JAKOB 3:13 - Ombibeli Iyapuki

¹³ Olyelye omunongo nomunandunge mokati keni? Oye na holole oilonga yaye monghalelo yaye iwa mengungumano lounongo.

JAKOB 3:13 ပူးပေါင်းရင်းမြစ်များ

JOB 28:28

Ndelenee okwa lombwela omunhu ndele ta ti: ‘Tala, okutila Kalunga okwo ounongo. Nokukukuma owii okwo eendunge.’ ”

OMAPSALOME 107:43

Ou e nounongo ne shi diladile, ye na shipaashipe omaningilo ouwanghenda wOmwene.

OMAPSALOME 122:8

Molwovamwatate nookaume kange nda hala, ndi ku halele ombili;

OMAPSALOME 149:4

Osheshi Omwene okwa hokwa oshiwana shaye; ovalininipiki te va dike exupifo.

OMAPSALOME 25:9

Ovalininipiki ote ke va endifa payuki, novalininipiki ote va longo ondjila yaye.

OMAPSALOME 45:4

Kala omunelao mokufinda. Kondjela oshili nelininipiko nouyuki. Okwooko kwoye kwokolulyo naku ku longe oilonga yoitilifa.

OMUUDIFI 8:1

Olyelye e li ngaashi omunongo, nefatululo loinima ola shiivika kulyelye? Ounongo womunhu tau yeleke oshipala shaye, noukukutu woshipala shaye tau lundululwa kuwo.

OMUUDIFI 8:5

Ou ta diinine oshipango ita ka mona oshinima shii. Omutima womunongo wa shiiva efimbo netokolo la yuka.

JESAJA 29:19

Ndele ovalininipiki otava ka pewa alushe nehafo lipe mOmwene neehepelelela domovanhu tadi ka nyakukwa mOmuyapuki waIsrael.

JESAJA 60:6

Oyeendo yeengamelo otai ku tuvikile, eengamelo deenyasha domuMidian nodomuEfa, adishe otadi uya po, tadi di kuSheba, ndele vo otava eta oshingoldo noitwimino, ndele tava hepaulula nehafo oilonga yOmwene yetumbalo.

JESAJA 61:1

Omhepo yOmwene, Omwene oi li kombada yange, osheshi Ye okwa vaeka nge ndi udifile omapongo ondaka yehafo, okwa tuma nge ndi mange ava ve na omutima wa nyanyaulwa, okwiingidila eenghwate emangululo naava ve li meemango, eyeuluko leedolongo;

JEREMIA 9:12

Olyelye omulumenhu omunaendunge, ou a shiiva eshi? Nolyelye ou okanya kOmwene ke mu hepaululila opo e shi hololele? Edu ola hanauninwa po shike nola pya ngaashi ombuwa itai endwa vali komunhu?

JEREMIA 9:23

Omwene osho ta ti: Omunaendunge ine litangela eendunge daye, omunaenghono ine litangela eenghono daye, oshipuna shiha kale nokulitangela oupuna washo,

DANIEL 2:21

Oye ta lundulula omafimbo neetundi, ndele Ye ota xutula eehamba noha nangeke eehamba, ndele Oye ha yandje ounongo kovanongo nomayele kovanamayele.

SEFANIA 2:3

Kongeni Omwene, nye amushe ovalininipiki vomoshilongo, onye ava hamu diinine omayukifo aye. Kongeni ouyuki! Kaleni nokukonga elininipiko. Kashiimba tamu ka amenwa mefiku lehandu lOmwene.

NUMERI 12:3

Ndelenee Moses okwa li omulumenhu omulininipiki unene e dule ovanhu aveshe kombada yedu.

MATEUS 11:29

Litwikeni ondjoko yange nye mu lilonge kwaame, osheshi Aame omunambili, momutima onde lininipika; ndele tamu monene eemwenyo deni etulumuko.

MATEUS 21:5

“Lombweleni omona okakadona kaSion: ‘Tala, ohamba yoye te uya kwoove omunambili nokwa londa okambulu, okambulwena kokambulu haka longifwa.’ ”

MATEUS 5:5

“Ovanelao ovananheni, osheshi ovo tava ka fyuulula edu.

MATEUS 7:24

“Hano keshe tuu ou ta udu eendjovo edi dange ndele te di wanifa, oye ta yelekwa nomulumenhu omunaendunge, a tungila ongulu yaye kemanya.

1 OVAKORINTO 6:5

Ohandi popi eshi ndi mu fife ohoni. Ile mokati keni kamu na nande omunandunge a shiive okutokola mokati kovamwaxe?

2 OVAKORINTO 10:1

Aame Paulus mwene ohandi mu kumaida omolwonheni nolukeno laKristus, ame ou ndi li moipafi yeni, vati, nda fa nde lininipika, ndele ngeenge ndi li kokule nanye, ihandi tila,

2 OVAKORINTO 8:24

Hano eshi tamu va hololele ohole yeni, ndele tamu holola elitango letu omolweni ola twa, otamu shi ningi moipafi yomaongalo.

OVAGALATI 5:23

Kape nomhango i nondubo noilonga ya tya ngaha.

OVAGALATI 6:1

Ovamwatate, omunhu ngeenge ta hangika a nyona, opo nee onye ava vopamhepo mu pukululeni nomhepo yonheni, ove u lungame naave yo uha hongaulwe.

OVAGALATI 6:4

Ndele omunhu keshe na konakone oilonga yaye mwene nhumbi i li, opo a kale e nelitango molwaye mwene, hamolwamukwao,

OVAEFESO 4:2

mu kale mu nelininipiko nombili nonheni nokulididimikilafana mohole,

OVAFILIPPI 1:27

Kaleni ashike nokweenda nokuwapalela evaengeli laKristus, opo ngeenge nde uya ko, ndi mu mone ile ngee ndi li kokule, ndi mu ude, mu li momhepo imwe, nye mu li omukoo umwe mokukondjela eitavelo levaengeli pamwe naame,

OVAKOLOSSI 3:12

Onghee hano ovahoololwa nye vaKalunga, ovayapuki novaholike, djaleni efilonghenda lomomutima, ombili, elininipiko, engungumano noutalanheni,

1 TIMOTEUS 4:12

Inapa kala nande umwe ta dini ounyasha woye. Ndele kala omuhopaelelwa wovaitaveli meendjovo nomokweenda, mohole, momhepo, meitavelo nomoukoshoki.

1 TIMOTEUS 6:11

Ndelenee oove, omunhu waKalunga, inda onhapo oinima ya tya ngaha, lalakanena ouyuki netilokalunga neitavelo nohole nelididimiko noutalanheni.

2 TIMOTEUS 2:25

ye e nokupukulula ovanandubo e nombili, ngeno Kalunga e va pe elidilululo opo va shiive oshili,

TITUS 3:2

vaha tuke nande omunhu, vaha patafane, ndele nava kale nombili ve nonghenda novanhu aveshe.

OVAHEBERI 13:5

Mokukala kweni kaleni muhe nolwisho. Eshi mu shi kwete nashi mu wanene, osheshi Ye okwa tya: “Ame ihandi ku efa noitandi ku fii po nande.”

JAKOB 1:21

Onghee hano liduleni eenyata adishe nowii aushe, nye mu tambule nomwenyo wa ngungumana eendjovo da twikwa munye odo di na eenghono okuxupifa eemwenyo deni.

JAKOB 2:18

Ndele kashiimba ope na ou ta ti: “Ove ou neitavelo, naame ondi noilonga.” Ulikile nge eitavelo loye lihe noilonga, opo ame nohandi ku ulikile eitavelo lange noilonga yange.

JAKOB 3:1

Ovamwatate, inamu hala mu ninge vahapu ovalongindjovo, osheshi omu shi shii kutya, fye ohatu ka mona etokolo lidjuu komesho yovakwetu;

JAKOB 3:17

Ndelenee ounongo ou hau di kombada, tete owa yela nopo nee u nombili nou nolukeno nowiitaveleli nou yadi onghenda noiimati iwa; kau nomalimbililo ile oihelele.

1 PETRUS 1:15

Ndelenee hopaeleleni Omuyapuki ou e mu ifana, nye mu ninge yo ovayapuki mokukala kweni akushe,

1 PETRUS 2:12

ndele kaleni nokweenda muhe noshipo mokati kovapaani, opo nee eshi tave mu popile mowii ngaashi ovalongi vowii, mokutala oilonga yeni iwa va hambelele Kalunga mefiku lekongo.

1 PETRUS 2:9

Ndelenee nye epata la hoololwa nongudu youpristeli pauhamba noshiwana shiyapuki novana vaye mwene, mu hepaulule oilonga ya fimana yaau e mu ifana mo momulaulu, mu ye mouyelele waye tau kumwifa.

1 PETRUS 3:4

ndelenee omunhu womeni womomutima omokuhaxula po kwomhepo yombili noyelimweneneno oyo i nondilo koshipala shaKalunga.