JAKOB 5:10 - Ombibeli Iyapuki

¹⁰ Ovamwatate, hopaeleleni ovaxunganeki ovo va popya medina lOmwene mokuhumbata oudjuu nomokulididimika.

JAKOB 5:10 ပူးပေါင်းရင်းမြစ်များ

2 OMAFIMBO 36:16

Ndelenee va yola ovatumwa vaKalunga, ndele va dina eendjovo daye, ndele va sheka ovaxunganeki vaye, fiyo oupyuhandu wOmwene wa xwamena ovanhu vaye ndele inapa monika vali eveluko.

JESAJA 39:8

Opo nee Hiskia okwa lombwela Jesaja, ndele ta ti: “Ondjovo yOmwene we i tonga oya wapala.” Ndele ye okwa tya vali: Momafiku ange otapa ka kala ombili, pehe na oumbada nokuli.

JEREMIA 2:30

Ovana veni ovamati onde va dengela epwanga, osheshi inava dulika komakumaido ange. Omaongamukonda eni okwa lya ovaxunganeki ngaashi onghoshi tai li.

JEREMIA 23:22

Ndelenee ngeno ova li po peenghundafana detu, ngeno va udifila ovanhu vange eendjovo dange nove va alula keendjila davo dii nokowii woilonga yavo.

JEREMIA 26:16

Opo nee ovakulunhu novanhu aveshe ova lombwela ovapristeli novaxunganeki ndele tava ti: Omulumenhu ou ke netimba lokufya. Osheshi ye okwe tu lombwela medina lOmwene Kalunga ketu.

LUKAS 13:34

“Jerusalem, Jerusalem, ove ou ho dipaa ovaxunganeki noho dipaa nomamanya ovo we va tuminwa, lungapi nda li nda hala okwoongela ovamwoye, ngaashi oxuxwa hai ongele ouxuxwena momavava ayo, ndele nye inamu hala.

LUKAS 6:23

Hafeni efiku olo nye mu nhuke nokunyakukwa pombada, osheshi ondjabi yeni oinene meulu, osheshi osho ngaha ooxe va ningila ovaxunganeki.

OILONGA YOVAYAPOSTOLI 3:21

Oye ou eulu la li li noku mu tambululula noku mu kwatela mo fiyo omafimbo enya, oinima aishe tai shunwa ponhele yayo, ngaashi Kalunga e shi popifa nale omakanya ovaxunganeki vaye ovayapuki.

OILONGA YOVAYAPOSTOLI 7:52

Olyelye ou womovaxunganeki ooxo inave mu tonda? Ovo tuu va dipaa ava va xunganeka okuuya kwOmuyuki ou, nopaife nye mwa ninga ovakengeleli novadipai vaye.

OVAHEBERI 13:7

Dimbulukweni ovakwatelikomesho veni ava ve mu udifila eendjovo daKalunga; taleni exulilo leengeda davo na shikuleni eitavelo lavo.

JAKOB 4:11

Ovamwatate, inamu ambafana. Ou ta ambe mukwao ile ta tokola mukwao, ota ambe omhango ndele ta tokola omhango; ndelenee ngeenge to tokola omhango, opo nee ove ku fi omuwanifi womhango, ndelenee omutokoli wayo.

JAKOB 5:13

Mokati keni ngeenge ope na ou e noudjuu, na ilikane, naau e nehafo, na imbe epandulo.

JAKOB 5:7

Onghee hano ovamwatate nye, kaleni nokulididimika fiyo Omwene ota aluka. Taleni, omunepya oha teelele oiimati iwa yedu ndele he li lididimikile fiyo ta pewa odula yonhemuna noyokomusheko.

JAKOB 5:9

Ovamwatate, inamu ngongotelafana, muha tokolwe; taleni, omutokoli oku li ofika ponhu.