JAKOB 4:8 - Ombibeli Iyapuki

⁸ Eheneni kuKalunga, opo nee Ye ta ehene kunye. Yelifeni omake eni, nye ovalunde, yelifeni omitima deni, nye ovanamitimambali.

JAKOB 4:8 ပူးပေါင်းရင်းမြစ်များ

GENESIS 18:23

Ndele Abraham okwa ehena ndele ta ti: “Ove oto ka nyonauna po ovayuki pamwe novahenakalunga?

1 OMAFIMBO 28:9

Ndele ove, omumwange Salomo, Kalunga kooxo, kala u mu shii, noku mu longela nomutima aushe nomwenyo u nehalo liwa, osheshi Omwene ta panapana omitima adishe nediladilo keshe lomomwenyo ye e li shii. Ove ngeenge to mu kongo, oto ke mu mona. Ndelenee ngeenge to mu liteeka, Ye ote ku ekeleshi fiyo alushe.

2 OMAFIMBO 15:2

nokwa fikama a ka shakeneke Asa ndele ta ti kuye: “Pwilikinei nge, Asa nOvajuda nOvabenjamin aveshe! Omwene ota kala pamwe nanye, ngeenge tamu kala pamwe naye, ndele ngeenge tamu mu kongo, otamu ke mu mona. Ndelenee ngeenge tamu mu efa, naye yo ote ke mu efa.

JOB 16:17

momake ange nande muhe noukolokoshi neilikano lange ola yela.

JOB 17:9

Ndelenee omuyuki ota diinine ondjila yaye, naau e nomake a yela, ota kulu meenghono.

JOB 9:30

Nande ndi likoshe noshitwime, ndele ndi yelife omake ange nofewa,

OMAPSALOME 119:113

Ava vomitima mbali ohandi va tondo, ndele omhango yoye ondi i hole.

OMAPSALOME 145:18

Omwene oku li popepi naaveshe, have mu ifana, aveshe ava have mu ifana moshili.

OMAPSALOME 18:20

Omwene okwa pa nge pauyuki wange ndele ta punike nge paukoshoki womutima wange.

OMAPSALOME 24:4

Oyou e nomake inaa nyata owii, noku na omutima wa yela, noiha ameke nande omwenyo waye koungaho, noiha fufya mokwaana kwaye.

OMAPSALOME 26:6

Omake ange ohandi a kosho ehe na mbudi, nonda hala okudingilila oaltari yoye, Omwene,

OMAPSALOME 51:10

Kalunga, shitile nge omutima wa yela, nomeni lange tula mo omhepo ipe i neenghono.

OMAPSALOME 73:13

Akutu, inashi kwafa sha nande, eshi nda lungamena oukoshoki womutima wange, naashi nda kosha omake ange mouyuki.

OMAPSALOME 73:28

Ndelenee okukala popepi naKalunga, osho elao lange; elineekelo lange onde li tula mOmwene Kalunga, opo ndi hepaulule oinenelonga yoye aishe.

JESAJA 13:15

Keshe umwe ta hangika ota tyulwa nakeshe ou ta kwatwa ota fi keongamukonda.

JESAJA 29:13

Ndele Omwene okwa tya: “Osheshi ovanhu ava otava ehene kwaame nomakanya avo, ndele tava fimaneke nge nomilungu davo, ndele eemwenyo davo ove di kaleka kokule naame, netilokalunga lavo oshipango shongaho ve shi longwa kovanhu,

JESAJA 58:2

Vo otava pula nge keshe efiku vati nova hala ounongo weendjila dange! Ngaashi oshiwana tashi wanifa ouyuki noitashi efa eufo laKalunga kasho. Ohava pula nge omatokolo mayuki, va hala okweehena kuKalunga.

JEREMIA 4:11

Mefimbo tuu olo oshiwana eshi nOvajerusalem otava ka lombwelwa: koikulundudu yomamanya yomombuwa otaku di omhepo ipyu ya yukilila komona okakadona koshiwana shange, yo ihe fi yokupepelifa noyokuyelifa oilya.

JEREMIA 4:14

Feta po owii wokomutima woye, ove u yele, Jerusalem, opo u shiive okuxupifwa. Fiyo onaini omadiladilo oulunde taa hondama monhulo yoye?

OMAIMBILOKEMO 3:57

Ove wa ehena popepi mefiku olo ame nde ku ifana, ndele wa tile: ‘Ino kala wa tila!’

HESEKIEL 18:31

Ekeleishi omatauluko eni aeshe aa mwa tauluka, ndele liningileni omutima mupe nomhepo ipe. Osheshi omolwashike mwa hala okufya, onye eumbo laIsrael?

SAKARIA 1:3

Osho hano u noku va lombwela ngaha: ‘Omwene womatanga ovakwaita ta ti ngaha: Alukileni kwaame, Omwene womatanga ovakwaita osho ta ti, opo nee naame ohandi mu alukile, Omwene womatanga ovakwaita ota ti.’

MALAKIA 3:7

Okudja komafiku ooxo nye mwa efa eemhango dange, ndele inamu di diinina. Alukileni kwaame, opo Ame nda hala okwaalukila kunye, Omwene womatanga ovakwaita ta ti. Ndelenee nye tamu pula: Mushike tu nokwaaluka?

MATEUS 12:33

“Ningeni omuti muwa, noiimati yao oiwa, ile mu ninge omuti mwii, noiimati oii; osheshi omuti ohau shiivika koiimati yao.

MATEUS 15:2

“Ovalongwa voye oshike hava nyono eenghulunghedi dovakulunhu? Osheshi vo ihava kosho omake avo ngeenge tava li omungome.”

MATEUS 27:24

Ndele Pilatus eshi a mona ehe na eshi ta dulu, ndele epiyaano ola ninga linene, okwa kufa omeva ndele okwe likosha komake aye moipafi yongudu ndele ta ti: “Ame nghi netimba lohonde yomulumenhu ou omuyuki. Litaleni nye vene.”

OILONGA YOVAYAPOSTOLI 15:9

Ndele Ye ina ninga nande etongolo pokati ketu navo, eshi a yelifa omitima davo neitavelo.

2 OVAKORINTO 7:1

Eshi tu na hano omaudaneko e fike apa, ovaholike, tu likosheni kedilo keshe naali lombelela naali lomhepo, fye tu wanifeni eyapulo mokutila Kalunga.

1 TIMOTEUS 2:8

Hano onda hala ovalumenhu va ilikane apeshe va yelula omaoko mayapuki vehe nehandu novehe neenhamanana.

OVAHEBERI 10:22

tu eheneni hano tu nomutima wa yuka notu neitavelo la pama, twa shaminwa momitima da kufwa omaliudo mai, nokolutu twa koshwa nomeva mayela.

OVAHEBERI 7:19

ngaashi omhango inai dula okufikifa sha kewano; ndelenee ponhele yayo tapa tulwa eteelelo liwa li dule linya, mulo hatu ehene kuKalunga.

JAKOB 1:8

omulumenhu womitima mbali nomutengauki meendjila daye adishe.

JAKOB 3:17

Ndelenee ounongo ou hau di kombada, tete owa yela nopo nee u nombili nou nolukeno nowiitaveleli nou yadi onghenda noiimati iwa; kau nomalimbililo ile oihelele.

1 PETRUS 1:22

Mokudulika koshili eshi mwa yelifa eemwenyo deni kOmhepo okokuhola ovamwatate nohole ihe noihelele, mu nokuholafana nohole ya xwama komutima wa yela,

1 PETRUS 3:21

Pafaneko eli paife nanye yo otamu xupifwa komeva, okeshasho, lo kali fi ekufepo lonyata yombelela, ndelenee okwiindila kuKalunga eliudo liwa omolwenyumuko laJesus Kristus.

1 JOHANNES 3:3

Ndele keshe tuu ou e nelineekelo eli oku mu lineekela ote liyelifa, ongaashi Ye a yela.

1 SAMUEL 14:35

Ndele Saul okwa tungila Omwene oaltari. Oyo oaltari yotete ye a tungila Omwene.