JAKOB 2:13 - Ombibeli Iyapuki

¹³ Osheshi etokolo kali nonghenda naau ehe nonghenda, nonghenda otai litange kombada yetokolo.

JAKOB 2:13 ပူးပေါင်းရင်းမြစ်များ

GENESIS 42:21

Opo nee vo ova tongafana tava ti: “Oshilishili, paife eshi ohatu alulilwa eshi twa ningila omumwatate, osheshi fye otwa tala oudjuu womwenyo waye, ye eshi e tu ilikana, ndele fye inatu mu pwilikina, onghee oudjuu otau tu hange.”

2 OMAFIMBO 28:11

Pwilikinei nge paife, mu lekele eenghwate odo mwe di kufa kovamwaxo, va shune ko. Osheshi ehandu lOmwene li li kombada yeni!”

OMAPSALOME 18:25

Osheshi kwaau omunefilonghenda oto limonifa oove mwene omunefilonghenda nokomulumenhu omuyuki oto kala yo omuyuki,

OMAPSALOME 85:10

ouwanghenda noudiinini, oyo i shakenafane, ouyuki nombili, yo i fipafane komilungu.

OMAYELETUMBULO 21:13

Ou ta fitikile onghuwo yohepele okutwi kwaye, oye mwene yo ota ka kuwa onghuwo, ndele ita ka mona epopilo.

OMAYELETUMBULO 22:16

Ou ta fininike ohepele, ote i kwafa. Ou ta pe oshipuna, ye ote shi ningi ohepele.

JESAJA 27:11

Oitai ngeenge ya kukuta otai tyavwa, ovakainhu otave uya ndele tava shakala omundilo; shaashi ovanhu ava vehe na omayele, onghee Omushiti wavo ite va file onghenda, naau e va ma, ite va etele olukeno.

JEREMIA 9:24

ndelenee ou te litangele, ne litangele ondunge yokushiiva nge kutya, Aame Omwene, handi wanifa onghenda nouyuki nouwa kombada yedu, osheshi oinima ei onde i hokwa, Omwene ta ti.

HESEKIEL 33:11

Tya kuvo: Oshili, ngaashi Ame ndi nomwenyo, Omwene Kalunga ta ti, oshilielela, Ame ndihe nohokwe nefyo lomuhenakalunga, ndelenee omuhenakalunga ne lialuluke mondjila yaye opo a kale nomwenyo. Lialulukeni! Lialulukeni keendjila deni dii! Molwashike wa hala okufya, oove, eumbo laIsrael.

MIKA 7:18

Olyelye ou e ku fa, Kalunga, ho dimi po owii, ndele to koya po omatauluko oshixupe shefyuululo loye? Ye ita handuka fiyo alushe, ndelenee Ye a hokwa ouwanghenda.

MATEUS 5:7

“Ovanelao ovananghenda, osheshi ovo tava ka filwa onghenda.

MATEUS 6:15

ndelenee ngeenge itamu dimine po ovanhu, naXo yeni ita dimi po omanyono eni.

LUKAS 16:25

Ndelenee Abraham okwa tya: ‘Omona wange, dimbulukwa, ove owa pelwe ouwa woye fimbo wa li u nomwenyo ndele Lasarus owii, hano paife eshi ye ota hekelekwa omu, ndele ove to yehamekwa.

LUKAS 6:37

“Ndele inamu tokola, nanye yo itamu tokolwa, inamu va tokolela ekano, nanye yo itamu tokolelwa ekano. Diminafaneni po omatimba, nanye yo tamu ke a diminwa po.

JAKOB 3:17

Ndelenee ounongo ou hau di kombada, tete owa yela nopo nee u nombili nou nolukeno nowiitaveleli nou yadi onghenda noiimati iwa; kau nomalimbililo ile oihelele.

JAKOB 5:4

Taleni, ondjabi yovalongi vomapya eni ovo hava teya oilya yeni, oyo mwe i va lumbula, otai kuu onghuwo, nenyeme lovatei ola fika momatwi Omwene weengudu dovakwaita.

OVATOKOLIPANGELI 1:7

Opo nee Adoni-Besek ta ti: Eehamba omilongo heyali odo da tetwa ominwe dokomake nominwe dokeemhadi, oda toola oundjaumukile koshi yoshitaafula shange shoshililo. Ngaashi ame nda ningile, osho Kalunga a ningila nge. Ndele ve mu twala kuJerusalem, noko a fila.

OVATOKOLIPANGELI 5:27

Okwa tekela peemhadi daye, a wila, opo a nangala! Peemhadi daye a tekela, a wila po. Apa a tekela, oko a nangala, a dipaelwa po.