JAKOB 4:9 - Ombibeli Iyapuki

⁹ Shiiveni oluhepo leni, nyikeni oluhodi nokulila; okuyola kweni naku shituke oluhodi, nehafo leni nali shituke oufiye.

JAKOB 4:9 ပူးပေါင်းရင်းမြစ်များ

NEHEMIA 8:9

Opo nee omupangeli Nehemia naEsra omupristeli nomunongo womishangwa nOvalevi ovo va longa oshiwana nokulombwela oshiwana ashishe tava ti: “Efiku eli ola yapulilwa Omwene Kalunga keni. Inamu nyika oluhodi nye inamu lila!” Osheshi oshiwana ashishe sha lila, eshi sha uda eendjovo domhango.

JOB 30:31

Osho ngaha hano okushika okaxumbafeta kange kwa shituka okulila eefya, nondaka yepoli lange ya shituka omutambo.

OMAPSALOME 119:136

Omahodi otaa kunguluka momesho ange, shaashi omhango yoye ihave i yavala.

OMAPSALOME 119:67

Fimbo nda li inandi ninipikwa, onda puka; ndele paife ohandi diinine ondaka yoye.

OMAPSALOME 119:71

Onawa nee, eshi nda ninipikwa, opo ndi lilonge eenghedimhango doye.

OMAYELETUMBULO 14:13

Mokuyola yo omutima tau dulu okuyehama, nexulilo lehafo lao olo oluhodi.

OMUUDIFI 2:2

Nda lombwela oindjola, oyo oulai. Nehafo nde lilombwela: Otashi kwafa shike?

JEREMIA 31:13

Mefiku olo okakadona taka nyakukwa nokutanha, nosho yo ovamati novakulunhu pamwe. Noluhodi lavo ohandi ke li shitukifa nohandi va hekeleke nohandi va hafifa ehafo konima yoluhodi lavo.

JEREMIA 31:9

Otava aluka nokulila. Ndele Ame handi va endifa, eshi hava ende nokwiilikana. Ohandi va twala komakungulukilo omeva nondjila oyo ya yelakana, itava punduka nande. Osheshi Aame Xe yaIsrael, naEfraim oye oshiveli shange.

OMAIMBILOKEMO 5:15

Enyaku lomitima detu kali po, okudana oudano wetu kwa shituka oluhodi.

HESEKIEL 16:63

opo ove u shiive okudimbulukwa nokufya ohoni ndele ito makula vali okanya koye omolwohoni, Ame ngeenge handi ku longele ekwatakanifo omolwaaishe ei we i ningile, Omwene Kalunga ta ti.”

HESEKIEL 7:16

Ngeenge ku na vamwe vavo tava xupu, ndele tava i onhapo, otava ka kala keemhunda ngaashi eenghuti domomalufilu, ava aveshe tava keme, keshe umwe ta kemene oulunde waye.

MATEUS 21:41

Ovo va tya kuye: “Ovakolokoshi ovo ote va nyonauna po nai nepya lomiviinyu ote li pe ovalongi vamwe, ovo tave mu pe oiimati opefimbo tuu layo.”

MATEUS 5:4

“Ovanelao ovo va nyika oluhodi, osheshi ovo tava ka hekelekwa.

LUKAS 16:25

Ndelenee Abraham okwa tya: ‘Omona wange, dimbulukwa, ove owa pelwe ouwa woye fimbo wa li u nomwenyo ndele Lasarus owii, hano paife eshi ye ota hekelekwa omu, ndele ove to yehamekwa.

LUKAS 6:21

“Ovanelao nye ovo mwa fya ondjala paife, osheshi nye otamu ka kutifwa. Ovanelao nye ava tamu lili paife, osheshi otamu ka yola.

LUKAS 6:25

“Woo nye, ava mu nekuta paife, osheshi tamu ka fya ondjala. “Woo nye, tamu yolo, osheshi otamu ka nyika oluhodi nokulila.