HESEKIEL 7:7 - Ombibeli Iyapuki

⁷ Olufo loye tali uya, onakukala moshilongo! Efimbo tali uya, efiku la ehena popepi! Epiyaano, kape nenyakuko keemhunda.

HESEKIEL 7:7 ပူးပေါင်းရင်းမြစ်များ

HESEKIEL 12:28

Onghee hano va lombwela: Omwene Kalunga ta ti: ‘Kape na nande ondjovo imwe yange tai ka kala ko. Ondjovo Ame handi i popi otai ka wanifwa,’ Omwene Kalunga ta ti.”

HESEKIEL 7:12

Efimbo la fika, efiku la ehena popepi. Omulandi na kale ita hafe, nomulandifi ina nyika oluhodi, shaashi ehandu tali uya kombada yongudu aishe tai uyaana.

JESAJA 22:5

Osheshi eli olo efiku lepiyaano, lehanauno noledundakano mefilu lemoniko, la tokolwa kOmwene, Kalunga komatanga ovakwaita. Omakuma okwa kumunwa po, nonghuwo otai kuwaana keemhunda.

GENESIS 19:15

Ndele eluwa eshi la hovela okutenda, ovaengeli ova ulumika Lot ndele tava ti: “Fikama, kufa omwalikadi woye novana voye oukadona vavali, ava ve li pwoove, opo muha nyonaunwe po molwoukolokoshi woshilando.”

1 PETRUS 4:17

Osheshi efimbo la fika, etokolo li hovele meumbo laKalunga; hano ngeenge tali hovele mufye, opo nee exulilo laavenya ihava dulika kevaengeli laKalunga, otali kala la tya ngahelipi?

AMOS 4:13

Osheshi tala, Ye, ou ta me eemhunda, ndele ta shiti omhepo, ndele ta hololele omunhu omadiladilo aye, ou ta lundulula eluwa li ninge omulaulu, ou ta ende kombada yeemhunda dedu, edina laye Omwene, Kalunga komatanga ovakwaita!

JEREMIA 20:7

Omwene, Ove wa heka nge, naame onda dimina, Ove owa kwata nge, ndele wa dula nge eenghono. Ame onda ninga oshiyolifa omutenya aushe, aveshe tava sheke nge.

JESAJA 17:14

Tala, onguloshi oixuna yongaho! Ongula manga inaku sha, kave po vali. Eshi osho oshipewa shovahanauni vetu noshitukulwa shovatinhi vetu.

JESAJA 13:22

Ndele oimbungu tai ka kwenena meembala dayo da wapala, nouvandje otava ka kala meenguluhafo douhamba. Ndele efimbo lasho oli li pokufika, nomafiku asho itaa ehene ko vali.

GENESIS 19:24

Ndele Omwene okwa lokifila Sodom naGomorra osulfuri nomundilo wa dja kuye meulu,

JEREMIA 50:27

Nyoneni po eehove dasho adishe nadi uye okutomwa! Woo ovo! Osheshi efiku lavo ola fika, efiku lokuhandukilwa kwavo!

JESAJA 16:10

Ehafo neimbilo leteyo ola kufwa mo nomadilopya nomomapya omiviinyu enyaku ola mwena. Omukoli womaviinyu ita kolele mo vali omaviinyu moshikolelo. Ame nda mweneka.

HESEKIEL 30:3

Osheshi efiku lOmwene oli li popepi, heeno, efiku lOmwene oli li popepi, efiku lomudimbi: olo efimbo loiwana yovapaani.

JOEL 1:15

Woo, efiku olo! Osheshi efiku lOmwene li li popepi, ndele tali uya ngaashi ehanauno hali di kOmunaenghono adishe.