JAKOB 4:3 - Ombibeli Iyapuki

³ Nande hamu indile, ihamu mono sha, shaashi ohamu indile nai, mu i longife mouhalu weni.

JAKOB 4:3 ပူးပေါင်းရင်းမြစ်များ

1 EEHAMBA 3:11

Ndele Kalunga okwe mu lombwela: “Ove eshi wa indila osho, ndele ino indila omwenyo mule ndele ino liindilila oupuna ile eemwenyo dovatondadi voye, ndelenee we liindilila eendunge u shiive okutokola eendjovo doihokolola,

JOB 35:12

Opo nee otava ingida, ndelenee Ye ita nyamukula omolwelinenepeko lovanawii.

OMAPSALOME 18:41

Ova kuwile onghuwo, ndelenee kai tondokelwe komuxupifi; ova ifana Omwene, ndele ine va nyamukula.

OMAYELETUMBULO 1:28

Opo nee tava ka ifana nge, ndelenee itandi ka nyamukula. Vo otava ka konga nge, ndelenee itava mono nge.

OMAYELETUMBULO 15:8

Eyambo lomuhenakalunga olo oixuna koshipala shOmwene, ndelenee eindilo lomuyuki Ye te li hokwa.

OMAYELETUMBULO 21:13

Ou ta fitikile onghuwo yohepele okutwi kwaye, oye mwene yo ota ka kuwa onghuwo, ndele ita ka mona epopilo.

OMAYELETUMBULO 21:27

Eyambo lomuhenakalunga olo oixuna. Unene ngahelipi ngeenge tali etwa molwoshilonga oshififahoni!

JEREMIA 11:11

Onghee hano Omwene ota ti ngaha: ‘Tala, Ame ohandi va etele oshiponga tashi va nyenge okulixupifa mo. Nongeenge tava ifana nge, itandi va udu.

JEREMIA 11:14

Ndele ove ino ilikanena ovanhu ava, u twale ondaka yoye pombada oku va popila nomailikaneno, osheshi Ame itandi va udu, ngeenge tava kuwile nge ekwafo omolwoshiponga shavo.

JEREMIA 14:12

Nande hava kala nokulidilika, itandi udu onghuwo yavo nonande have yambe omaxwikiloyambo neendjayambo, Ame itandi va hokwa ndelenee Ame ohandi va mane po neongamukonda nondjala noudu wolutapo.”

MIKA 3:4

Opo nee vo otava ka kuwila Omwene, ndelenee Ye ite ke va nyamukula. Ndelenee Ye ote ke va holeka oshipala shaye mefimbo tuu olo, molwaashi vo ova ninga eshi inashi yuka.

SAKARIA 7:13

Onghee hano ngaashi ye e va ifana, ndele vo inava uda ko, osho yo otava ka ifana, ndele itandi ka uda ko, Omwene womatanga ovakwaita ta ti.

MATEUS 20:22

Ndelenee Jesus okwe mu nyamukula ndele ta ti: “Onye kamu shi shii eshi mwa hala. Otamu dulu tuu okunwa eholo olo handi ke li nwa?” Ovo va tya kuye: “Ohatu shi dulu.”

MARKUS 10:38

Ndele Jesus okwa tya kuvo: “Kamu shi shii eshi tamu shi indile. Otamu dulu tuu okunwa eholo linya ndi noku ke li nwa, ile okushashwa neshasho linya ndi noku ke li shashwa?”

LUKAS 11:10

Osheshi keshe tuu ou ta indile, ota pewa, nakeshe tuu ou ta kongo, ota mono, naau ta konghola, ota yeululwa.

LUKAS 15:13

Ndele inapa pita nee omafiku mahapu, omona ou munini okwa ongela oinima yaye aishe, ndele okwa ya koshilongo shokokule, ndele okwa hanaunina ko emona laye nokukala moulunde.

LUKAS 15:30

Ndelenee omona woye oo a manena po emona loye meembwada, eshi e uya, ove owe mu tomena onhana inya ya ondoka.’

JAKOB 4:1

Omalwoodi nomashilafano mokati keni otaa di peni? Hamouhalu weni ou hau kondjo moinhimbu yeni?

1 JOHANNES 3:22

nakeshe tuu eshi hatu shi indile, ohatu shi pewa kuye, osheshi fye ohatu diinine oipango yaye nohatu longo eshi hashi mu wapalele.

1 JOHANNES 5:14

Hano elineekelo eli letu tu li na muye oleli: ngeenge hatu mu indile sha pahalo laye, ote tu udu.