JEREMIA 1:1 - Ombibeli Iyapuki

¹ Eendjovo daJeremia, omona waHilkia womovapristeli vokuAnatot, medu laBenjamin,

JEREMIA 1:1 ပူးပေါင်းရင်းမြစ်များ

1 EEHAMBA 2:26

Nohamba ya lombwela omupristeli Abjatar ndele tai ti: “Inda kepya loye lomuAnatot, osheshi ove we lilongela okufya. Ndelenee nena itandi ku dipaa, osheshi ove wa humbata oshikefa shOmwene Kalunga moipafi yatate David nosho wa humbata oudjuu aushe tate kwa li e nokuhumbata.”

1 OMAFIMBO 6:60

ndele mepata laBenjamin: Geba noulifilo washo, naAlemet noulifilo washo, naAnatot noulifilo washo. Oilando yayo pamapata avo ya li oilando omulongo naitatu.

2 OMAFIMBO 35:25

Ndele Jeremia okwa tota eimbilokemo omolwaJosia. Novaimbi aveshe ovalumenhu novakainhu hava imbi Josia momaimbilokemo avo fiyo onena eli, ndele ve shi ninga onghedimhango muIsrael. Ndele tala, osho osha shangelwa mOmaimbilokemo.

2 OMAFIMBO 36:12

Nokwa ninga osho inashi yuka momesho Omwene Kalunga kaye. Ndele ye ine lininipika koshipala shomuxunganeki Jeremia, ou e mu lombwela odo da dja mokanya kOmwene.

2 OMAFIMBO 36:21

Opo ondjovo yOmwene e i lombwela Jeremia, i wanifwe nokutya: “Fiyo oshilongo sha mona eshakenifo molwomashabata asho. Osha tulumukwa omafiku aeshe etokeko, opo omido omilongo heyali di wanifwe.”

ESRA 1:1

Ndele momudo wotete waKores, ohamba yaPersia opo ondjovo yOmwene e i lombwela Jeremia, i wanifwe Omwene okwa pendula omhepo yaKores, ohamba yaPersia, i shiivifile oshilongo shayo ashishe ndele ye shi shanga yo monhumwafo nokutya:

ESRA 2:23

ovalumenhu vokuAnatot efele nomilongo mbali navahetatu,

JESAJA 1:1

Emoniko laJesaja yaAmos, ye e li hololelelwa tali tongo Juda naJerusalem, opomafiku aUssia naJotam naAhas naHiskia, eehamba daJuda.

JESAJA 10:30

Kuwa onghuwo, oove okakadona kaGallim! Laisa, pwilikina! Woo oove, Anatot!

JESAJA 2:1

Ondjovo ei, ya monika kuJesaja yaAmos, tai popi Juda naJerusalem.

JEREMIA 11:21

Onghee hano Omwene ota popi ngaha ovalumenhu vomuAnatot ava hava nangele omwenyo woye, eshi hava ti: Ino xunganeka medina lOmwene, opo uha fye komake etu,

JEREMIA 29:27

Omolwashike ino hanyena omuxunganeki Jeremia, Omuanatot, ou te mu xunganekele?

JEREMIA 30:1

Jeremia okwa hangika kondjovo ya dja kOmwene ndele tai ti:

JEREMIA 37:12

Jeremia okwa li a hala okufiya po Jerusalem a ye koshilongo shaBenjamin, a ka tambule ko oshitukulwa shefyuululo lepata omokati kovanhu.

HESEKIEL 1:3

ondjovo yOmwene ye uya komupristeli Hesekiel, omona waBusi, medu lOvakaldea pomulonga waKebar. Neke lOmwene la kala kombada yaye.

DANIEL 9:2

momudo tuu winya wotete wepangelo laye, ame, Daniel, onda mona momishangwa, nokutya omuvalu womido wa shiivifilwa omuxunganeki Jeremia kondjovo yOmwene, nokutya Jerusalem tashi ka kala onduba yomakulukuma omido omilongo heyali.

AMOS 1:1

Eendjovo daAmos, umwe womovafita veedi vomuTekoa, e di uda, tadi popi Israel momafiku aUssia, ohamba yaJuda nomomafiku aJerobeam yaJoas, ohamba yaIsrael, omido mbali, ekakamo ledu fimbo inali fika.

AMOS 7:10

Opo Amasia, omupristeli womuBetel a shiivifila Jerobeam, ohamba yaIsrael, ta ti: “Amos okwe ku hangakena noku ku twifila ondubo meumbo laIsrael. Oshilongo itashi kala sha pama molweendjovo daye adishe.

MATEUS 16:14

Ndele ovo tava ti: “Vamwe otava ti: oJohannes Omushashi, vamwe oElia, vamwe oJeremia ile umwe womovaxunganeki.”

MATEUS 2:17

Osho ngaha pa wanifwe ondjovo yomuxunganeki Jeremia, ou ta ti:

MATEUS 27:9

Osho oda wanifwa odo da popiwa komuxunganeki Jeremia, ou ta ti: “Ovo va tambula oimaliwa omilongo nhatu, efuto lomulumenhu ou a yelekwa, ngaashi ve mu yeleka ponhele yovana vaIsrael;