JEREMIA 1:9 - Ombibeli Iyapuki

⁹ Opo nee Omwene okwa nana eke laye nokwa kuma nge kokanya. Ndele Omwene okwa tya kwaame: “Tala, ohandi tula eendjovo dange mokanya koye.

JEREMIA 1:9 ပူးပေါင်းရင်းမြစ်များ

JESAJA 49:2

Ndele okanya kange okwe ka ninga eongamukonda la twa nokwa holeka nge momudile weke laye; okwa ninga nge oshikuti sha yawa, nokwa holeka nge monywa yaye.

JESAJA 50:4

Omwene okwa pa nge elaka la longwa, opo ndi kale ndi nounongo okuyakula nokutwa ouladi ava va loloka; Oye ta pendula nge keshe ongula, ta pendula okutwi kwange, opo ndi ude ko panghedi yovalongwa.

JESAJA 51:16

Ndele Ame onda tula eendjovo dange mokanya koye nonde ku holeka momudidimbe weke lange, opo ndi dike eulu nondi kanghameke edu nondi lombwele Sion ndi tye: “Oove oshiwana shange.”

JESAJA 59:21

Ehangano lange navo ole li, Omwene ta ti: “Omhepo yange ei i li kombada yoye, neendjovo dange handi di tula mokanya koye, nomomakanya omaludalo oye nomokanya koludalo tali shikula komesho, nena nofiyo alushe,” Omwene osho ta ti.

JEREMIA 15:19

Onghee Omwene ota ti ngaha: “Ove ngeenge to lialuluka, Ame ohandi ke ku alula ndele ove to itavelwa okukala ofika koshipala shange. Nongeenge to eta osho shiwa hasho shii, opo nee ove oto ka kala okanya kange. Ovo naave uye kwoove, ndele ino shuna kuvo.

JEREMIA 34:6

Ndele eendjovo odo adishe omuxunganeki Jeremia okwe di shiivifila Sedekia, ohamba yaJuda muJerusalem,

JEREMIA 36:2

“Kufa omushangwatonywa, u shangele mo eendjovo adishe odo nde di ku lombwela, nda popya Israel naJuda noinima aishe, okudja kefiku olo nda hovela oku ku lombwela, okomafiku aJosia fiyo onena.

JEREMIA 5:14

Onghee hano Omwene, Kalunga komatanga ovakwaita ota ti: Eshi nye mu neendjovo da tya ngaha, onghee eendjovo dange otadi ningi omundilo mokanya koye, ovanhu ava otava ningi oikuni, ndele tau ke va xwika po.

HESEKIEL 3:10

Ye okwa lombwela nge natango, ta ti: “Kaana komunhu, eendjovo adishe edi handi ku lombwele, di tambula momutima woye, di uda nomatwi oye.

DANIEL 10:10

Ndele tala, eke la kuma nge, ndele la yambula nge nda twa eengolo nda kolelela pedu.

DANIEL 10:16

Ndele tala, umwe a fomunhu okwa kuma nge komilungu dange. Opo ame nda makula okanya kange, ndele handi popi handi lombwele ou, a kala ofika koshipala shange, handi ti: “Mwene wange, omolwemoniko nda kwatwa koudjuu, ndele kandi neenghono vali.

NUMERI 23:5

Opo nee Kalunga okwa tula ondjovo mokanya kaBileam ndee ta ti: Shuna kuBalak, ndele osho ngaha u noku mu lombwela:

MATEUS 10:19

Ndelenee ngeenge tave mu yandje kovatokoli, inamu kala noshisho mu tye ngahelipi ile mu popye shike, osheshi onye tamu pewa efimbo tuu olo odo mu noku di popya.

MARKUS 7:33

Ndele Ye okwe mu kufa movanhu, a twa ominwe daye momatwi aye, a fiya omate, ndele ta kumu elaka laye.

LUKAS 12:12

osheshi Omhepo Iyapuki otai mu longo pefimbo olo eshi mu na oku shi popya.”

LUKAS 21:15

Osheshi Ame ohandi mu pe okanya nomaunongo taa nyenge ovakondjifi veni aveshe oku mu nyamukula ile oku mu twifa eemhata.

DEUTERONOMION 18:16

Naanaa ove ngaashi wa indila kOmwene Kalunga koye puHoreb, ove eshi wa tongele, efiku loshiongalele, to ti: Ame ihandi dulu okupwilikina vali ondaka yOmwene Kalunga kange, nokutala omundilo ou munene, ndi fye po!

DEUTERONOMION 18:17

Opo nee Omwene okwa lombwela nge: ‘Vo ova popya eendjovo da twa.

DEUTERONOMION 18:18

Omuxunganeki ngaashi ove Ame nda hala oku mu pendulila mokati kavakwao, ndele Ame handi ka tula eendjovo dange mokanya kaye, ndele Ye ote ke mu tongela adishe odo Ame ohandi mu lombwele.