve lixupila omifima da tenda omifya, dihe shii okukala omeva.

JEREMIA 2:37

Naaku u li, ou nokudja ko u likwete ombadomutwe, osheshi Omwene ota ekeleshi ovo we va lineekela, ove ku na apa to mono elao pamwe navo.

JEREMIA 20:11

Ndelenee Omwene Oye oku li pamwe naame ngaashi omuladi omunaenghono. Onghee ovataataai vange tava ka punduka, vo itava dulu sha. Ove nokufifwa ohoni shili, osheshi inava kala neendunge. Elengaifo lavo otali kala alushe, itali dimbuwa.

JEREMIA 3:3

Nodula oya kelelwa ko, nodula yokulombo inai uya, ndele ove owa li u nomesho ombwada, ove ino hala okufya ohoni.

OMAIMBILOKEMO 4:4

Elaka lokahanana otali kanyatele kondakona omolwenota. Ounona va indila omungome, kape nomunhu ou te u va pambulile.

HOSEA 2:3

opo ndihe mu dule a kale hamunghele, opo ndihe mu tule po ngaashi a li mefiku lokudalwa kwaye, ndele aha ningwe ngaashi ombuwa, heeno, ndihe mu ninge ngaashi edu la kukuta nondi mu efe a fyenota.

JOEL 1:20

Noifitukuti yoovene yomoixwa otai kuu kwoove. Osheshi eemholongela domeva da pwinina nepeya la xwika po oulifilo womoixwa.

AMOS 4:7

“Nosho yo nda kelela odula iha loke kunye, nande oku na natango eehani nhatu deteyo. Ndele nda lokifila oshilando shimwe, ndelenee shikwao inandi shi lokifila. Epya limwe la pewa odula, ndelenee likwao, eli inali lokwa, ola kukuta.

AMOS 4:8

Nosho oilando ivali ile itatu otai ende nokupungauka ya yuka koshilando oshititatu i ka nwe omeva, ndelenee itai kumwa. Nande ngaha, nye inamu alukila kwaame, Omwene ta ti.

SAKARIA 14:17

Ndele oludi eli lokomaludi okombada yedu, itali uya kuJerusalem li ilikane koshipala shOhamba, Omwene womatanga ovakwaita, lo itali ka mona odula.