HOSEA 13:9 - Ombibeli Iyapuki

⁹ Omupya woye Israel osheshi, ove eshi ho tu ondubo naame, omukwafi woye.

HOSEA 13:9 ပူးပေါင်းရင်းမြစ်များ

JEREMIA 2:17

Haave mwene we shi likongela, eshi wa efa Omwene Kalunga koye, omafiku enya eshi e ku endifa nondjila yaye?

JEREMIA 2:19

Owii woye mwene otau ku denge, nokuliteeka kwoye kudjuu otaku ku handukile. Hano, kala u shi shii nokumona oululu woshiponga shoye apa u fike, eshi wa efa Omwene Kalunga koye, ndele ino kala nokutila nge. Omwene osho ta ti, Omwene womatanga ovakwaita.

DEUTERONOMION 33:26

“Pehe na nande umwe e li ngaashi Kalunga kaJesurun, ou ta ende pombada yeulu, Ye ekwafo loye nomefimano laye ta ende kombada yoilemo.

HOSEA 14:1

Israel, alukila kOmwene Kalunga koye, osheshi wa pundukifwa komanyonauno oye.

JEREMIA 5:25

Ndele omanyonauno eni okwa dongakanifa oinima ei, nomatimba eni okwe mu imba okumona ouwa.

MALAKIA 1:9

Heeno paife handukulukifeni Kalunga, Ye e tu filonghenda! Oinima ya tya ngaha mwe i ninga, Ye ota ka kala tuu e mu hokwa? Omwene womatanga ovakwaita ta ti.

HOSEA 13:4

Ndelenee Aame Omwene Kalunga koye okudja kedu laEgipiti. No ino shiiva Kalunga kamwe ke lili ponho yange, ndele kape nomukwafi umwe, ame tuu andike.

JESAJA 3:11

Woo omudinikalunga! Ota mono oixuna, osheshi ota ka ningilwa pailonga yomake aye.

JESAJA 3:9

Ehololo lomoipala yavo tali va pe oushima, nomanyono avo otave a popi movanhu ngaashi Ovasodom, ihava holeke nande osha. Woo kuvo shaashi tave liningile voovene owii.

OMAYELETUMBULO 8:36

Ndelenee ou ta di pwaame, ota pongeke okukalamwenyo kwaye. Aveshe ovo hava tondo nge, ve hole efyo.”

OMAYELETUMBULO 6:32

Ou ta teya ohombo nomukainhu, ye ke neendunge. Ou a hala okunyona po okukalamwenyo kwaye mwene, osho na ninge.

OMAPSALOME 146:5

Omunelao ou, ekwafo laye ngeenge olo Kalunga kaJakob, nelineekelo laye ngeenge te li tula mOmwene, Kalunga kaye,

OMAPSALOME 46:1

Kalunga Oye ehondamo letu neenghono detu, nekwafo linene li shii kulineekelwa momaudjuu.

OMAPSALOME 33:20

Eemwenyo detu otadi teelele kOmwene; Oye ekwafo letu noshikelelifo shetu.

DEUTERONOMION 33:29

Akutu Israel, oove omunelao! Olyelye e ku fa? Oshiwana sha xupifwa kOmwene, oshikelelifo shekwafo loye, ou eongamukonda lounene woye, onghee ovatondadi voye aveshe tave likoko ndele tave liyandje mepangelo loye. Ndelenee ove to ka enda koikulundu yavo.”

JEREMIA 4:18

Ondjila yoye neenghedilonga doye, oyo ye ku etela ei aishe, oulunde ou woye ulula, ndele tau hange fiyo okomutima woye.

MALAKIA 1:12

Ndelenee nye otamu li shekifa, eshi tamu ti: Oshililo shOmwene osha yapululuka noiimati yasho, eendja dasho da dinika.

MALAKIA 1:13

Ndele nye tamu ti: Taleni, oudjuu u fike peni! Ndele nye tamu shi dini, Omwene womatanga ovakwaita ta ti. Ndele nye tamu eta oshimuna sha vakwa, ile shilema ile tashi vele; osho ngaha tamu eta omayambo! Ame ohandi hokwa tuu oku shi tambula momake eni, Omwene womatanga ovakwaita ta ti.

2 OMAFIMBO 28:23

ye okwa yambela oikalunga yomuDamaskus, oyo ya li ye mu taataa, ndele ta ti: “Shaashi oikalunga yeehamba daAram ye di kwafa, naame yo ohandi i yambele, opo i kwafe nge!” Ndelenee oyo tuu oyo ye mu twala noya twala Israel ashishe menyonauko.

HOSEA 7:14

Itava ifana nge komitima davo, ndelenee hava yayaana momitala davo. Ohava ongalele oilya nomaviinyu. Ove nondubo naame.

HOSEA 7:15

Nande nda deula nokupameka omaoko avo, ova diladilila nge owii.