HESEKIEL 7:4 - Ombibeli Iyapuki

⁴ Ndele eisho lange itali ke ku tala nolukeno, ndele itandi filonghenda, ndelenee handi efa eendjila doye di ku hange noixuna yoye tai uya mokati koye, ndele nye otamu ka shiiva nokutya, Aame Omwene.”

HESEKIEL 7:4 ပူးပေါင်းရင်းမြစ်များ

JEREMIA 13:14

Ndele Ame ohandi ke va nyanyaulifafana nooxe novana mumwe, Omwene osho ta ti, itandi kenukile, itandi xupifa, itandi fi onghenda, ndi va efe ngeno itandi va nyono po.”

JEREMIA 16:18

Ndele tete ohandi ke va handukilila luvali omanyono avo nomatimba avo, osheshi ova nyateka edu lange noimhu yoixuna yavo, nefyuululo lange ove li yadifa oixuna.

JEREMIA 25:14

Osheshi navo yo ove nokulongela oiwana ihapu neehamba dakula ndele Ame ohandi ke va alulila osho shi fike paoilonga yavo, ngaashi omake avo a ninga.

HESEKIEL 11:21

Ndelenee vo ve nomitima tadi shikula omitima doixuna yavo nodoififahoni yavo, okweenda kwavo Ame ohandi ku umbile kombada yomitwe davo, Omwene Kalunga ta ti.”

HESEKIEL 12:20

Noilando ei i novanhu, otai ka hanaunwa po, noshilongo otashi ka ninga ofuka. Ndele nye otamu ka shiiva nokutya, Aame Omwene.”

HESEKIEL 16:43

Ove eshi ino dimbulukwa omafiku enya ounyasha woye ndele wa pendula ehandu lange noinima ei aishe, tala, osho naame yo ohandi wilifa okweenda kwoye komutwe woye, Omwene Kalunga ta ti. Mboli ove ino ninga oshififahoni kombada yoixuna yoye aishe?

HESEKIEL 22:31

Onghee hano Ame nda tilashi ehandu lange kombada yavo. Momundilo woupyuhandu wange Ame nde va mana po. Okweenda kwavo nde ku efela kombada yomitwe davo, Omwene Kalunga ta ti.”

HESEKIEL 23:31

Ove wa enda nondjila yomumwanyoko, onghee handi ku pe meke loye eholo laye.”

HESEKIEL 23:49

Ndele vo otava ka efela kombada yeni oififahoni yeni, ndele nye otamu ka humbata omatimba oikalunga yeni, ndele tamu ka shiiva nokutya,” Aame Omwene Kalunga.

HESEKIEL 24:14

Aame Omwene, nde shi tya. Otau uya, ndele Ame ohandi ke u ninga. Ame itandi ka efa, itandi ka tala nolukeno ile okulialuluka. Pakweenda kwoye nopailonga yoye vo otave ke mu tokola, Omwene Kalunga ta ti.”

HESEKIEL 33:29

Opo nee vo otava ka shiiva nokutya, Aame Omwene, oshilongo ngeenge handi shi ningi omuulu nohandi shi tokeke molwoixuna aishe vo ve i ninga.

HESEKIEL 5:11

Onghee hano, oshili, ngaashi Ame ndi nomwenyo, Omwene Kalunga ta ti, oshilielela, eshi nye mwa nyateka otembeli yange noixuna yeni aishe nomawii eni aeshe, naame yo ohandi ke mu pilamena. Eisho lange itali tale nolukeno, noitandi filonghenda nande.

HESEKIEL 6:14

Ndele ohandi ke va yelulila eke lange, ndele handi ka shitukifa oshilongo ofuka noku shi tokeka okudja kOmbuwa fiyo okuRibla meenhele davo adishe. Ndele otava ka shiiva nokutya, Aame Omwene.”

HESEKIEL 6:7

Novadipawa tava ka wila mokati keni, opo mu shiive nokutya, Aame Omwene.

HESEKIEL 7:27

Ohamba tai nyika oluhodi nelenga tali djala outile, nomaoko ovanhu vomoshilongo a ndebuka kehaluko. Ame ohandi ke va ningila pakweenda kwavo, ndele handi ke va tokola pamatokolo avo. Ndele vo otava ka shiiva nokutya, Aame Omwene.”

HESEKIEL 7:3

Paife exulilo tali uya kombada yoye, ndele Ame ohandi ke ku tumina ehandu lange ndele handi ku tokola pakweenda kwoye, nohandi efa oixuna aishe i ku hange.

HESEKIEL 7:9

Neisho lange itali ka tala nolukeno ndele ihandi ka filonghenda. Ame ohandi efa eendjila doye di ku hange, noixuna yoye tai ka kala mokati koye, ndele nye tamu ka shiiva kutya, Aame Omwene ou ta denge.

HESEKIEL 8:18

Onghee hano, Ame ohandi ka ninga, eshi handi ningi mehandu lange. Eisho lange itali ka tala nolukeno, ndele ihandi ka filonghenda. Ndele vo nande va kuwe onghuwo mokule momatwi ange, Ame itandi ke va uda nande.”

HESEKIEL 9:10

Onghee hano, kombinga yange, eisho lange itali ka tala nolukeno, ndele Ame ihandi ka filonghenda. Okweenda kwavo Ame ohandi ke ku undwila kombada yomitwe davo.”

HOSEA 12:2

Efraim ta lalakanene omhepo, ndele ta shikula omhepo yokoushilo. Efiku alishe ye ota hapupalifa oipupulu nehanauno, ndele otava ningi ehangano naAsiria, fimbo omaadi taa twalwa kuEgipiti.

HOSEA 9:7

Omafiku etalelepo a fika, omafiku ehandukilo e uya. Israel ote ke shi shiiva! Omuxunganeki ta ka ninga elai. Omunhu wopamhepo ta i eenghwengu omolwounene woulunde woye nomolwounene wehandu.

AMOS 7:8

Opo nee Omwene okwa lombwela nge: “Amos, ou wete shike?” Ndele ame nda nyamukula: “Oshumbu.” Opo Omwene ta ti: “Tala, Ame nda kulukifa oshumbu mokati koshiwana shange Israel. Ame ihandi ke shi koya po vali.

SAKARIA 11:6

Osheshi Ame ihandi ka udila vali oonakukala vokombada yedu olukeno, Omwene ta ti. Ndelenee tala, Ame ohandi ka efela ovanhu, keshe umwe, meke lamukwao nomeke lohamba yaye, ndele vo otava ka hanauna edu, ndele itandi ka xupifa nande umwe momake avo.”

OVAHEBERI 10:30

Osheshi otu mu shii ou a tonga: “Ehandu olange, Aame handi futu,” Omwene osho ta ti; navali: “Omwene ota ka tokola oshiwana shaye.”