JAKOB 2:18 - Ombibeli Iyapuki

¹⁸ Ndele kashiimba ope na ou ta ti: “Ove ou neitavelo, naame ondi noilonga.” Ulikile nge eitavelo loye lihe noilonga, opo ame nohandi ku ulikile eitavelo lange noilonga yange.

JAKOB 2:18 ပူးပေါင်းရင်းမြစ်များ

OVAROMA 14:23

Ndele ou a limbililwa ye ta li, oye a tokolwa, osheshi okulya inaku dja meitavelo, ndelenee keshe eshi inashi dja meitavelo, osho oulunde.

OVAROMA 3:28

Onghee hano ohatu ti: Omunhu ota yukipalifwa keitavelo pehe noilonga yomhango.

OVAROMA 4:6

ngaashi naDavid yo ta tongo omunhu omunelao, ou Kalunga te mu valulile ouyuki ehe noilonga, ta ti:

OVAROMA 8:1

Hano paife kape netokolo lokukanifa ava ve li muKristus Jesus, ava itava ende pambelela, ndelenee lopaMhepo.

OVAROMA 9:19

Oto ti mbela kwaame: “Oshike hano ta velele nge ombedi? Osheshi olyelye ta dulu okwaanya ehalo laye?”

1 OVAKORINTO 13:2

Nonande ondi kale ndi noshali yokuxunganeka nondi shiive oiholekwa aishe nondi kale ndi neshiivo alishe, ndele nande ondi kale ndi neitavelo alishe lokudikula eemhunda, ndelenee ame nghi nohole, ame nghi fi sha.

2 OVAKORINTO 5:17

Hano ngeenge ope na ou e li muKristus, oye omushitwa mupe; eshi shikulu osha xula po, tala, aishe ya ninga ipe.

2 OVAKORINTO 7:1

Eshi tu na hano omaudaneko e fike apa, ovaholike, tu likosheni kedilo keshe naali lombelela naali lomhepo, fye tu wanifeni eyapulo mokutila Kalunga.

OVAGALATI 5:6

Osheshi muKristus Jesus nande epitotanda ile okuhapita etanda kaku nekwafo, ndelenee eitavelo hali longo mohole.

1 TIMOTEUS 1:5

Ndelenee efikilo lekumaido olo ohole tai di momutima wa yela nomeliudo liwa nomeitavelo lihe noihelele,

TITUS 2:7

Ove mwene liulikila omuhopaelelwa moilonga aishe iwa, nelongo loye nali kale la yela nola fimana

OVAHEBERI 11:31

Meitavelo ombwada Rahab ina hanaunwa po pamwe novanandubo eshi a idilila eendadi nombili.

OVAHEBERI 11:33

ava va teya po oilongo okeitavelo, nova diinina ouyuki, va mona omaudaneko a wanifwa, nova fitika po omakanya eenghoshi,

OVAHEBERI 11:6

Kape na ou ta dulu okuwapalela Kalunga, ngeenge kape neitavelo, osheshi ou ta ehene kuKalunga e nokwiitavela nokutya, oko e li, naava tave mu kongo, ote va pe ondjabi.

JAKOB 2:14

Ovamwatate, otashi kwafa shike, umwe ngeenge ta ti oku neitavelo, ndelenee ye ehe noilonga? Eitavelo eli otali dulu oku mu xupifa tuu mbela?

JAKOB 3:13

Olyelye omunongo nomunandunge mokati keni? Oye na holole oilonga yaye monghalelo yaye iwa mengungumano lounongo.