JEREMIA 10:3 - Ombibeli Iyapuki

³ Osheshi oiwana hai shikula oikalunga yongaho; omuti womofuka wa kewa, ndele wa hongwa komake omunongo e u hongifa ekuva laye,

JEREMIA 10:3 ပူးပေါင်းရင်းမြစ်များ

OMAPSALOME 115:4

Oikalunga yavo oyo oisiliveli noingoldo, oitotwa yomake ovanhu.

JESAJA 45:20

“Ongaleni, nye mu uye, ndele eheneni oku amushe onye ava mwa xupila moiwana. Ovo hava djala oihongwafano yoiti itava shiiva nande sha, ndele hava ilikana kalunga ita dulu okukwafa sha.

JEREMIA 1:16

Ndele Ame onda hala oku va hololela omatokolo ange molwowii wavo aushe, eshi ve liteeka nge, ndele va twimina oikalunga imwe ndele ve linyongamena koilonga yomake avo vene.

JEREMIA 10:8

Ndelenee vo aveshe omalai novashima! Elongelokalunga loikalunga olongaho, oyo oiti,

JEREMIA 14:22

Oikalunga yongaho yoiwana otai shiiva mbela okulokifa odula, ile omu shii eulu loovene otali lokifa odula? Haave Omwene, Kalunga ketu? Ove hatu teelele! Osheshi aishe ei Ove we i ninga.

JEREMIA 16:19

Omwene, Oove eenghono dange neameno lange noshihondameno shange mefiku loudjuu! Oiwana aishe tai uya kwoove tai di kominghulo dedu ndele tai ti: Omakoto ongaho ootatekulu ve a fyuulula, oikalunga yongaho, muyo kamu na nande shimwe tashi dulu okukwafa.

JEREMIA 2:5

Omwene ota ti ngaha: Ooxokulu ova mona owii washike mwaame, eshi ve liteeka nge va ya kokule, ndele va shikula oikalunga yongaho ndele voovene va ninga vongaho?

LEVITIKUS 18:30

“Onghee hano mu nokudiinina eenghedimhango dange muha ninge sha shomeenghedi doixuna ya ningwa komesho yeni, opo muhe linyateke nayo. Aame Omwene Kalunga keni.”

MATEUS 6:7

“Ndele ngeenge tamu ilikana, inamu popyaana ngaashi ovapaani, ovo ve shii tava udilwa okupopyaana kweendjovo dihapu.

OILONGA YOVAYAPOSTOLI 19:26

Ndele paife omu shi wete ndele hamu shi udu, Paulus ou nhumbi a ivalaleka, haamo omu muEfeso amuke, ndele nomuAsia alishe ndele ta hongaula ovanhu vahapu eshi ta ti: Oinima ei ya hongwa nomake kai fi ookalunga.

OVAROMA 1:21

Osheshi nande vo va shiiva Kalunga, inave mu fimaneka ngaashi Kalunga, ngaashi inave mu pandula, ndelenee omadiladilo avo a ninga ongaho, nomitima davo dihe neendunge, oda nyika omulaulu.

1 PETRUS 1:18

ngaashi mu shi shii onye inamu kulilwa noinima hai xulu po, oshisiliveli noshingoldo omokukala kweni kwonale mwe ku fyuulula kooxo,