JAKOB 2:6 - Ombibeli Iyapuki

⁶ Ndelenee nye omwa dina ohepele. Ava have mu hepifa ndele tave mu twala kovatokoli, haipuna hamba?

JAKOB 2:6 ပူးပေါင်းရင်းမြစ်များ

JOB 20:19

Osheshi a fininika ovakwanaluhepo, nokwe va ekelashi ngaho, okwe likufila ongulu, ndele ita dulu oku i tungulula.

OMAPSALOME 10:10

ta hondjaunine, te livate po, nomunamupya ota wile momakasha aye.

OMAPSALOME 10:14

Ove we shi mona nokuli; osheshi okuningwa nai nokulilifwa, oto shi dimbulukwa, noto shi tambula shi kale momake oye; to lineekelwa kwaau, ehe nomukwafi, Oove omukwafi weefiye.

OMAPSALOME 10:2

Moumbudilinenepeko otava taataa epongo; nave likwatife neemhangela davo vene edi va tota.

OMAPSALOME 10:8

Ota hondjaunine pomikunda meenhele da fita, opo a dipae omuyuki; omesho aye otaa mono omunamupya.

OMAPSALOME 12:5

Omwene Ye ta ti: “Molwokufininikwa kwomapongo, nomolwokunyemata kweehepele nda hala okufikama paife, exupifo ohandi li etele ou te li djuulukwa nokuhefahekumuna.”

OMAPSALOME 14:6

Onye omwa fifa ohoni omhangela yomufininikwa, ndelenee Omwene Oye eameno laye.

OMAYELETUMBULO 14:31

Ou ta fininike omukwanaluhepo, ota sheke Omushiti waye, ndelenee ou ta filonghenda ohepele, ote mu fimaneke.

OMAYELETUMBULO 17:5

Ou ta sheke ohepele, ota dini Omushiti wayo. Ou ta hafele oshiponga, ita ka kala ita handukilwa.

OMAYELETUMBULO 18:23

Omukwanaluhepo ta popi mokulininipika, ndelenee oshipuna tashi nyamukula eendjovo dikukutu.

OMAYELETUMBULO 22:16

Ou ta fininike ohepele, ote i kwafa. Ou ta pe oshipuna, ye ote shi ningi ohepele.

OMAYELETUMBULO 22:7

Oshipuna tashi pangele eehepele. Naau e noikolo ta ningi omupika waau e mu pa eengele.

OMUUDIFI 5:8

Ngeenge to mono ohepele tai fininikwa neyukifo nouyuki tau lyatwa moshilongo, oshinima osho ino shi kuminwa; osheshi ou omunenenhu ota nangelwa komunenenhu mukwao, e mu dule, ndele aveshe vavali tava nangelwa kuvakwao ve va dule.

JESAJA 53:3

Ye okwa li a dinika, okwa li a efiwa kovanhu, omulumenhu womaluhodi nomwiiki wouyehame, heeno, ngaashi umwe molwaye aveshe ova uvika oipala yavo, vehe mu tale; Ye omudinwa ndele Ye otwe mu tala a fa oshinima shongaho.

AMOS 4:1

Udeni ondjovo ei, nye eedidi domuBasan, nye ava mu li keemhunda daSamaria! Onye hamu fininike eehepele nokuhepeka ovafyoona. Nye ava hamu lombwele oovene veni: Eteni, tu nweni!

AMOS 5:11

Onghee hano eshi tamu lyataula omukwanaluhepo ndele tamu kufa kuye oilya yefendelo, nye ava hava tungu eengulu nomamanya a hongwa, ndelenee nye itamu ka kala mudo. Nye omwa twika oikokola iwa yomiviinyu, ndelenee itamu ka nwa omaviinyu ayo.

HABAKUK 3:14

Ove to tyuula noikuti yoye mwene omutwe wovapangeli vavo, ovo tava nhukile nge okuhalakanifa nge. Ehafo lavo olo okupona ovakwanaluhepo meholeko.

SAKARIA 7:10

Ndelenee inamu hepeka omufiyekadi nofiye onghwailongo nomukwanaluhepo, ndele momitima deni inamu diladilila omukweni owii.’

JOHANNES 8:49

Jesus ta ti: “Nghi na ondemoni, ohandi fimaneke Tate, ndele nye otamu fifa nge ohoni.

OILONGA YOVAYAPOSTOLI 13:50

Ndele Ovajuda ova hongaula ovakainhu ovanamadina ovatilikalunga novalumenhu ovafimanekwa moshilando, va pendulila Paulus naBarnabas ehaulo, ndele tave va te mo moikandjo aishe yavo.

OILONGA YOVAYAPOSTOLI 17:6

Ndele vo eshi va nyengwa oku va mona, ova kokolola mo Jason novamwatate vamwe, nove va twala kovatokoli voshilando, ndele tava popi mokule, tava ti: “Ovapiyaaneki ava vounyuni aushe ve uya naamu yo;

OILONGA YOVAYAPOSTOLI 18:12

Ndele Gallion eshi a li omupangeli muAkaia, Ovajuda ova hangakena ndele va fikamena Paulus, ndele tave mu twala kolukalwatokolo,

OILONGA YOVAYAPOSTOLI 8:3

Ndele Saulus okwa hanauna eongalo, ta pumine momaumbo, ndele ta kokolola mo ovalumenhu novakainhu ndele te va idililifa modolongo.

1 OVAKORINTO 11:22

Hamba, kamu na omaumbo okulila mo nokunwina mo? Ile otamu dini eongalo laKalunga notamu fifa eehepele ohoni? Ondi mu lombwele shike? Ondi na tuu oku mu pandula? Ahowe, apa itandi mu pandula nande.

JAKOB 2:3

ndele tamu tale kwaau a djala oikutu youkengeli ndele tamu ti kuye: “Kala omutumba ponhele ei iwa,” ndele kohepele tamu ti: Ove kala ofika kwi, ile: “Kala omutumba apa poshilyatelo sheemhadi dange,”

JAKOB 5:4

Taleni, ondjabi yovalongi vomapya eni ovo hava teya oilya yeni, oyo mwe i va lumbula, otai kuu onghuwo, nenyeme lovatei ola fika momatwi Omwene weengudu dovakwaita.

JAKOB 5:6

Omwa tokola nomwa dipaa omuyuki, ye ine mu kondjifa.