JAKOB 2:14 - Ombibeli Iyapuki

¹⁴ Ovamwatate, otashi kwafa shike, umwe ngeenge ta ti oku neitavelo, ndelenee ye ehe noilonga? Eitavelo eli otali dulu oku mu xupifa tuu mbela?

JAKOB 2:14 ပူးပေါင်းရင်းမြစ်များ

JEREMIA 7:8

Ndelenee tala, nye hamu lineekele eendjovo doipupulu dihe nekwafo lasha.

MATEUS 5:20

Osheshi Ame ohandi mu lombwele: ouyuki weni ngeenge kau dule shili ou wovanongo vomishangwa nowOvafarisai, itamu i nande mouhamba womeulu.

LUKAS 3:11

Ndele ye okwe di nyamukula ta ti: “Ou e na oikutu ivali, shimwe ne shi pe ou ehe na, naau e neendja osho tuu na ninge.”

LUKAS 6:49

Ndelenee ou te di udu, ndele ite shi ningi, ye okwa fomunhu a tungila pehekedu longaho puhe nomakanghameno, eyelu eshi la kungulukila kuyo, oya teka po, nengumauko layo la ninga linene.”

OILONGA YOVAYAPOSTOLI 15:9

Ndele Ye ina ninga nande etongolo pokati ketu navo, eshi a yelifa omitima davo neitavelo.

OILONGA YOVAYAPOSTOLI 8:13

NaSimon mwene okwa itavela yo, naashi e lishashifa, okwa kala puFilippus, ndele eshi a mona oikumwifalonga noilonga yeenghono ya ningwa po, ye a kwatwa konghumwe.

OILONGA YOVAYAPOSTOLI 8:21

Ove ku kwete nande oshitukulwa ile oshipewa mondjovo ei, osheshi omutima woye inau yuka koshipala shaKalunga.

OVAROMA 2:25

Heeno, epitotanda otali kwafa ashike ngeenge to wanifa omhango; ndelenee ove ngeenge omunyoni womhango, opo nee nande wa pita etanda, oto kala wa fa ino li pita.

1 OVAKORINTO 15:2

olo tuu olo tamu xupifilwa yo mulo, ngeenge tamu li diinine li kale ngaashi nde li mu udifila, ngeenge inamu li itavela oshimha.

1 OVAKORINTO 16:22

Ngeenge ope na ou ehe hole Omwene, oye na fingwe! Maran ata!

OVAGALATI 5:13

Ovamwatate, omwa ifanenwa emanguluko, ndelenee inamu efa ombelela yeni i pwidukifwe kemanguluko, ndele yakulafaneni mohole.

OVAGALATI 5:6

Osheshi muKristus Jesus nande epitotanda ile okuhapita etanda kaku nekwafo, ndelenee eitavelo hali longo mohole.

1 OVATESSALONIKI 1:3

nokudimbulukwa alushe koshipala shaKalunga Tate yetu oshilonga shomeitavelo, nokulihepeka kweni mohole nelididimiko leni meteelelotimaumbwile lOmwene wetu Jesus Kristus,

1 TIMOTEUS 1:5

Ndelenee efikilo lekumaido olo ohole tai di momutima wa yela nomeliudo liwa nomeitavelo lihe noihelele,

1 TIMOTEUS 4:8

Osheshi edeulo lokolutu oli nekwafo lixupi, ndelenee etilokalunga otali kwafa moinima aishe, osheshi olo li neudaneko lomwenyo wopaife nowokomesho.

TITUS 1:16

Vo otava ti ova shiiva Kalunga, ndelenee moilonga yavo otave mu likale, osheshi ovo oikungifa yongaho, ihava dulika, inava wana okulonga oshilonga nande shimwe shiwa.

TITUS 3:8

Ondjovo ei oya pama, ndele nda hala u i longe noudiinini, opo ava va itavela Kalunga va diinine shili okulonga oilonga iwa; osho nee osha wapala notashi kwafa ovanhu.

OVAHEBERI 11:17

Meitavelo Abraham okwa yandja Isak eyambo eshi a yelekwa kuKalunga. Abraham tuu ou a pewa omaudaneko kuKalunga; nande ongaho okwa yandja ewifa laye Isak eyambo.

OVAHEBERI 13:9

Inamu twalwatwalwa komalongo e lili naku lili muhe a shii; osheshi onawa omwenyo ngeenge tau pamekwa kefilonghenda, hakeendja inadi kwafa ava va kala mudo.

JAKOB 1:16

Ovamwatate ovaholike, inamu puka.

JAKOB 2:16

ndele umwe womunye ta ti kuvo: “Indeni nombili mu ka xuxumukwe nye mu likutife,” ndele nye inamu va pa osho sha pumbiwa kolutu, otashi kwafa shike?

JAKOB 2:18

Ndele kashiimba ope na ou ta ti: “Ove ou neitavelo, naame ondi noilonga.” Ulikile nge eitavelo loye lihe noilonga, opo ame nohandi ku ulikile eitavelo lange noilonga yange.

JAKOB 2:26

Osheshi ngaashi olutu lihe nomhepo, la fya, osho yo neitavelo lihe noilonga, ola fya.

2 PETRUS 1:5

Ndele omolwaashi lalakaneni yo neenghono adishe okuholola meitavelo leni ouwa, mouwa eshiivo,