HOSEA 5:3 - Ombibeli Iyapuki

³ Efraim, ondi mu shii, naIsrael ina holekwa koshipala shange. Osheshi ove, Efraim owa teya ohombo paife. Israel okwe linyateka.

HOSEA 5:3 ပူးပေါင်းရင်းမြစ်များ

JESAJA 7:16

Osheshi omumati ou fimbo ina shiiva okweefa owii nokuhoolola ouwa, edu olo leehamba odo mbali we di tila, otali ningi omaputu.

JESAJA 7:17

“Ndelenee Omwene ota dimine kombada yoye nokombada yoshiwana shoye nokombada yeumbo laxo omafiku oo a li inae uya fimbo Efraim ina efa Juda e uye. Ta dimine ohamba yaAsiria e uye.”

JESAJA 7:5

Osheshi Aram naEfraim nomona waRemalja ove ku pangelela omhangela ii, tava ti:

HOSEA 1:2

Omwene eshi a hovela okupopifa Hosea, Omwene okwa lombwela Hosea, ta ti: “Inda u likongele omwalikadi ombwada, ove u dale ounona nombwada, osheshi oshilongo osha teya nokuteyelela ohombo nokweefa Omwene.”

HOSEA 12:1

Efraim a dingilila nge noipupulu neumbo laIsrael nomakengelelo. Juda yo ke nekwatafano naKalunga, omuyapuki, ou omudiinini.

HOSEA 13:1

Efraim shamha a popya, opa holoka etilo. Ye okwa fimanekwa muIsrael. Ndelenee okwa velwa ombedi molwaBaal nokwa fya.

HOSEA 13:5

Ame nda li ndi ku shii mofuka, medu likukutu.

HOSEA 5:11

Efraim e li mofina nokwa teywa metokolo, osheshi a hokwa okushikula oinima yongaho.

HOSEA 5:13

Efraim eshi a koneka oudu waye, naJuda a shiiva oshidinda shaye, Efraim okwa ya kuAsiria, ndele a tuma kohamba Jareb. Ndelenee yo oya nyengwa oku mu velula, ndele inai shiiva okuvelula oshidinda sheni.

HOSEA 5:9

Mefiku letokolo Efraim otashi ka ninga ombuwa. Osho nda shiivifila omapata aIsrael, otashi ka ningwa shili.

HOSEA 6:10

Mepata laIsrael nda mona mo oilonga yoixuna: omu noluhaelo laEfraim. Israel okwe linyateka.

HOSEA 6:4

Akutu Efraim, ohandi ku ningi ngahelipi, akutu Juda, ohandi ku ningi shike, eshi ohole yeni i li ngaashi oshilemo shongula, nongaashi omume tai yaumuka diva?

HOSEA 8:11

Osheshi Efraim a hapupalifa eealtari opo a kale nokunyona. Oiyambelo oya ninga oulunde kuye.

AMOS 3:2

“Onye amuke Ame nde mu hoolola momapata aeshe edu. Onghee hano Ame ohandi ke mu handukila molwowii weni aushe.”

AMOS 5:12

Osheshi Ame ondi shi shii nokutya, omatauluko eni oku li mahapu nomatimba eni madjuu, nye ava hamu tondo omuyuki, ndele tamu tambula ombubo, ndele tamu endameke ondjovo iyuki yomuxupi poshivelo.

DEUTERONOMION 33:17

Eembinga doshiveli shongobe yaye yomhedi di li ngaashi eembinga donyati. Nado ye ta ka nata po oiwana, heeno, aishe kumwe fiyo okominghulo dounyuni. Ndele ava omayovi omulongo omuEfraim naava omayovi omuManasse!”

OVAHEBERI 4:13

Ndele kape na nande oshishitwa shimwe sha holekwa moipafi yaye, ndelenee aishe oya kala ngaho poluhaela momesho aye, kwaau tu noku mu lihepaululila.

EHOLOLO 3:15

“ ‘Oilonga yoye ondi i shii, ove eshi ku fi omutalala nouhe fi omupyu. Ngeno owa li umutalala ile umupyu.