JAKOB 3:5 - Ombibeli Iyapuki

⁵ Osho yo tuu elaka olo oshinhimbu shinini ndele ohali litangele oinenenima. Taleni nhumbi ohandje hai xwike ofuka inene!

JAKOB 3:5 ပူးပေါင်းရင်းမြစ်များ

JOB 22:17

ovo va lombwela Kalunga: ‘Kala kokule nafye!’ Navali: ‘Omunaenghono adishe ta dulu oku tu ningila shike?’

OMAPSALOME 10:3

Osheshi omukehenakalunga ote litadele oiningwa yokahalu kaye; ndele omunalwisho ta sheke Omwene.

OMAPSALOME 17:10

Omitima davo dihe na eudito ve di idila po nomakanya avo taa popi nelitumbaleko.

OMAPSALOME 39:1

Onda li nda tya: “Onda hala okulungamena okweenda kwange, ndiha nyone nelaka lange; onda hala okuyukifa okanya kange noshitomo, omuhenakalunga fimbo e li komesho yange.”

EXODUS 15:9

Omutondadi okwa tile: ‘Ame ohandi ka shikula nokukwata, nokutukula oixuulwa, olwisho lange tali ka kutifwa muvo; ame ohandi ka pweya mo eongamukonda lange, eke lange tali ke va halakanifa po.’

EXODUS 5:2

Ndelenee Farao ta nyamukula: “Omwene olyelye, ame ndi pwilikine ondaka yaye ndi lekele Israel? Omwene ou kandi mu shii noitandi ka lekela Israel a dje mo.”

OMAYELETUMBULO 12:18

Omunhu ta tu neendjovo ngaashi eongamukonda, ndelenee elaka lovanaendunge tali velula.

OMAYELETUMBULO 15:2

Elaka lovanongo tali hepaulula eshiivo loshili, ndelenee okanya kovashima taka fuluka oulai.

OMAYELETUMBULO 18:21

Elaka li nepangelo lefyo nolomwenyo. Ava ve li hokwa, tava ka lya oiimati yalo.

OMAYELETUMBULO 26:20

Ngeenge kape noikuni, omundilo tau dimi po, nongeenge pehe nomulundili, eemhata tadi xulu po.

JEREMIA 18:18

Ndelenee vo ova tya: “Ileni tu ka hangakeneni Jeremia. Osheshi elongo itali xulu komupristeli nomayele kovanaendunge nondjovo kovaxunganeki. Ileni tu ke mu denge nelaka, fye tuha pwilikine vali eendjovo daye.”

HESEKIEL 28:2

“Kaana komunhu, lombwela omupangeli waTirus u tye: Omwene Kalunga ota ti ngaha: Omutima woye eshi we linenepeka ndele wa tile: Aame kalunga, ame ohandi kala omutumba kolukalwa lookalunga mokati kefuta; nande ove omunhu, ku fi kalunga, ndele omutima woye we u ninga ngaashi omutima wakalunga.

HESEKIEL 29:3

Popya u tye: Omwene Kalunga ta ti ngaha: ‘Tala, Farao, ohamba yaEgipiti, tala, Ame ohandi ku vele eembedi, oove ongadu inene to nangala momilonga doye, ove to ti: “Nil, omulonga wange, ame nde u li ningila.”

DANIEL 3:15

Paife eshi, ngeenge tamu udu ondaka yomanghuma noyeenyalilo noyouyaayaa noyoushandja noyouxumbafeta noyoumbulumbubwa nondaka youxumba ve lili nove lili, kaleni mwe lilongekidila okulinyongamena poshi nokwiilikana oshitelekwafano eshi nde shi ninga, opo nawa. Ndelenee ngeenge itamu ilikana, opo tuu opo tamu ekelwa mediko lomundilo. Ndele Kalunga ou te mu xupifa momake ange, olyelye?”

DANIEL 4:30

Ohamba oya popya tai ti: “Babilon shinene hasho tuu eshi, ame nde shi tungifa eenghono dange dihapu, shi ninge ouhamba, nde shi tungila etumbaleko leenghonopangelo dange.”

JAKOB 3:4

Taleni yo eeskepa, nande odinene ndele hadi endifwa keemhepo didjuu, ohadi yukifwa kokayukifo kaningholi oku omushingi a hala.

2 PETRUS 2:18

Osheshi ohava popi eendjovo da nyika elinenepeko noushima mokukala mouhalu wombelela ohava hongaula noilonga yoihole, vo ova dja konyala onhapo va pume mondjila,

JUDAS 1:16

Ovo tuu ava ovanaenyamukudi alushe nohava ngongotele oipewa yavo ei ve i na, ndele tava kala nokushikula omauhalu avo, nomakanya avo taa popi eendjovo dounhwa ndele tava heke ovanhu nokukonga shavo vene.