HOSEA 5:2 - Ombibeli Iyapuki

² Heeno, ovashunimonima ova ningina mokule moilonga youkolokoshi, ndele vo aveshe ohandi ke va handukila.

HOSEA 5:2 ပူးပေါင်းရင်းမြစ်များ

JESAJA 1:5

Omwa hala natango mu dengwe peni, eshi natango tamu twikile okuliteeka? Omutwe aushe otau vele, nomutima aushe u noudu.

JESAJA 29:15

Woo, ovo tava holeke mokule Omwene eenghundafana davo, tava longo oilonga yavo momilaulu, ndele tava ti: “Olyelye e tu wete, olyelye e tu shii?”

JEREMIA 18:18

Ndelenee vo ova tya: “Ileni tu ka hangakeneni Jeremia. Osheshi elongo itali xulu komupristeli nomayele kovanaendunge nondjovo kovaxunganeki. Ileni tu ke mu denge nelaka, fye tuha pwilikine vali eendjovo daye.”

JEREMIA 5:3

Omwene, omesho oye inaa tala tuu oudiinini? Ove owe va denga ndele vo ova kala kave udite ouyehame. Ove owe va teya po, ndelenee vo ova anya okudulika. Oshipala shavo ove shi kukutika shi dule emanya, ndelenee inava tambula ehandupukululo.

JEREMIA 6:28

Aveshe ovanandubo ve dule ovanandubo vamwe. Ve hole omalundilo. Vo oshikushu noivela, aveshe va nyonauka.

HOSEA 4:2

Otapa nuwa, ndele tapa fufywa, tapa dipawa, tapa vakwa, tapa teywa ohombo. Notapa tinhwa omaumbo, netimba lohonde hali shikula likwao.

HOSEA 6:5

Onghee nee nde va dengifa kovaxunganeki, nde va dipaifa neendjovo domokanya kange. Etokolo lange li li poluhaela ngaashi ouyelele wongula.

HOSEA 6:9

Nongudu yovapristeli oi li ngaashi oimhulu ya holamena. Ohava dipaele mondjila yaSekem, heeno, ova longa oilonga yoixuna.

HOSEA 9:15

Owii wavo aushe u li muGilgal, osheshi oko tuu oko nda hovela oku va tonda: “Omolwoilonga yavo ii handi ke va taataa mongulu yange, kandi va hole vali, ovanenenhu vavo aveshe ovalundakani.

EHOLOLO 3:19

Aveshe ava ndi va hole, ohandi va handukile ndele handi va tekula nedengo. Kala hano nouladi ove u lidilulule.