JAKOB 4:10 - Ombibeli Iyapuki

¹⁰ Lininipikeni koshipala shOmwene, ndele Ye ote mu nenepeke.

JAKOB 4:10 ပူးပေါင်းရင်းမြစ်များ

2 OMAFIMBO 7:14

ndele ovanhu vange, ava va lukilwa edina lange, otave lininipike ndele tava indile ndele tava kongo oshipala shange ndele tave lialuluka keendjila davo dii, Ame ohandi ka uda meulu nokudima po omatimba avo nokuvelula oshilongo shavo.

JOB 22:29

Ondjila ngee tai filukile to ti: ‘Okulonda!’ Nomulininipiki ote mu kwafa.

JOB 5:11

opo a nenepekife ovaxupi; ndele ava ve noluhodi va mone elao linene!

OMAPSALOME 113:7

Ohepele ote i tumbu mo mondwi yedu, nomufyoona ote mu toola mo monyata,

OMAPSALOME 147:6

Ovakwanaluhepo, Omwene ote va pamekele ofika, ndelenee eembudi ote di pundulile poshi.

OMAPSALOME 27:6

Osho hano omutwe wange otau ka lunda dovatondi vange ava va dingilila nge; ame nda hala okuyamba omayambo ekuwililo mongulu yaye, nda hala okwiimbila Omwene noku mu hambelela.

OMAPSALOME 28:9

Xupifa oshiwana shoye, nangeka noupuna oshitukulwafyuululwa shoye; va lifa noku va humbata fiyo alushe.

OMAPSALOME 30:1

Omwene, nda hala ndi ku fimaneke pombada, osheshi Ove wa shila nge movayelani vange, noino va pa omhito, va hafele nge.

EXODUS 10:3

Opo nee Moses naAron ova ya kuFarao ndele tave mu lombwele: “Omwene Kalunga kOvaheberi osho ta ti: ‘Fiyo onaini ove to anye okulininipika koshipala shange? Lekela ovanhu vange, va shiive okulongela nge.

OMAYELETUMBULO 29:23

Elinenepeko lomunhu tali mu xutula, ndelenee ou e nomhepo i nelininipiko, ota ka fimanekwa.

HESEKIEL 21:26

Omwene Kalunga ta ti ngaha: Embale loulenga nali dje ko! Oshikoroni nashi dje ko! Eshi itashi kala vali ngaha. Eshi sha xutuka nashi ye pombada, nashi shopombada nashi ye poshi!

MATEUS 23:12

Ndele ou te linenepeke, oye ta ninipikwa, naau te lininipike, ye ota nenepekwa.”

LUKAS 1:52

Ovapangeli okwe va undula ko komalukalwa ndele okwa nenepekifa ovaxupi.

LUKAS 14:11

Osheshi keshe ou te linenepeke ota ninipikwa, naau te lininipike ota ka nenepekwa.”

LUKAS 18:14

Ohandi mu lombwele: ou a shuna keumbo omuyuki, e dule winya, osheshi ou te linenepeke ota ninipikwa, ndele ou te lininipike ota nenepekwa.”

1 PETRUS 5:6

Lininipikeni hano koshi yeke li neenghono laKalunga, opo e mu nenepeke pefimbo la wapala.

1 SAMUEL 2:7

Omwene ta tokeke omunhu, ndele te mu punike. Ye ota ninipike, ndele Ye ta nenepeke yo.

1 SAMUEL 2:9

Eemhadi dovayuki vaye ote di amene, ndelenee ovahenakalunga tava kana momilaulu. Osheshi omunhu ita dulu sha neenghono daye mwene.