JAKOB 5:11 - Ombibeli Iyapuki

¹¹ Taleni, ovo ve lididimika, ohatu va tale ovanelao. Elididimiko laJob olo mwe li uda, nomwa mona exulilo e li pewa kOmwene, osheshi Omwene Oye omunalukeno nomunamutimanghenda.

JAKOB 5:11 ပူးပေါင်းရင်းမြစ်များ

1 OMAFIMBO 21:13

Opo nee David ta ti kuGad: “Ndi udite oudjuu unene! Nandi wile meke lOmwene, osheshi olune laye olinene, ndelenee inandi hala okuwila momake ovanhu.”

2 OMAFIMBO 30:9

Osheshi ngeenge nye tamu aluka kOmwene, ovamwanyoko novana veni tava ka filwa onghenda kwaava ve va twala ko eenghwate, vo va shiive okwaaluka moshilongo eshi. Osheshi Omwene Kalunga keni Ye e nolune nonghenda, ndele ita ka pungulula oshipala shaye kunye, nye ngeenge tamu aluka kuye.”

NEHEMIA 9:17

heeno, va anya okudulika noinava dimbulukwa oikumwifalonga yoye, oyo we i va longela mokati kavo. Ndelenee va kukutika eefingo davo ndele moku ku twila ondubo ve lihoololela omukulunhu va shune moupika muEgipiti. Ndelenee Ove Kalunga ho dimi po omatimba, u nonghenda nolune, u nonheni ndele Oove omunene mouwanghenda: Ove wa li ino va ekelashi.

NEHEMIA 9:31

Ndelenee omolwefilonghenda loye linene Ove ino va mana po sheke ndele ino va efa, osheshi Oove Kalunga u nefilonghenda nonghenda.

JOB 1:1

Moshilongo shaUs mwa li mu nomulumenhu edina laye Job. Nomulumenhu ou kwa li ehe noshipo nomuyuki ta tila Kalunga ndele ta kukuma owii.

JOB 1:2

Nokwa dalelwa ovana vaheyali ovamati novana vatatu oukadona.

JOB 2:10

Ndelenee ye te mu nyamukula: “Ove to popi ngaashi elai tali popi! Fye ohatu tambula ouwa kuKalunga, nowii ngeno tuhe u tambule?” Pwaaishe oyo Job ina nyona sha nomilungu daye.

JOB 23:10

Osheshi okweenda kwange kwa shiivika kuye. Ngeno Ye ta konakona nge ngeno handi monika nda yela ngaashi oshingoldo.

OMAPSALOME 103:13

ngaashi xe ta file ounona vaye onghenda, Omwene osho ha file onghenda ava have mu tila.

OMAPSALOME 103:8

Omwene Oye omunefilonghenda nomunanghenda, oku yadi onheni nouwanghenda munene.

OMAPSALOME 116:5

Omwene Oye omunanghenda nomuyuki, ndele Kalunga ketu Ye omunalukeno.

OMAPSALOME 119:132

Liameka kwaame u file nge onghenda, ngaashi sha fewela ava, ve hole edina loye.

OMAPSALOME 145:8

Omwene oku na onghenda nolukeno, oha tale onheni noku yadi ouwanghenda.

OMAPSALOME 37:37

Lilonga komuhaya, tala kovayuki, osheshi efimbo lokomesho tali ka kala lomulumenhu omunambili.

OMAPSALOME 51:1

Akutu, Kalunga, file nge onghenda molwouwanghenda woye. Molwefilonghenda loye linene dima po omatimba ange.

OMAPSALOME 78:38

Ndelenee Ye okwa kala omunalukeno, nowii wavo e u kufa po, nokwa polifa luhapu ehandu laye melididimiko, Ye ina pendula onya yaye aishe;

OMAPSALOME 86:15

Ndelenee Omwene, Oove omunalukeno omunanghenda, nomunanheni, omunene mouwanghenda nomoshili.

OMAPSALOME 86:5

Osheshi Omwene, Ove u nonghedi iwa, u yadi ekufilo, Ove u nolukeno naava have ku ifana.

OMAPSALOME 94:12

Omulumenhu omunelao ou ta pukululwa kwoove, Omwene, noto mu longo eendunge momhango yoye,

EXODUS 34:6

Ndele Omwene eshi a enda puye okwa ingida ta ti: “Omwene Kalunga omunefilonghenda, Kalunga omunanghenda, omunanheni, nomunene mouwanghenda nomoudiinini,

OMUUDIFI 7:8

Exulilo loshinima li dule ehovelo lasho. Omutalanheni e dule omulinenepeki.

JESAJA 63:7

Ame nda hala okuudifa omauwanghenda Omwene, oilongatumbalo yOmwene, aishe ei Omwene e tu ningila, nouwa waye muhapu keumbo laIsrael, ouwa ou e tu hololela pafilonghenda laye, nopaunene womauwanghenda aye.

JESAJA 63:9

Momaluhepo avo aeshe okwe va nyikila oluhodi nomweengeli wokoshipala shaye okwe va xupifa. Okwe va kulila molwohole yaye nomolwolukeno laye. Ndele okwe va toola nokwe va humbata momafiku enya aeshe onale.

OMAIMBILOKEMO 3:22

molwouwanghenda wOmwene fye inatu kombwa po sheke, osheshi omafilonghenda aye kaena apa taa xulu po;

DANIEL 9:9

Omwene Kalunga ketu Ye oku nefilonghenda nedimepo lomatimba, osheshi fye otwa twa ondubo naye,

JOEL 2:13

Pombauleni omitima deni, haoikutu yeni, nye mu alukile kOmwene Kalunga keni. Osheshi Ye omunefilonghenda nomunanghenda nomunanheni nomunene mouwanghenda, ndele iha kalele okuhandukuluka.”

JONA 4:2

Opo ye a ilikana Kalunga ndele ta ti: “Akutu Omwene! Hasho nda diladila, fimbo nda li moshilongo shetu? Onghee hano nda li nda hala okuya onhapo kuTarsis. Osheshi ondi shi shii, Oove Kalunga omunanghenda nomunalukeno nomutalanheni, nouwanghenda woye munene, ndele Ove ou ku kwete okulialuluka.

MIKA 7:18

Olyelye ou e ku fa, Kalunga, ho dimi po owii, ndele to koya po omatauluko oshixupe shefyuululo loye? Ye ita handuka fiyo alushe, ndelenee Ye a hokwa ouwanghenda.

NUMERI 14:18

‘Omwene Ye omutalanheni, omunene mouwanghenda, ou ta dimi po oilonga ii nomatauluko, ndele ita efa ina handukila, Ye ou ta kongolola po omanyonauno ooxe fiyo oludalo olutitatu nolutine.’

MATEUS 10:22

Ndele edina lange otamu ke li tondelwa kwaaveshe; ndele ou te lididimike fiyo okexulilo, oye ta xupifwa.

LUKAS 1:50

nefilonghenda laye otali kala koludalo nokomaludalo, okwaava have mu tila.

LUKAS 11:10

Osheshi keshe tuu ou ta indile, ota pewa, nakeshe tuu ou ta kongo, ota mono, naau ta konghola, ota yeululwa.

LUKAS 6:36

Kaleni mu nonghenda, ngaashi Xo yeni e nonghenda.

OVAROMA 2:4

Ile oto dini ouyadi wouwa nowonheni nowomutima mule waye, ndele ove ino shiiva ouwa waKalunga tau ku shilile kelidilululo?

OVAEFESO 1:6

okupandulifa efimano longhenda yaye e i tu pa mOmuholike.

OVAEFESO 2:4

Ndelenee Kalunga ou a yada efilonghenda omolwohole yaye inene a kala e tu hole,

OVAHEBERI 10:39

Ndelenee fye katu shi ovashunimonima voku ka kana, ndelenee ofye hatu itavele, eemwenyo detu di xupifwe.

OVAHEBERI 3:14

Osheshi fye otwa ningwa ovakwao vaKristus, shamha tuu hatu diinine elineekelo letu fiyo okexulilo ngaashi pehovelo.

OVAHEBERI 3:6

ndelenee Kristus ngaashi Omona meumbo laye. Neumbo laye ofye, ngeenge hatu diinine shili eyombamo nelitango leteelelo fiyo okexulilo.

JAKOB 1:12

Omulumenhu omunelao oye ou te lididimikile eshindo, osheshi ngee a ningi omuduli walo, ota ka pewa oshishani shomwenyo, ou Omwene a udanekela ava ve mu hole.

JAKOB 1:2

Ovamwatate, hafeni shili, ngeenge tamu hangika komahongaulo opahapu,

1 PETRUS 1:13

Onghee hano mangeni oiya yomadiladilo eni nokulidilika; lineekeleni shili efilonghenda olo tamu ke li pewa peholoko laJesus Kristus.

1 PETRUS 3:14

Ndele nande omu hepekelwe ouyuki, onye ovanelao. Inamu tila etilifo lavo, nye inamu haluka,

2 PETRUS 2:9

Osho ngaha Omwene e shii okuxupifa ovayuki momahongaulo nokukwatelela ovalunde va ka handukilwe efiku letokolo,