JAKOB 5:3 - Ombibeli Iyapuki

³ oshingoldo noshisiliveli sheni osha ninga oilemo, noilemo yayo otai ningi ondobwedi yoku mu pa oushima ndele tai li ombelela yeni ngaashi omundilo. Omwe lindubalekela omaliko momafiku axuuninwa.

JAKOB 5:3 ပူးပေါင်းရင်းမြစ်များ

GENESIS 31:48

Opo nee Laban ta ti: “Onduba ei oyo ondobwedi pokati ketu naave.” Onghee ove i luka Galed.

GENESIS 31:52

Onduba ei yomamanya oyo ondobwedi, nedimbulukifomanya olo ondobwedi nokutya, ame itandi ke uya kwoove nokutauluka onduba ei, naave ito uya kwaame nokutauluka onduba ei nedimbulukifomanya nomauko mai.

GENESIS 49:1

Opo nee Jakob okwa ifana ovana vaye ovamati ndele ta ti: “Ileni, liongeleni, opo ndi shiive oku mu shiivifila eshi tashi mu hange pexulilo lomafiku:

JOB 16:8

Ove wa kwata nge. Okukwata nge kwoye kwa ninga ondobwedi tai pe nge oushima. Noudu wange tau twile nge ondubo, tau hokololifa nge moipafi.

JESAJA 2:2

Pomaxulilo omafiku omhunda yongulu yOmwene otai ka kala ya pamenena, koxulo yeemhunda adishe, ndele otaku tondokele oiwana aishe.

JEREMIA 19:9

Ndele Ame ohandi ke va fininika va lye ombelela yovana vavo ovamati noukadona, notava ka lya ombelela yamukwao nomukwao mefininiko nomoudjuu tava fininikwa kovatondadi vavo, ovo tava kongo eemwenyo davo.

MIKA 3:3

ava tava li ombelela yoshiwana shange ndele tava yuvu ko oshipa shasho. Tava nyanyaula omakipa asho, ndele tava shashaula nokuteta ngaashi ombelela yomombiya nongaashi ombelela yomokapana.

MIKA 4:1

Ndele pexulilo lomafiku, omhunda yotembeli yOmwene otai ka kala ya pamenena koxulo yeemhunda, ndele tai lepala i dule oikulundudu aishe. Ndele oko taku ka tondokela oiwana.

OILONGA YOVAYAPOSTOLI 2:17

‘Omomafiku axuuninwa otaku ningwa, Kalunga osho ta ti: Ame ohandi tilile kombada yombelela aishe Omhepo yange, novana veni ovamati novana veni oukadona otava xunganeke, novanyasha veni tava ka mona omamoniko, novaxungu veni otava ka twa eendjodi.

OVAROMA 2:5

Ndelenee melikukutiko loye nomokuhelidilulula kwomutima woye, oto lihapupalifile ehandu mefiku lehandu noleholoko liyuki laKalunga,

2 TIMOTEUS 2:17

ndele eendjovo davo otadi ka tandavela muvo ngaashi oudu wombulwa, vamwe vomuvo Himeneus naFiletus,

JOSUA 24:27

Opo nee Josua okwa lombwela ovanhu aveshe ta ti: “Taleni, emanya eli tali ka ninga ondobwedi yetu, osheshi lo ola uda eendjovo adishe dOmwene, Ye e di popya nafye. Ndele lo otali ka kala ondobwedi kunye, opo muhe lidimbike Kalunga keni.”

2 PETRUS 3:3

Ndele kaleni mu shi shii tetetete nokutya, momafiku axuuninwa otamu ka holoka ovasheki tava shekaula, vo otava endifwa kouhalu wavo vene,

EHOLOLO 17:16

Neembinga odo omulongo we di mona, noshilyani, ovo tava ka tonda ombwada ndele tave i dula, tai kala hamunghele ndele tava li ombelela yayo, ndele tave i xwike momundilo.

EHOLOLO 20:15

Keshe tuu ou ina hangika a shangwa membo lomwenyo, oye okwa ekelwa mefuta lomundilo.

EHOLOLO 21:8

Ndelenee ovambadanhu naava vehe na eitavelo novalinyateki novadipai novahaeli novakomeni voudiyo novafimaneki voikalunga novanaipupulu aveshe, oshipewa shavo otashi kala mombwili ya xwama omundilo nosulfuri, olo efyo etivali.”