HOSEA 4:3 - Ombibeli Iyapuki

³ Onghee edu tali nyika oluhodi naashishe shi li mo osha loloka: oifitukuti yomofuka needila dokeulu, heeno, noikwameva yo otai xulu po.

HOSEA 4:3 ပူးပေါင်းရင်းမြစ်များ

SEFANIA 1:3

Ame ohandi ka komba po ovanhu noifitukuti, ohandi ka komba po eedila dokeulu neeshi domefuta noipundukifo pamwe novadinikalunga. Heeno, Ame ohandi ka hanauna po ovanhu kombada yedu, Omwene osho ta ti.

NAHUM 1:4

Ye ota hanyene efuta note li pwiininike nomilonga adishe ote di kukutike. Basan naKarmel otai tene, nokuhapa kwaLibanon taku fi omutenya.

AMOS 5:16

Onghee hano, Omwene Kalunga komatanga ovakwaita. Ye Omwene ta ti ngaha: “Meendabo adishe ope nekemo, momapandavanda tava ka tya: Woo, Woo! Ndele tava kala nokunyika oluhodi, novanongo vokulila nava ifanwe okwiimba omaimbilo eefya.

HESEKIEL 38:20

Oikwameva yomefuta needila dokeulu noilyani yomomufitu noyaalangati kombada yedu, novanhu aveshe ava ve li kombada yedu otava ka kakama moipafi yange. Neemhunda tadi ka wila po nomaule eemhunda tadi ka teka po neehotekuma adishe tadi wile poshi.

JEREMIA 12:4

Oshilongo otashi kala fiyo onaini sha nyika oluhodi nomwiidi aushe womoixwa wa kukuta? Noinamwenyo needila otadi xulu po omolwowii woonakukalamo musho, osheshi ohava ti: Exulilo letu ye ite ke li mona.

JEREMIA 4:25

Ame onda tala ko, ndelenee kapa li nande omunhu, needila adishe dokeulu oda ya onhapo.

AMOS 8:8

“Edu itali ka kakama noonakukalamo aveshe itava ka nyika oluhodi molwaashi? Heeno, otali ke litumba naashishe shi li mo ngaashi Nil, ndele tali fuluka nokushuna ngaashi omeva omulonga waEgipiti.

AMOS 1:2

Ndele ye ota ti: “Omwene ta ndunduma muSion ndele ta yelula ondaka yaye muJerusalem; oulifilo wovafita tau kukuta noxulo yaKarmel tai tene.”

JESAJA 33:9

Edu otali nyika oluhodi, tali notelwa; Libanon osha fya ohoni, efilu laSaron la shituka ombuwa, Basan naKarmel oda yaumuka omafo.

JEREMIA 9:10

Ame ohandi ka kwena nokukema pombada omolweemhunda, nomolweehambo domofuka ohandi lili eenghali. Osheshi odo da pya komundilo nokape nomunhu ta ende ko, nongaashi ihamu udika oshikuta shoimuna. Eedila dokeulu noifitukuti oya tembuka mo, ya ya onhapo.

JEREMIA 23:10

Osheshi edu ola yada ovatei vohombo. Edu otali nyika oufiye molwefingo. Oufita wokomalondo wa kukuta, eshi tave shi hokele, oshii. Naapa tave likongele neenghono davo osho sho inashi yuka.

JOEL 1:18

Woo, oimuna nhumbi tai keme. Noufita weengobe tau endaenda, osheshi kai na apa tai li. Noufita weedi noikombo yo tau fi ondjala.

SAKARIA 5:4

Ame ohandi li efa ndele tali i meumbo lomulunga nomeumbo laau ta ane oipupulu medina lange, Omwene womatanga ovakwaita ta ti. Ndele efingo tali kala meumbo laye ndele tali li li po sheke fiyo okomiti nokomamanya alo omadikilo.”

JEREMIA 9:9

Ame ondi kale ngeno inandi va handukila molwoshinima eshi, Omwene osho ta ti, ile omwenyo wange uha kale nokuhandukila oshiwana sha tya ngaha?