JEREMIA 10:4 - Ombibeli Iyapuki

⁴ vo otave u wapaleke noshisiliveli noshingoldo note u pangelifa eendungu nohamala uha tengauke po.

JEREMIA 10:4 ပူးပေါင်းရင်းမြစ်များ

OMAPSALOME 115:4

Oikalunga yavo oyo oisiliveli noingoldo, oitotwa yomake ovanhu.

OMAPSALOME 135:15

Oikalunga yovapaani oyo yoisiliveli noingoldo, oyo ya mewa komake ovanhu.

JESAJA 44:12

Omuhambwidi woivela ota longo nonghwato moupyu wediko, ote li hambula nohamala ndele te li longo neenghono domaoko aye; mokulonga kwaye e udite ondjala, neenghono da pwa mo, iha nu nande omeva, ndele ta loloka.

JESAJA 46:6

Ovo tava pimhi mo oshingoldo mekutu, ndele tava yelekifa oshisiliveli noshiyelekifo, tava ifana omuhambwidi woshingoldo note shi hambula kalunga, tave shi twile eengolo ndele tave shi ilikana.

JESAJA 46:7

Ovo tave shi tula komapepe, tave shi humbata notave shi kaleke ofika ponhele yasho. Sha fikamekwa po! Itashi linyenge ponhele yasho. Nongeenge umwe te shi ifana yo pombada itashi nyamukula sha, noitashi mu xupifa moudjuu waye.

HOSEA 13:2

Ndele natango otava twikile okunyona, ndele tave liningile oshitelekwafano koshisiliveli shavo, oikalunga paendunge davo, aishe oshilonga shomuhambwidi. Oyo tave i popifa: “Oyo tai tomenwa ovanhu, neenhana tave di fipi komilungu.”

HABAKUK 2:19

Woo ou, ta lombwele oshiti, ndele ta ti: “Pashuka!” Nokemanya ihali popi: “Penduka!” Oikalunga oyo tai dulu tuu mbela okulonga eendunge? Tala, oya kwatelwa kumwe koshingoldo nokoshisiliveli, ndele kai na nande omhepo muyo.